Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 65:12 - Iaai Bible 1901 (New Caledonia)

12 me oge me he ka ip öbun hobi kâu hele vat, ke öbun e he hia ka iyâû ka hnyi hna hlingâ: anyin oge hongot, ke öbun e ca ieû; oge me fuc, ke öbun e ca long; ke öbun e ânyâ hulo hnyi hnyimakök, me ûca ûnyi oge me ca wek.

အခန်းကိုကြည့်ပါ။ ကော်ပီ




Isaia 65:12
34 ပူးပေါင်းရင်းမြစ်များ  

Soû but, okalaöti öbun; degec ut anyibun ta je huliwa ae kong hnyi hnyimakök; soju hna mâdrâ hulo:


ke öbun e ne höcö ke ûkhin fuc, me adre me he ka ön öbun ge hele vat: anyin a hia but ha ge hnyimö Iehova.


Adre me he bi ka tha iyâû thibi me ta je bâ, me tha ta me tavat adre me hlingâ. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.


HNYI bong eling ame he Iehova ka bi hwaban ge anyin hele vat ae nâk me gan hmâ me hwege kö leviathana, on ame kec logot, me leviathana on ame hwahwali; ke ame he ka hlingâ tanimo wale hnyi köiö.


Ke ame he je obaga unyâm ka ta ge hele vat, ke tavat hwege bi hnyi vat.


Anyin a e but hmonyin anyi Iehova hon ta je hnyei hia, me anyin wathethot hon anyidra ta je utbavat hia: e a hia but ohiʼ ödra, e a hia but hnʼ ödra, inʼ adre me he ka hlingʼ ödra.


Anyin a sekon dut anyik hele vat ge hnen hna ijem hnyi drany: wâ bi, e ame he ka utut hon Edoma me hon tavat oge me hangâ, mʼ adre me owisa.


A sekon dut ge dra hele vat anyi Iehova, adre me opipikhenya e hnen dren lakon ta je mamoe me ta je got, me pipikhenyainy je wagien je mamoe baga: anyin ae hu hut kö Iehova hnyi Bozera, me ûhlingö ae gan hmâ hnyi knyei Edoma.


Ke oge me wâ, ke ba at, ke ba at ha bongon unyidra, ke oge me hnei ödra, ke ba at ae khana thu ge ke hofuc.


Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.


Eke, e hia but hnathu; ke haba at ame kec ge hulo, me e ame ka ânyâ e bi me hnân söh: ke Iehova ame wâ e, me ame kong kâu ae ba owisa.


Ke oge me ututo tavat hnyi anyik hmonyin, ke omonu ödra hnyi anyik wathethot, ke oge me hingâlâ dren anyidra möt ka hnyi hon kânâ.


tavat adre me ohmönyini nya hnyi hnyimakök hnyi ta je bong, adre me bi hut hnyi ta hnyei, kʼ adre me leû uto ae bo so hon je veto kânâ;


Anyin ame he Iehova ka ivino me tavat hnen meic, me anyin hele vat: ke ame he ka se hia hani Iehova.


Anyin a e hnyi hon dedra je gethen hia li emakök: ödra ca iyong hnyi hnyimakök, ke adre ca ikhâlâ gak hwakecidra ae kong.


Anyin a wale hna but lakudra ka hnyi hmiâ, ke hnʼ ödra but ka hnyi maniny hele vat, ke ame he ka ba but lakon laöiödra, me je safac bi, ke ame he mok ka hlingâ obaga, adre me he ka hlingâ anyidra wahidröu ge hele vat hnyi vat.


Anyin a wale, walang hna ha hnö Iehova, ka habe, öbun e ca hia but ling nya, he ka ve haimemenâ hna thang baûâ ka je liamekeiny möbun, me je laha-nöbun: wâ bi, haingö Iehova, inya oge me haimemenâ köbun hna thang baûâ, ka hnyi hele vat, me mok ae cap, me hmiâ; ke oge me he ka hnʼ öbun he ka monu hnyi ta je dokhu hia thithö eang hmeledrany.


anyin a wale walang hna ha hnö Iehova Khongon sabaoth, Khongu Isaraela, ka habe, Wâ bi, oge me he ka oâ ka at Juda, me aten Jerusalema, hia ta je ûnyi ae kong waleji oge ha gadra: anyin a oge hia but fuc ködra ke adre me ca löng bi: ke oge hia but hongot ködra ke adre me ca ieû bi.


Ke walang can hnobun hna ânyâ ta je huliwa hia eling, haingö Iehova, ke oge me he ka fuc! köbun, oge me vesâ hnyi hnyomakatu me fuc, ke öbun e ca long bi öbun; ke oge me hawʼ öbun ke öbun e ca ieû bi:


Ke u me he ka ha hia ta je hofuc ang kodra: ke adre me ca he ka ling u: u me he ka hawʼ ödra ke adre me ca he ka ieû köu.


Ke oge me he ka oâ hele vat köbun at ame bi hwaban hna okongoâ ʼûbihinyköu: ke öbun e ne he ka ûkhacaköu hnyi anyibun je taun me oge me he ka kunâ mok ae cap hnyi wanböbun; kʼ adre me he ka hnʼ öbun ka hnyi hnyamen ta je iwahnaihmiony.


Ke oge me he ka bi hwaban hnyi hmonyin me wathethot ka je hnyei adre me ca long bi.


Hawa, e ca ûcû köbun he ka long hofuc waleji Iehova ame ha a deny je perofeta kâû adrem, hnyi ûen adre labâ Jerusalema ke e sot, ke adre me labâ je tauniny igigilo e, me ke keihen ka hnyi Hwaiöu, me dok ae tha hon?


kʼ ame kunâ lathnyabainy he ka hom tavat adre hia but hawâ ka hnyi bijeûiny faipoipo: kʼ adre me höcö.


Me ame hmonyin bi than, kʼ ame kunâ anyin je utbavat, me ohia tavat ûhlingö eling, me thong degecâ anyidra taun.


E ame o but ka hnyi hing hwajekhon, kʼ ame ca kap e hnen lakeiny.


Ame he hele vat ka otengiâ eû hnyou, Ke ot eiö hnyin uma; Ame he ka hlingâ hidröu me hlu baû, Hendreng me at ae hûen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ