Isaia 65:10 - Iaai Bible 1901 (New Caledonia)

¹⁰ Ke ame he Sarona ka hnân hnyeuleiny ta je mamoe, ke haba, hwatapkoluiny Akora me hnân mokut hnen je hna hat meno, hobi kâu lakeik waleji tavat adre me elom nya.

Isaia 65:10 ပူးပေါင်းရင်းမြစ်များ

I. Man Ûlabainy Je Than. 27:29

ke Setari at Sarona at ame muso je hnahat kau ödrin e han tot hnyi Sarona: ke Safata nöku Adelai at ame muso je kau wale hnyi hnyigöulen je bucen:

I. Man Ûlabainy Je Than. 5:16

Ke ödrin e laba hnyi Gileada hnyi Basana, me je tauniny, me hnyi je utkânâ igigilo Sarona, ke ne o but hnyi je hnyigöulödrin.

Isaia 33:9

Ame tenge me sēnyin hnyei: e hmehma Lebanona, ke meleca thö: ke ûcû but Sarona me hnyebuba; ke ame öbubuny Basana me Karemela.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 51:1

LING nya ju öbun tavat öbun e hnu hoton wisa, tavat öbun e elom Iehova: wâ ju kic adre subʼ öbun ûnyi hnyin, me hwanumen thop adre hiny öbun hnyin.

Isaia 55:6

Elom Iehova thʼ öbun, e me tiga ûen he ka wâ e, hawâ thö e, e me tiga hakekeny:

Jeremia 29:13

Ke öbun e he ka elom nya me ō nya, j öbun ka he ka elom nya hnen je hnyekubun ae bekhot.

Jeremia 33:12

Walang hna ha hnö Iehova tuhan sabaoth, ka habe, Hnyi dok ang ae ba wan, ke ba minya at me meno, me hnyi ta je tauniny hia, ame he ka hu hnyaban tavat tuö mamoe, adre me mokulec haledra je hnahat mamoe.

Jeremia 50:19

Ke oge me he ka ohmetu Isaraela ka hnyi hnyaban; ke e ame he ka han tot hon Karemela me Basana, ke e ame he ka han me sekon hon je hut hnyi Eferaima me Gileada.

Hosea 2:15

Ke oge me he ka ham kâu iny je hnyei vine ûheny e, me hnyigöulen bucen Akora hnân gethen deny gejon: ke e ame he ka thu hmetu eling helâ me ehac ke tiga hlu, ke helâji me ehac hnyi ûheny hnyi hnyei Aigupito.

Ta je huliwa 9:35

Ke haba tavat hia adre me laba hnyi Lida, me Sarona adre me wâ ûnyi eling me hwio ka Than.