Isaia 64:9 - Iaai Bible 1901 (New Caledonia)

⁹ Iehova lö, ca he ka hmonyâm gan hmâ, ke ca he ka ûnykûme hwakecin ae kong nyiele balua: wâ bi, ö u wâ thö, öhmun hia thithö ang je atâm.

Isaia 64:9 ပူးပေါင်းရင်းမြစ်များ

II. Je Than 25:9

me e ame thong degecâ uma umo Iehova, me uma umen than; me je uma hia hnyi Jerusalema, wale je uma ae gan, e ame thong degecâ ge meic.

Salamo 119:94

Ânyâm inya, omeli nya; Anyin a o ge me elâm ânyâm ta je hnanyibu.

Salamo 38:1

IEHOVA lö, ca he ka û nya hnyi ânyâm hmonyin: Ke ca he bi ka nö nya hnyi hnâm hna wathethot.

Salamo 6:1

IEHOVA lö, ca he ka û nya hnyi ânyâm hmonyin, Ke ca he minya ka nö nya hnyi ânyâm wathethot.

Salamo 79:13

Me haba öhmun je lakem, me je mamoeiny em hnyei, Öhmun e he ka ole köu nyiele balua: Kʼ öhmun e he ka haimemenâ hnân oganö u ka ta je dö.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 57:17

Can hulöiny anyin behnyekon oge me hmönyik me kot e, oge me ikhölö me hmönyik: ke e ame hanyâûâ tilâ hnyi je deny hnyekon.

Isaia 60:10

Ke ame he je atkanyua ka op hagâm je hak, kʼ ame he je tuhödra ka bi athnyabaem: anyin a oge me kuc u ehac hnyi anyik hmonyin, ke hnyi anyik ibetengiö oge hia but betenge gam.

Isaia 63:18

E okhulit hna labā e hnen ânyâm tavat ae kap: haba je iwahnaihmiony möhmun, adre me hia but uto ânyâm dok ae kap.

Isaia 63:19

Öhmun e helâ me tavat u je ca musi ödra adrem balua; ke helâ me tavat adre ca ip iâm hudra.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Jeremia 10:24

Iehova lö, nö nya thö, ke ânyâ thö hnyi ûen ae ûcû: ca hnyi ânyâm hmonyin wâ e nye hia but.

Jeremia 3:12

He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Jeremia 44:21

Haba utö ae bo so öbun e le hnyi je tauniny Juda me je getheniny Jerusalema, öbun me lakamöbun, me latuhöbun, me anyibun je taben, me tavat aten hnyei, hawa, ame ca ûnykûme e Iehova, me ip hnyi hnyekon?

Je tenge anyi Jeremi 2:7

Haba Than ame hia but hota degecâ taben hut kâu, e ame hia but ikikiâ anyin dok ae kap, E ame hia but hna ka iwahnaihmiöny umen je uma ae mec: Adre hia but mede hnyi uma umo Iehova helâ me bong ûkhacaköu ae ûnyi hnathu.

Je tenge anyi Jeremi 5:18

Can bucen Ziona, wale ae ba wan; Je alope adre me vheno e.

Je tenge anyi Jeremi 5:20

Anyin a ieû u je hnying ohmun bala, Me hnʼ ohmun hnyi je bong helâe, ae se hia hmonyin?

Je tenge anyi Jeremi 5:22

Ke so bi u je hia but ti hna degeci ohmun, U je hmonyâm hmonyin kohmun.

Ezekiela 29:16

Ke ame ca he hmetu ka hnân labageju kâu hnen lap anyi Isaraela, hnân oûnykûmeâ je hulo, ödra ka hwio kodra: ke adre me he ka wâ a inya Iehova.

Levitiko 26:31

Ke oge me be ka obâ aten anyibun je taun, me ohia je dok a kabibun, ke oge me ca he ka hnulâ bunen anyibun je ûnyi ae bo so.

Habakuka 3:2

Iehova lö, oge hia but long ûthumetu gam, me oge me ot: Iehova lö, ohâtâ thö ânyâm huliwa hnyi wanben ta je huna, Omanenâ thö hnyi wanben ta je huna: Ke ûnykûme ju ibetengiö hnyi ûen wathethot.

Malaki 1:4

Anyin a haba Edoma ame ha, ka habe, Adre hia but kiâ degeci ohmun, ke ohmun e he ka hmetu ka op je dok ae ba aten; ke walang hna ha hnö Iehova tuhan sabaoth, ka habe, Adre me he ka op, ke oge me he bi nya ka hagutâ hnyikânâi: ke ame he tavat ka hwenyi ödra, ka habe, Hnyigoulen hwakecin ae kong, ke Tavat ame hmonyin kodra Iehova nyiele balua.

II. Peteru 2:17

Ödra je hna pupua köiö ae hme, ke ta je hai ame oûang dö; adre hia but ip hobi kodra lit ae menekholom.

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.