Isaia 64:8 - Iaai Bible 1901 (New Caledonia)

⁸ Ke walang ang, Iehova lö, u thibi Kamöhmun; öhmun ang kânâ ae kece, ke u at ame op kaia; ke öhmun hia thithö ang huliwa, anyin hnyamâm.

Isaia 64:8 ပူးပေါင်းရင်းမြစ်များ

Jobu 10:3

Hawa e so köu mʼ u me he ka seda, Mʼ u me he ka hûkotiâ huliwa anyin li hnyamâm, Me ohnahicâ ûhnenamö anyin tavat ae kong?

Salamo 100:3

Khanʼ öbun dö a Iehova thibi Khong: E thibi at a up öta, ke öta bi laten; Öta ta je lakeiny, me mamoeiny iny ta hnyei.

Salamo 119:73

Ame up nya me tretrau nya ge li hnyamâm: Okhanö nya thö, me me khanö nya ânyâm ta je hnanyibu.

Salamo 138:8

Ame he Iehova ka obekhötâ hobi könya: Iehova lö, nyiele balua ânyâm ibetengiö; Ca hna degecâ bi ta je huliwa anyin li hnyamâm.

Salamo 74:1

KHONG lö, ieû gam u me ûdigic balua but? Ieû ame sâ gan ânyâm hmonyin ka hnahat mamoe a em?

Salamo 95:6

Ai öbun, e so ate me he ka khudrung ju me nom; Ate me he ka cibouca hnyi hnyimakö Iehova at a up ota:

Esodo 32:12

Ieû ge at Aigupito tavat adre me he ka ha, ka habe, E a hum odra me me he ka hlingʼ odra hnyi je bucen, me ohiʼ odra ûnyi hnyi hon kânâ? Ö u ikhâlâ ju hmönyininy hnyekom ame ubâhlâ, me ietra monu a o ka je lakem.

Esodo 4:22

Ke u me he ka ha kö Farao, ka habe, Haba Isaraela nokuk a atö:

Isaia 19:25

anyin ame hia but Iehova tuhan sabaoth hahnahici ödra me ha, ka habe, E so e hnahic Aigupito a lakeik, me Asuria troban li hnyamok, me Isaraela jekhöûk.

Isaia 29:16

Öbun e ohnyimenâ hnyikânâi ta je ûnyi! Hawa, adre me he bi ka ûnykûme ka at up kaia, me helâ me kânâ ae kece; me me he bi ûnyi adre tibet ka ha ka at ânyâ, ka habe, E ame ca up nya; me he ûnyi adre me tretrao ka ha ka at ame tretrao, ka habe, E ba metâ gan?

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 43:7

haba ödra hia adre ip hudra iök, waleji oge me op hnân oganö nya; me inya at a huliwön ödra; eke, oge hia but up ödra.

Isaia 44:21

Jekob lö, ûnykûme ta je ûnyi e, ke u Isaraela, anyin a u athnyabaik: oge me i up u, ke u athnyabaik: Isaraela lö, oge me ca he ka hnying u.

Isaia 44:24

Walang hna ha hnö Iehova, at a ûcû u, ke at a up u hwân hnyi hnyekon hinyâm: inya Iehova at a op ta je ûnyi hia; at a hake ulolo drany; at thibi a olauâ hmeledrany; ie at unyik?

Isaia 45:11

Walang hna ha hnö Iehova Kabi Isaraela, at a op e, ka habe, Hnei nya thö ge ta je ûnyi ame he ka o; ke hûna thö könya ge lakuk, me huliwa anyin li hnyamok.

Isaia 45:9

Ekölö ge at ame iwatretra me at a op e! a ec kaia unyin ta je ec kaia eang hmeledrany! hawa, ame he kânâ ae kece ka ha ka at a op e, ka habe, Ieû u me op? ke hawa, ame he ûnyi u je huliwan ka ha, ka habe, E ba li hnyamen?

Isaia 57:16

Anyin oge me ca he ka ivino ke ne o but nyiele balua, ke oge me ca he bala ka hmonyin: anyin ame he ka ta sēnyin hnyok hnyi hnyimakök, me hanu o ge op.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 63:16

Anyin a u kamöhmun, eja ke ne a ne ca ö ʼhmun Aberahama, ke ca khanö Isaraela öhmun: Iehova lö, u thibi kamöhmun; at a ûcû öhmun hwân nyiele, wale iâm.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Malaki 2:10

Hawa, ca khaca kamöta hia? a ca up ota hnen Khong a khaca? anyin a ieû ate me ûiyawököu, me okongoâ ûhihinyköu anyin lakamöta?

Ioane 8:41

Öbun e ânyâ ta je huliwa anyin kamöbun. Haingödra kâu, ka habe, Ohmun ca je lakon gethen; khaca thibi Kamöhmun, a wale Khong.

Galatia 3:26

Anyin a je lakon Khong öbun hia a deny labageju kö Keriso Iesu.

Galatia 3:29

Ke öbun e ne laten Keriso, awe, öbun je mâtrâni Aberahama, a tavat tren hwajekhoû helâ me hna ha bânâ.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Deuteronomi 32:6

Hawa, öbun e bi hwaban kö Iehova helâe, Hnyei ae monu, ke ba metâ? Hawa, ca kâmâm bi at ame ûcû u? E ame up u, me otilö u.

Deuteronomi 9:29

Ke so bi em hnyei ödra, ke hwajekhom, waleji u je hom ge manâm man ae gan, me benyâm adre hai.