Isaia 64:6 - Iaai Bible 1901 (New Caledonia)

⁶ Öhmun hia thithö öhmun e helâ me ûnyi ae bo kong, ke helâ me je ûkhaû ae ikiki anyihmun wisa hia thithö: öhmun hia öhmun e meleca helâ me lany hnyot; kʼ ame ohiʼ öhmun hnen hwakecihmun ae monu helâke ame oû ang dö.

Isaia 64:6 ပူးပေါင်းရင်းမြစ်များ

II. Samuela 22:46

Ame he je atkanyua ka aû tot, Me o hnyi öbubuny ûnyi hnyi hnyeutidra ae nedrong.

Jobu 14:4

Ie at ae khana hom ke ûnyi ae kalaöt ûnyi hnyi ûnyi ae ca kalaöt? e ba at.

Jobu 25:4

Anyin a wale ame he ka kâmâu at me me wisa unyin Khong? Ke ama hawa he ka ba hnyikongon at adre me hnokoâ hnen momo?

Jobu 40:4

Wâ bi, iny thatûnyi: ieû oge me he ka thu köu? Oge me kât hnyimök.

Salamo 1:4

E ca helâe ge tavat ae kong; Ke ödra tha ûcû me unen hwit ame oû ang do.

Salamo 14:4

Hawa, e ba hnyekudra tavat hia adre ânyâ hulö? A tavat adre me an lakeik helâke me hna an jeû, Kʼ adre me ca hongot bi kö Iehova.

Salamo 51:5

Wâ bi, adre me hnöku nya hnyi monu; Ke a erkin mönya bai hnyi hulo.

Isaia 1:28

Ke ame he ka tha hnaûhango tavat hanyâûâ me tavat ae kong, kʼ ame he ka hia but tavat adre me hna degeci Iehova.

Isaia 1:30

Anyin a öbun e he ka helâ me iwajo ae meleca lan, me helâ me hnyei ae ba köiö hnyin.

Isaia 43:22

Ke so bi u je ca hawo nya, Jekob; ke u je katebu könya Isaraela.

Isaia 46:12

Ling nya ju, öbun tavat ae hnyok baga, tavat adre me ûsâkâûö me wisa:

Isaia 48:1

LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Isaia 8:17

Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Daniela 9:13

Ke ame aat kohmun ta je ûnyi hia ae kong eang, helâ me hna sihnalimen hnyi hnanyibu anyi Mose: ke so bi öhmun e ca hia but sumâtâ betenge anyi Iehova Khonguhmun, me öhmun e hmetu ju ûnyi hnyi ta je hwakecihmun ae kong, me wâ ûnykûme ânyâm hnathu.

Hosea 4:19

Haba ang ame hia but vhec e ge li labenyin; ke adre me he ka hmehma ge anyidra je hut.

Hosea 7:7

Ödra kahwa hia but helâ me wahnainyâ, ke adre me ohia tavat owisʼ ödra; a ta but anyidra je than: e ba ke at gadra ame hongot könya.

Levitiko 13:12

Ke ame ne kû lepera hnyi unen, kʼ ame ne okhötâ hia ge lepera unen at ame takoû ge mok, hwân hnyi ban ke ne o but hnyi li can, wale a wâ hnen at bihut;

Zakaria 3:3

Ke haba Josua ame khavâ je ûkhaû ae kânâ, me tot hnyi hnyimakan angela.

Roma 7:18

Anyin ae khanö nya ae ba ke unyi ae so ame laba eû hnyi hnyik, wale hnyi unyik: anyin ae hu gak wek, ke ba manik man he ka ânyâ so.

Roma 7:24

Ekölö gak, iny at ae kong ut! ie at ame he ka hûgûnö nya ûnyi hnyi unyin eang ae mok?

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

Hna Omanenâ 7:13

Me ame ha ke at hnyin wahingat, ame ha könya, ka habe, Ie tavat eang adre me khavâ je ûkhaû ae hau, ke ûhedra ua?