Isaia 64:5 - Iaai Bible 1901 (New Caledonia)

⁵ U me ûkhanö me at ame senyin me ânyâ hwakecin ae wisa, tavat adre me ûnykûme köu hnyi dem ta je gethen: wâ bi, u je hmönyâm, ke öhmun e ânyâ hwakecin ae kong: öhmun e laba kueny hnyin, ke hawa, öhmun e ha ka möt?

Isaia 64:5 ပူးပေါင်းရင်းမြစ်များ

Salamo 103:17

Ke hwân adrem balua ke ne o but nyiele balua ibetengiö anyi Iehova ka tavat adre me outen e, Ke e bi hwakecin ae wisa ka lakon ta je lakon;

Salamo 112:1

OGANÖ Ja thʼ öbun. Hnahic hnen at ame outö Iehova, At ame senyin gan hmâ ge anyin ta je hnanyibu.

Salamo 25:10

Haba je gethen hia de Iehova, me, ibetengiö me hnathu Ka tavat adre me tuö hna ûhihinyköu mē, me hnen je hna ohnathoâ.

Salamo 37:4

Senyin dö minya kö Iehova; Me e ame he ka ham köu je hna sumâtâ hnen hnyekom.

Esodo 20:24

U me he ka ânyâ hobi könya ke taben hut a kânâ, ke u me he ka hudo hon ânyâm je hut adre le, me ânyâm je hudiny ûsoköu, me halem je mamoe, me halem je kau: haba hnyi je dok hia oge me he ka oûnykûmeâ iök hnyin oge me he ka o köu me ohnahici u.

Esodo 25:22

Ke oge me he ka iouny möu eling, me ûhnenamö möu ûnyi ethö hon taben ibetengiö, ûnyi hnyi wanben li kerubi hon tang hnân ohnatho, hnyi ta je hofuc oge me he ka hûna köu hobi kâu lakon Isaraela.

Esodo 30:6

Ke u me he ka ip e hnyi hnyimakan singiny cicö tang hnân ohnatho hnyi hnyimakan taben ibetengiö wale hon ûnyi hnân ohnatho, dok oge me he ka iouny möu hnyin.

Isaia 1:30

Anyin a öbun e he ka helâ me iwajo ae meleca lan, me helâ me hnyei ae ba köiö hnyin.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 26:13

Iehova Khonguhmun lö, adre hia but musi öhmun hnen ke je than minya; ke hake u ke thibi, mʼ öhmun e he ka ogânâ iâm.

Isaia 27:8

Hnyi tulut, hnyi ûen u je obâ e, u je oû e; e ame hia but hom e ge ang ae hwege hnyi bonginy ang hwei.

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Isaia 63:7

Oge me he bi nya ka ha ge tang betenge anyi Iehova, me je hnân oganö Iehova, hoton ta je ûnyi hia thithö waleji a ham köta Iehova; me so ae gan hmâ ka lap anyi Isaraela, waleji e ame ham ködra hoton anyin ibetengiö baû, ke hoton anyin tang betenge ae gan hmâ.

Daniela 9:5

öhmun e hia but ânyâ hulo, ke hwakecin ae hwali, ke hwakecin ae kong, ke ûkhin fuc, ke saû ûnyi hnyi hnâm je hna hûna ke hnâm hna owisa:

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Zakaria 3:3

Ke haba Josua ame khavâ je ûkhaû ae kânâ, me tot hnyi hnyimakan angela.

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.

Ta je huliwa 10:35

ke e ame kap at ame outen e hnyi ta je hnyei hia, wale at ame ânyâ hwakecin ae wisa.

Heberu 4:16

Anyin a wale e so ate me he ka hwege ûhakekenyâ theroniny ibetengiö baû, mʼ ate me he ka kap ibetengiö, me wâ ibetengiö baû hnân he ka hadruʼ öta hnyi ûen ae ûcû.