Isaia 64:3 - Iaai Bible 1901 (New Caledonia)

³ Waleji hnyi hnâm hna ânyâ je ûnyi hnân outen waleji öhmun e ca ûnykûme, u je utut, me ame badedö but je bucen hnyi hnyimâkâm.

Isaia 64:3 ပူးပေါင်းရင်းမြစ်များ

II. Samuela 7:23

Ke ewa ke hnyei eang hmeledrany ae ûcû me em hnyei, a Isaraela, wale ame he Khong ka omelö kân bi hnân iny, me otilâ ien bi, me ânyâ hobi köbun je ûnyi ae gan me hnân outen hobi kâu em hnyei, hnyi hnyimakan lakem, waleji u je omelö köu bi ûheny Aigupito, ûnyi ge ta je hnyei me je khongudrin!

Salamo 106:22

Wale ta je ûnyi hnân lâiâ hnyi hnyei i Hama, Me ta je ûnyi hnân outen hnyi köiö ae Dra.

Salamo 66:3

Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.

Salamo 66:5

Ai öbun ka wâ ta je huliwa anyin Khong; Hnân öbubuny gan hnyi hnen hna ânyâ hon ta je lakon at

Salamo 68:8

Ame öbubuny hmeledrany, Ame ta but minya drany hnyi hnyimakan Khong: Waleling Sinai hnyi hnyimakan Khong, Khongu Isaraela.

Salamo 76:12

E ame he ka sö degecâ but hanon ta je tuhan: E at hnân outen ka ta je thaniny hmeledrany.

Esodo 34:10

Ke e ame ha, ka habe, Wâ bi, oge ma ânyâ ûhihinyköu: ke oge me he ka ânyâ hnyi hnyimakan tavat hia unyâm ta je ûnyi hnân lâiâ, ke ba hna ânyâ helâe eang hmelen hia, kʼ ame he tavat hia eang a tha odra möu ka wâ huliwa anyi Iehova, anyin a ûnyi hnân outen oge me he ka ânyâ köu.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Isaia 64:1

ÖU he ju ka kia but drany, me utut, me me badedö but je bucen hnyi hnyimâkâm;

Habakuka 3:3

Ame o but Khong ûheny Temana, Ke At ae Kap ûheny hnyi bucen Parana. [Sela. Ame khavâ drany hnen anyin hmanenang, Kʼ ame unöngötö hmeledrany ge hna ogânâ e.

Habakuka 3:6

E ame tot me tuluto hmeledrany; E ame bwele me oveseâ ta je hnyei: Ke adre me oveseâ je bucen kâû adrem, Kʼ ame nom ju je hut kâû ehac; E kueny jut deny ta je gethen.

Deuteronomi 10:21

E thibi at u me he ka ogânâ, ke e thibi Khongom, at ame ânyâ ta je ûnyi ae gan me hnân outen hobi köu, waleji ame wâ li emakâm.

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?