Isaia 64:11 - Iaai Bible 1901 (New Caledonia)

¹¹ Adre hia but hiâ ge meic umöhmun uma ae kap ke hmanenang, waleji a oganö u hnyin hnen lakamöhmun; kʼ adre hia but hagutâ anyihmun ta je ûnyi hia ae kese.

Isaia 64:11 ပူးပေါင်းရင်းမြစ်များ

I. Je Than 8:14

Me haba than ame hwio me hahnahicâ ûkhacakoû hia anyin Isaraela: ke ame todrö ûkhacaköu anyin Isaraela hia.

I. Je Than 8:56

Ole kö Iehova at ame omenâ lakeiny a at Isaraela, helâ me hnen hna ha bânâ hia: e ca haû bi ke hofuc a khaca hnyi hwan ta je hofuc hia ae so, waleji e ame ha a deny Mose athnyabainy.

II. Je Than 25:9

me e ame thong degecâ uma umo Iehova, me uma umen than; me je uma hia hnyi Jerusalema, wale je uma ae gan, e ame thong degecâ ge meic.

II. Man Ûlabainy Je Than. 36:19

Me ödrin e thong degecâ uma umen Khong, me thö degecâ hak veto hnyi Jerusalema, me thong degecâ ge meic je uma umen than, me okongoâ hia je kaiainy ae so.

II. Man Ûlabainy Je Than. 6:4

Me e ame ha, ka habe, Ole kö Iehova, Khongu Isaraela, at ame fuc ge hnyimen kö cica Davita, me ohwâdâ ge li hnyamen, ke haingen, ka habe,

II. Man Ûlabainy Je Than. 7:3

Ke haba lakon Isaraela hia ödrin e wâ meic ame kolu me hmanenangi Iehova hon uma; ke ödrin e nom hnyikânâi ka hnyi dek veto, me khudrung, me ole kö Iehova, me ha, ka habe. Anyin ae so; anyin a nyiele balua anyin ibetengiö.

II. Man Ûlabainy Je Than. 7:6

Ke haba tavat bihut ödrin e ve tot hnyi je hanymodrin; me tavat Levi me ta je ûnyi khumöng anyi Iehova, waleji a ânyâ Davita than hnân ole kö Iehova, anyin a nyiele balua anyin ibetengiö, waleji hnyi ûen Davita ame ogânâ hnen ta ie ûnyi eling: ke haba tavat bihut ödrin e tûö trutru hnyi hnyimaködrin; kʼ ame tödrö at Isaraela hia.

Isaia 63:18

E okhulit hna labā e hnen ânyâm tavat ae kap: haba je iwahnaihmiony möhmun, adre me hia but uto ânyâm dok ae kap.

Jeremia 52:13

ke e ame thong degecâ uma umö Iehova, me uma umen than; ke e ame thong degecâ ge meic ta je uma hia hnyi Jerusalema, wale je uma ae gan hia.

Je tenge anyi Jeremi 1:7

Hnyi bonginy vec me hmak, Jerusalema ame ûnykûme Ta je ûnyi gan ae kese hwân hnyi je bong kâû ehac: Hnyi ûen ame ta anyin tavat ka hnyi hnyamen iwahnaihmiöny, ke ba at ame hadruâ e, Ame wâ e hnen je iwahnaihmiöny, adre me hlumâ ta je hna okongoâ e.

Je tenge anyi Jeremi 2:1

NAKAINY hna okhömetâ hluiny Ziona hnen Than hnyi anyin hmonyin! E ame hia but khûâ ûnyi hnyi drany hmanenanginy Isaraela ka hnyi hmeledrany, Ke ame ca hia but ûnykûme taben hnyeûcan hnyi bonginy anyin hmonyin.

Je tenge anyi Jeremi 2:7

Haba Than ame hia but hota degecâ taben hut kâu, e ame hia but ikikiâ anyin dok ae kap, E ame hia but hna ka iwahnaihmiöny umen je uma ae mec: Adre hia but mede hnyi uma umo Iehova helâ me bong ûkhacaköu ae ûnyi hnathu.

Ezekiela 24:21

Ha thö ka lap anyi Isaraela, ka habe, Walang hna ha hnen Than Iehova, ka habe, Wâ bi, oge me he ka okongoâ anyik dok ae kap, wale tang hwegiöbun ae beönua, webun, ame oûnyihnatho hnen hnyekubun; ke ame he ka ta ge hele vat je lakubun obaga me wahlu waleji öbun e kec hotʼ ödra.

Ezekiela 24:25

Ke haba u nokon at lö, hnyi bong oge me he ka hom gadra tang hwegiödra, wale senyin ge anyidra hmanenang, wale wedra, me weny hnyekudra, wale lakudra obaga me wahlu,

Zakaria 1:12

Me haba angela anyi Iehova ame thu me ha, ka habe, Iehova tuhan sabaoth lö, ke ne o but kebö a u me ca he ka betenge ge Jerusalema, me je tauniny Juda, wale u je hmönyâm ka hnyin, hnyi je huna a sevente?

Mataio 24:2

Haba Iesu ame ha ködrin, ka habe, Hawa, öbun e wâ but ta je ûnyi hia eang? e hnathu inya oge me ba köbun, ka habe, Ame ca he bi ke veto ka mokut hon ke veto, ke adre me he ka thö degecâ hia.

Deuteronomi 29:23

me haba hnyei hia me teio, me alase, me ame hiâ, kʼ adre ca belökâ, kʼ ame ca wa, ke ba hnaonying ame kû hnyin, helâ me hna ohia Sodoma, me Gomora, me Adema, me Zeboim, waleji Iehova ame ohia ge anyin hmönyin me anyin û: