Isaia 64:1 - Iaai Bible 1901 (New Caledonia)

¹ ÖU he ju ka kia but drany, me utut, me me badedö but je bucen hnyi hnyimâkâm;

Isaia 64:1 ပူးပေါင်းရင်းမြစ်များ

Salamo 46:6

Ame imemedien ta je hnyei, kʼ ame bwebwet ta je dokhu: E ame fuc ge hwan, me ame köiö but hmeledrany.

Salamo 68:8

Ame öbubuny hmeledrany, Ame ta but minya drany hnyi hnyimakan Khong: Waleling Sinai hnyi hnyimakan Khong, Khongu Isaraela.

Salamo 79:10

Hnân eû ame he ta je hnyei ka ha, ka habe, Ewa Khongudrin? E so e ka manen dut hnyi ta je hnyei hnyi hnyimaköhmun. Hna bi hwaban dra dren lathnyabaem adre hingâlâ.

Esodo 19:11

mʼ adre me penapena hobi kâu bong a kuniny: anyin a haba hnyi bong a kuniny ame he Iehova ka utut hnyi hnyimakan tavat hia thithö hon bucen Sinai.

Esodo 3:8

kʼ oge me utut ang he ka hûgûnʼ ödra ûnyi hnyi hnyamen at Aigupito, me hum ödra ûnyi hnyi hnyei eling ka hnyi ke hnyei ae so me au, a hnyei ame di hnyin debai me hane; a hnen at Kanana, me at Heth, me at Amora, me Perizi, me Hivi, me Jebusi.

Isaia 41:15

Wâ bi, oge me he ka wiö u hnân huje hwit ae so hwan a teb ûnyi ke hu nyon: mʼ u me he ka kokot je bucen me me ûhnyûkong ju, ke u me he ka wia je hut me me helâ me unen hwit.

Isaia 63:15

Wâ ju ûnyi hnyi drany, me wâ ûnyi hnyi hnyabam ae kap me hmanenang; ewa wem ae hwege me hna ânyâ hnen manâm man? adre hom behânâ medien hnyekom me ânyâm betenge könya.

Isaia 63:19

Öhmun e helâ me tavat u je ca musi ödra adrem balua; ke helâ me tavat adre ca ip iâm hudra.

Amosa 9:13

Ke haingo Iehova, ka habe, Wâ bi ame he ka o je bong, me ame he at ame trohnen ka khaû at ame subö hwit, ke ame he at ame utoto wan vine ka khaû at ame cekön; ke ame he je bucen ka khukhula ge waina ae hnebwia, kʼ ame he je hut hia ka lup.

Amosa 9:5

Anyin a haba Than Iehova tuhan sabaoth, wale thibi e at ame kâlâ hnyei, me ame köiö but, ke amo he tavat hia adre me labâ e ka tenge; ke e ame he ka khibi hia helâ me Wagewe; kʼ ame he ka dit hmetu helâ me Wageweiny Aigupito;

Zakaria 14:4

Ke haba hnyi bong eling, me ame he li can ka tot hon bucen Elaio, cicö deiö Jerusalema, ke adre me he ka subâ luâ bucen Elaio hnyi wanben e deiö me jio, me ame he ka hu hnyigöulen bucen ae gan; ke ame he ke keihen bucen ka he ka hnyi hwadro, ke haba ke keihen ame he ka he ka hnyi hwaiöu.

Mareko 1:10

Ke e ame tiga ölö thö ûheny hnyi wagewe, me e ame wâ drany adre me khong ut, me Hanu ame gâ hon e helâ me biny:

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.