Isaia 63:9 - Iaai Bible 1901 (New Caledonia)

⁹ E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Isaia 63:9 ပူးပေါင်းရင်းမြစ်များ

Genese 48:16

waleji angela at ame omeli nya ûnyi hnyi ta je kong hia, e so e ame ohnahica li thöth; ke so adre ip hudru iök, me ien lakamök Aberahama, me Isaaka; ke so ödru me he ka ti si eang hmelen.

Jobu 37:23

Haba Ataekhanahia, me ca khanʼ öta he ka wâ wia; e nua man: Ke haba hnyi hna owisa me ûhnei, me ame ca he ka ûokonguny.

Salamo 25:22

Khong lö, omeli Isaraela thö Ûnyi hnyi anyin ta je vec hia thithö.

Salamo 78:38

Ke e at ae unöngöt ge ibetengiö, me e ame thang anyidra hulo, kʼ ame ca ohiʼ ödra bi: Eke, e ame osehia ohmeto anyin hmonyin, Ke ame ca oubâhlâ anyin wathethot.

Esodo 14:19

Ke haba angela anyin Khong, at ame bân hnyi hnyimakan at Isaraela, ame biliny jut hotudra; ke haba ûlâ at ame tot wisa hnyi hnyi-maködra, e ame hwiö me tot hotudra:

Esodo 15:13

Hnyi ânyâm ibetengiö u je lelö tavat u je hia but omelö: U je lili odra ge tang hwegiâm ka hnyi hnyabam ae kap.

Esodo 19:4

Öbun e wâ but hnök hna ânyâ ka at Aigupito, a oge köp öbun hon labenyin aeto, me hum öbun könya.

Esodo 33:14

Ke e ame ha, ka habe, Ötu tha he, ke oge me he ka omeno u.

Esodo 33:15

Ke haingen kâu, ka habe, Öte ne ca tha he, me u me ca he ka hum ohmun ûhehmun ang.

Isaia 43:1

KE walang ang, walang hna ha hnö Iehova at a up u Jekob, me at a huliwön u Isaraela, ka habe, Ca ot bi, anyin a oge hia but ûcö ânyâm möt; oge hia but hawâ iâm, anyin a atök ut u.

Isaia 43:4

Anyin a u oûnykûmik, me hmanenang, me hnok hna betenge gan; awe, oge me he ka ham tavat hnân hwabâm, me je hnyei hwaban melâm.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 51:10

Hawa, ca u at ame ohmö köiö wale köiö ae dit hmonyin; at ame wia dok ae dit hnyi köiö me hnân gethen bi me me vheno hnen tavat adre ûco melidra?

Isaia 52:9

Ie tha hongot senyin dö goranyai, öbun je dok ae ba wan hnyi Jerusalema: anyin a hia but Iehova otubwelâ lakeiny, e ame ûcû meli Jerusalema.

Daniela 6:22

Haba Khonguk ame kunâ anyin angela, me obuhlumo hnyimen je liona, mʼ adre me ca okongu nya: anyin adre me wâ ae ba hnyikonguk hnyi hnyimakan: ke haba khaca, than lö, e ba monu oge me ânyâ hnyi hnyimâkâm.

Hosea 1:7

Ke so bi, oge me he ka betenge ge lap anyi Juda me omeli ödra a deny Iehova Khongudrin, ke oge me he ka omeli ödra ge cefana, me hele vat, me vat, me je hors, me tavat tabô hors.

Joela 2:18

Me Iehova ame ciâ ge iny hnyei, me betenge ge lakeiny.

Zakaria 2:8

Anyin a walang hna ha hnö Iehova tuhan sabaoth, ka habe, E ame hia but kunö nya ka hnyi je hnyei iny tavat adre me sei öbun he ka hom hmanenang: anyin a haba at ame kalʼ öbun, me ame ka kâlâ wan emakan bi.

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mataio 25:45

Me e ame he ka thu kodra, me ha, ka habe, E hnathu inya oge me ha köbun, ka habe, Habaji ge hnobun hna ca ânyâ ka ke at gadra ae ûhnyûkong hmonyin, me öbun e ca ânyâ minya ling könya.

Luka 15:5

Ke ame wâ ju, me e ame ip hon abenyin, kʼ ame senyin bi.

Ta je huliwa 12:11

Peteru ame ûnykûme metoâ me e ame ha, ka habe, Oge me wâhmakhmetoâ walang ang a Than ame kunâ anyin angela he ka hûgûnö nya ûnyi hnyi hnyamö Heroda, me hna ûnykûme hia hnen at Juda.

Ta je huliwa 7:38

Waleji at ae hnyi ûkhacakâu hnyi hnyebuba tha e me angela at ame fuc kâu hnyi bucen Sinai, me tha e me lakamöta: at ame kap hofucin möt he ka ham köta:

Ta je huliwa 9:4

me e ame ta but ka hnyi kânâ, me ame long ke hofuc ame ha kâu, ka habe, Saulo, Saulo lö, ieû gam u me okongu nya?

I. Korinito 10:9

Ke ca he minya öta ka cubec Than, helâ me keihen gadra adre me cubec, me adre me mokcu ge ta je on.

Deuteronomi 1:31

me hnyi hnyebuba, waleji u je wâ a gʼ ame kop u tilö u Iehova Khongom, helâ me at ame delûâ nokon, hnyi je gethen hia öbun e he hnyin ke ne o but öbun e o but eang.

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Heberu 2:18

E ûcû kâu he ka hadru ödra adre cubic ödra, anyin a e ame hom vec hnyi hna cubec.

Heberu 4:15

Anyin ae ca hu bi gata at bihut ae nua at ame ca hnyi vec hnyi anyita ta je sënyin; ke so bi at adre hia but cubec ge ta je ûnyi hia thithö helâ möta, ke ba bi anyin hulo.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,

Owisa 10:16

Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.