Isaia 63:3 - Iaai Bible 1901 (New Caledonia)

³ Inya oge hia but hake hlic vine; ke ba at unyik ûnyi hnyi ta je hnyei: eke, oge me hlic ödra hnyi anyik hmonyin, ke ututi ödra hnyi anyik wathethot; me ame kong anyik je ûkhaû ge drödra, ke oge hia but okongoâ hia anyik ûkhaû.

Isaia 63:3 ပူးပေါင်းရင်းမြစ်များ

Genese 49:11

Adre me he ka hûkâlâ haleny asina hnyi vine, Me nokon haleny asina hnyi vine ae so; E ame hneû je ûkhaûen hnyi waina, Me anyin imano hnyi dren ta je wan vine.

II. Je Than 9:33

Me e ame ha, ka habe, Khûâ but momo hnyikânâi. Me ödrin e khûâ hnyikânâi, me ame fifile thö dren ka hnyi hon haginy veto, me hon je hors: me e ame uto momo ge li can.

Jobu 40:12

O ʼdra ju tavat bi gan hia, me ohnyikânâ ju; Me uto ju tavat ae kong hnyi je hnödra.

Salamo 60:12

Ûnyi ge Khong, ate me he ka hwege: Anyin a e thibi at ame he ka uto ta je iwahnaihmiöny möta.

Isaia 22:5

Anyin a bonginy hmak eling, me iututi, me monumonu ûnyi ge Than, Iehova tuhan sabaoth, hnyi hnyigöulen bucen hna omanenâ; adre me kia je hak veto, me tenge ka je bucen.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 28:3

Adre me he ka ututo ge ta je hnyeûca koronainy biganiny tavat adre me monu ge grâg hnyi Eferaima:

Isaia 59:17

Ke e ame khavâ hwakecin ae wisa helâke me hna tube ûlâiny, ke e ame bicâ möt; ke e ame khavâ ûkhaûen bihwaban hnân ûkhaû, me khavâ weny ae gan hmâ helâ me ûkot.

Isaia 63:6

Ke oge me ututo tavat hnyi anyik hmonyin, ke omonu ödra hnyi anyik wathethot, ke oge me hingâlâ dren anyidra möt ka hnyi hon kânâ.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Joela 3:13

Inâ but ûnyi hnân subö hwit, anyin a hmahmat ut widrany: ai öbun, ututo ju; anyin ae unöngöt dö hna hlic wan vine, ame bahihingölö je tangen; anyin ae gan hmâ hwakecidra ae kong.

Mika 7:10

Ke ame he je iwahnaihmiöny mönya ka hnyi wâ, ke ame he ka takoû e hnen hmehma; waleji at ame ha könya, ka habe, Ewa Khongom? Ame he li emakök ka wâ e; walang ang adre me he ka ututo e helâ me hmudra eû hnyi gethen.

Zakaria 10:5

Ke adre me he ka helâ me tavat hwege, tavat adre me uto je iwahnaihmiony hnyi hmudrainy gethen hnyi vat; ke adre me he ka vat, anyin a e unyidra Iehova: ke ame he tavat tabö hors ka hlohlo.

Malaki 4:3

Ke öbun e he ka uto tavat ae kong; anyin adre me he ka helâ me hnabadröu hmelen je hnyeûcabun hnyi bong waleji oge me thu, haingö Iehova tuhan sabaoth.