Isaia 62:4 - Iaai Bible 1901 (New Caledonia)

⁴ Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Isaia 62:4 ပူးပေါင်းရင်းမြစ်များ

Salamo 149:4

Anyin a Iehova ame senyin ka lakeiny: E ame he ka ohmanenangâ tavat ae hnyikânâ ge ûhomeli.

Salamo 16:3

Ke haba tavat ae kap eang hmeledrany, Ödra tavat ae beönua soidra, wale oge me ti senyin kodra.

Isaia 49:14

Ke haingen Ziona, ka habe, A hia but Iehova digic nya, ke a hnying nya but Than.

Isaia 54:1

KHUMÖNG dö, u momo toûnyi at ame ca hnokoâ; ke ie khumöng dö goranyai, ke hongot senyin dö momo ame ca vec hnyekom: anyin ae se hia lakon tavat laba baû hon lakon tavat ae hu laöiödra, haingö Iehova.

Isaia 60:15

Anyin a adre hia but digic u me hûkötiö u, waleling me me ca he ke at unyâm, awe, oge me he bi nya ka wiö u hnân hnyei ae mec nyiele balua, ke hnân senyin hnyi ta je dö ae se hia.

Isaia 60:18

Adre me ca he hmetu ka long ûökonguny hnyi em hnyei, ke ame ca he bi ka ba wan me hna ûhangö hnyi je hnyigöulâm; ke u me he ka hwenyi ien ânyâm je hna up haginy, ka habe, Ûhomeli, me je homagöulem, ka habe, Ogânâ.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Isaia 62:2

Ke ame he je hnyei ka wâ hwakecâm ae wisa, kʼ ame he ta je than hia ka wâ ânyâm hmanenang: ke adre me he bi ka hwenyö ke iâm bi ae teb ûnyi ame he hnyimö Iehova he ka ha.

Isaia 62:5

Anyin a helâke hidröu ame hom hlu, helâe ame he je lakom ka faipoipo möu: ke ame he Khongom ka senyin köu, helâ me at ame hap faipoipo ame senyinâ âiân.

Isaia 65:19

Ke oge me he ka senyinâ Jerusalema, me hobâ ta je atök: ke adre me ca he hmetu ka long hwan thungaû, me tenge.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Ezekiela 36:35

Ke adre me he ka ha, ka habe, Haba hnyei ang waleji ae ba wan, me ûcû bi me hnyei Edena; ke adre up haginy me labâ je taun waleji ae ba wan, me ba aten, me ve ta ûnyi.

Hosea 2:21

Haingö Iehova, ka habe, Hnyi bong eling oge me he ka thu hmetu, oge me he ka thu hmetu ka je drany, ke drany ame he ka thu hmetu ka hnyi hmeledrany;

Hosea 2:22

ke ame he hmeledrany ka thu hmetu ka hwit, me waina me wakaco; ke ödrin e he ka thu kö Jezerela.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Malaki 3:12

Ke ame he je hnyei hia ka ha hnahici öbun: anyin a öbun e he ka hnyei hnân wenyâ, haingö Iehova tuhan sabaoth.

Ioane 3:29

Haba at ae hu hlu a teb faipoipo, me wale baga a teb faipoipo mē, ke haba hanen baga a teb faipoipo, at ame tot ka long e, me ame senyin gan hmâ ge ifucin at a teb faipoipo: anyin a wale e hwâdâ but anyik senyin ang.

II. Korinito 11:2

Anyin a inya oge me ciʼ öbun ge hwakecin ciâ anyin Khong: anyin a oge me kocʼ öbun ka baga a khaca, mʼ inye he ka hum öbun ka Keriso helâ me hlu cici.

Deuteronomi 30:9

Ke ame he Iehova ka osehiö u hnyi ânyâm ta je huliwa hia, hnyi wan hnyekom me wan halem je meno, me wan kânâm kânâ, me me so bi; anyin ame he hmetu Iehova ka senyin gam hnyi so, helâ me e ame senyin ka lakâmâm:

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

I. Peteru 2:10

waleji a ca aten dokhu ehac, ke aten bi dokhu dokhon Khong walang ang: waleji a tavat adre ca betenge gadra, ke adre betenge bi gadra walang ang.

Hna Omanenâ 21:2

Ke inya oge me wâ taun ae kap, Jerusalema a teb ûnyi, ame utut ûheny hnyi drany ûnyi ge Khong, adre penapena helâ me hlu ame he ka faipoipo, adre theibâ e hobi kâu âiân.