Isaia 61:9 - Iaai Bible 1901 (New Caledonia)

⁹ Ke ame he ka lung je mâtrânidra unyin ta je hnyei, me lakudra huyi wanben tavat: ame he hia tavat adre me ō ʼdra ka wâhmakhmeto a ödra ta je mâtrân a ohnahicâ Iehova.

Isaia 61:9 ပူးပေါင်းရင်းမြစ်များ

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 30:27

Me haingö Labana kâu, ka habe, A ne hu ânyâm ibetengiö könya, me halubahingen ju, anyin a oge me wâhmakhmetoâ a Iehova ame ohnahici nya gam.

Salamo 115:14

E na he ju Iehova ka osehiai öbun tilʼ öbun, Walʼ öbun me lakubun.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Isaia 65:23

Adre me ca he bi ka huliwa baû, kʼ adre me ca he ka hnokoâ hnân hobi kâu ûokonguny; anyin a ödra je mâtrâniny tavat a hahnahicâ Iehova, tha ödra me lakudra.

Isaia 66:22

Anyin ame he ka tet hmâ hnyi hnyimakök drany a teb ûnyi, me hmeledrany a teb ûnyi, wale oge me he ka op, haingö Iehova, ke helâe ame he ka tethmâ mâtrânibun me iöbun.

Jeremia 31:7

Anyin a walang hna ha bnç Iehova, ka habe, Khumöng senyin dö ga Jekob, me hongot dö ge hnyei ae beönua: haimemenâ thö, ogânâ thö, me ha, ka habe, Iehova löomelö thö lakem, a je kolon hnyi Isaraela.

Zakaria 8:13

Adre ohnaûhangʼ öbun lap anyi Juda, me lap anyi Isaraela unyin je hnyei, helâe oge me he ka omeli öbun, ke öbun e he ka hnahic: ca ot bi, owhigiâ thö je hnyamöbun.

Malaki 3:12

Ke ame he je hnyei hia ka ha hnahici öbun: anyin a öbun e he ka hnyei hnân wenyâ, haingö Iehova tuhan sabaoth.

Numera 22:12

Ke haba Khong ame ha kö Balaama, ka habe, U me ca he ka tha he mödrin: u me ca he ka hangâ tavat eling: anyin adre hahnahici ödra.

Ta je huliwa 3:26

Ke haba; Khong ame oâ Aten, kʼ ame kunâ bânâ köbun he ka ohnahici öbun, wale he ka ve! ohmetu öbun ûnyi hnyi anyibun ta je hulo.