Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 61:8 - Iaai Bible 1901 (New Caledonia)

8 Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

အခန်းကိုကြည့်ပါ။ ကော်ပီ




Isaia 61:8
34 ပူးပေါင်းရင်းမြစ်များ  

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.


Ke ca helâling anyik lap me Khong; Ke so bi e ame ânyâ mönya ûhihinyköu ame ca ba balua, Adre penapena ta je ûnyi hia thithö hnyin, ke hwege: Anyin a melik hia, me wek hia, Ke so bi e ame tiga ca okûâ e.


E ame otethmâ kö Jekob me hnân hnanyibu, Kö Isaraela hnân ûhihinyköu a nyiele balua:


Anyin ae wisa Iehova; kʼ ame hnyokâ hwakecin ae wisa; E ame he ka wâ hnyimakan at ae wisa.


Oge me he ka nö u, me ku köu gethen u me he ka vheno: Oge me he ka ûhnenamö möu me ecmakö u.


E ame hnyokâ hwakecin ae wisa me hna owisa: E unöngötö hmeledrany ge ibetengiö anyi Iehova.


Anyin a Iehova ame weny hna owisa, Ke e ame ca degec bi anyin wakap. Kʼ adre me tuʼ ödra balua bi: Ke adre me he ka subâ degecâ je mâtrân tavat ae kong.


U je hia but hnyok ka hwakecin ae wisa, me ikiki ge hwakecin ae kong: Anyin a wale Khong a Khongom ame hia but hû u Ge wakacoiny senyin hon je lahanâm bi.


Ûkhacaköu thö könya ta je latök ae kap; Waleji tavat adre hia but ûhhiinyköu mönya ûnyi ge hut.


Ca geju bi ka hwakecin sedâ, Ke ca hobelöu bi ka hnyi hwakecin venöu: E ka osehia tot omejeû, ca hnyok kâu.


Ke haba hwegien than me ame hnyok ka hna owisa; U je otethmâ hnathu, U je mâdrâ hna owisa me wisa unyi Jekob.


Ûnykûme ju kâu hnyi dem ta je gethen hia, Me e ame he ka owisa dem ta je gethen.


Inya oge me vheno gethen ae wisa, Hnyi wanben je gethen owisa:


Ke oge me he ka ânyâ hna owisa hnân tulut, ke hwakecin ae wisa hnân tulut ûhni; kʼ ame he we wahma ka aba degecâ hna-bâiny thoi, kʼ ame he ka bahihingölö ta je köiö ka hnyi dok adre me lubaduöng hnyin.


Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.


ke adre me oganö Iehova tuhan sabaoth ge hna owisa, kʼ adre me okabâ Khong at ae Kap ge hwakecin ae wisa.


Anyin ame he ka hia ta je bucen, ke ame he ka bwebwet je hut; ke ame ca he bi ka hia anyik betenge unyâm, ke ame ca he ka hom degecâ hnok hna ûhihinyköu ge ûsoköu, haingö Iehovaʼ at ame betenge gam.


Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.


WALANG hna ha hnö Iehova, ka habe, Vheno thö ûnyi ae ûcû, ke ânyâ thö ûnyi ae wisa: anyin ae hakekeny jut he ka o anyik ûhomeli, me he ka omanenâ anyik wisa.


Anyin ame he ka tet hmâ hnyi hnyimakök drany a teb ûnyi, me hmeledrany a teb ûnyi, wale oge me he ka op, haingö Iehova, ke helâe ame he ka tethmâ mâtrânibun me iöbun.


ke oge me he ka ânyâ mödra ûhihinyköu a nyiele balua, a oge me ca he ka hwiö gadra, wale he ka ânyâ kodra so; ke oge me he ka ip eû hnyi hnyekudra he ka ot könya, mʼ adre me ca he ka digic nya.


ke so at ame hobâ he ka hobâ ûnyi ang, a e ame wâhmakhmeto me khana inya, a inya Iehova at ame ânyâ betenge, me owisa, me ûnyi ae ûcû eang hmeledrany: anyin a inya oge me senyin ka ta je ûnyi eling, haingö Iehova.


Ke so bi oge me he ka ûnykûme waleji ge hnok hna ûhihinyköu möu hnyi ûen a u hlu, ke oge me he ka ohmâ hobi köu ûhihinyköu a nyiele balua.


Ke oge me he ka ânyâ ûhihinyköu ûsoköu mʼ ödrin, ke oge me he ka ohia ta je meno ae kong ûnyi hnyi hnyei: ke adre me he ka laba khotkic hnyi hnyebuba, ke mokut hnyin hnyi hnyot.


Ke haingöbun, ka habe, Wâ bi, ûnyi hnân höciâ! ke öbun e hia but hûkötiâ e, haingö Iehova tuhan sabaoth: ke öbun e hia but hom ûnyi adre me hûgûnâ, ke at ae kong can, ke hna takoû hnen mok; wale hut öbun e hom: hawa e ûcû könya he ka kap e ûnyi gabun? haingö Iehova.


Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.


Ke so ame he Than ka owisa je hnyekubun ka hnyi ibetengiö anyin Khong, me hokhnyok ûnyi ge Keriso.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ