Isaia 61:6 - Iaai Bible 1901 (New Caledonia)

⁶ Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Isaia 61:6 ပူးပေါင်းရင်းမြစ်များ

Esodo 19:6

kʼ öbun e he ka dökuk dökhu a je at bihut, me hnyei ae kap könya. Wale hofuc u me he ka ha ka lakon Isaraela.

Isaia 23:18

Ke ame he ka hwakecin ae kap kö Iehova ta je ûnyi gan hnân ûco me hnen hna hok hwaban: adre me ca he ka ip me ûkhöûnâ; anyin a hobi kâu tavat adre me laba hnyi hnyimakö Iehova ta je ûnyi hnân ûcö gan, he ka han sekon, me ûkhaû ae nâk.

Isaia 54:3

Anyin a u me he ka lau hnyi ke keihen metâ me me; ke ame he je mâtrânâm ka hu je hnyei, me labā je taun ae ba wan.

Isaia 56:6

Ke haba ta je atkanyua minya, tavat adre me ûkhacaköu kö Iehova, he ka bi athnyabainy, me hnyok ka iö Iehova, me bi huliwa kâu, ödra hia thithö adre me tuö sabath me ca okongoâ, me kât hmâ anyik ûhihinyköu;

Isaia 66:12

Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Isaia 66:21

Ke oge me he ka hom keihen gadra, mʼ adre me tavat bihut, me at Levi but, haingö Iehova.

Jeremia 33:18

ke ame ca he ka hia hnyimakök ka tavat bihut a at Levi, at ame he ka hudo je hudiny leû, me le je hudiny han, me labö bi hut hnyi je bong.

Ezekiela 14:11

me me ca he monu hmetu gak lap anyi Isaraela, me oikiki ödra hmetu bi hnyi hnödra je hna hanyâûâ; ke so bi, mʼ adre me he ka lakeik, me oge me he bi nya ka Khongudrin haingen Than Iehova.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

I. Korinito 3:5

Anyin a ieû Apolo? ke ieû Paulo? a li athnyaba a deny anyibun labageju; helâji me hnen Than hna ve ham köhmu.

I. Korinito 4:1

E SO e he at ka ûnykûme kohmun, a ohmun je athnyabainy Keriso, me je athnyaba adre tuö omjeû wale ta je ûnyi ae iyong anyin Khong.

II. Korinito 11:23

Hawa, ödra tavat huliwa ka Keriso? (inya oge me hwen monu) iny beönua bi nya; beönua hnyi huliwa; ke se hia hmönyin hna labö cö nya, e se hia hmönyin hna labö osoi nya, ke iny osehia he ka mokcu.

II. Korinito 6:4

ke hnyi ta je ûnyi hia öhmun e omanenʼ öhmun a lathnyabainy Khong öhmun, hnyi hokhnyok ae gan hmâ, me je vec, me theduoc, me hlöuhlöu,

Deuteronomi 18:2

Ke ödrin e ca he ka hu hwajeköudrin unyin je liamekeiny mödrin: haba Iehova hwajeköudrin, helâ me hnen hna ha ködrin.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Hna Omanenâ 1:6

kʼ ame wiʼ öta me me dokhu me hnyat bihut ka Khong a Kamen; e so e unyin hmanenang me dokhu nyiele nyiele balua. Amen.

Hna Omanenâ 20:6

E hnahic ut me kap tavat adre me hnyi hanen möt hmetu a bân: e ba maniny mok a loiny ködrin; ke adre me he bi ka tavat bihut ka Khong me Keriso, ke adre me he ka tha musi mē ke ne o but hnyi je huna a wan thauzan.

Hna Omanenâ 5:10

me wiʼ ödra hnân dokhu me tavat bihut hobi kâu Khonguhmun; ke adre me musi eang hmeledrany.