Isaia 61:3 - Iaai Bible 1901 (New Caledonia)

³ he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Isaia 61:3 ပူးပေါင်းရင်းမြစ်များ

Esetera 8:15

Ke haba Modikai ame he ûheny unyin than kʼ ame khavâ ûkhaûen than ae udrudrâ me hau, me korona gol ae gan, me ûkhaû a mano lino ae udrudrâ hlit: kʼ adre me senyin me hobâ hnyi taun hnyi Susani.

Esetera 9:22

wale li bong waleji hnen at Juda hna menâ ge je iwahnaihmiony mödrin, me tehi waleji adre me wia hmutu ködrin ûheny hnyi hna hmak hnyekon, me me senyin bi, ke ûheny hnyi hna tenge, me me bong bi ae so; mʼ adre me he ka ânyâ hnân li bong bijeû me senyin, me hnân ûhamköuâ je jekhoû, me ham je bwihlany ka tavat ae theduoc.

Salamo 104:15

Me waina minya hnân osenyinâ hnyekon at, Me wakaco hnân hmanâ hnyimakan, Me jeû hnân sihwegiâ hnyekon at.

Salamo 149:4

Anyin a Iehova ame senyin ka lakeiny: E ame he ka ohmanenangâ tavat ae hnyikânâ ge ûhomeli.

Salamo 23:5

U je penapena laulau hobi könya hnyi hnyimakan je iwahnaihmiony mönya: U je hia but hû bok ge wakaco; ame babihingölö thö anyik kaia.

Salamo 30:11

U je hia but wia anyik hloûhloû ka hnyi biâ; U je hia but uny anyik ûkhaû ae gan nân, me oweikö nya bi ge senyin:

Salamo 30:12

Me me he ka khumöng oganö u hnen anyik mec, kʼ ame ca he ka laba hnyibû. Iehova lö Khonguk, oge me he ka oganö u nyiele balua.

Salamo 45:7

U je hia but hnyok ka hwakecin ae wisa, me ikiki ge hwakecin ae kong: Anyin a wale Khong a Khongom ame hia but hû u Ge wakacoiny senyin hon je lahanâm bi.

At Khet 9:8

E so e hau bala je khaûâm; ke ca he ka hia wakaco hnyi hon bâm.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 26:2

Khong ut je homagöule me me didro hnyei ae wisa, a at ame tuö hnathu.

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Jeremia 31:13

Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Ezekiela 34:29

Ke oge me he ka okûâ hobi kodra ke ûö ae lung, ke adre me ca he hmetu bi ka ohiʼ ödra ge hmiâ hnyi hnyei, ke ame ca he hmetu bi ta je hnyei ka ohmehmai ödra.

Ezekiela 47:7

Ke oge me hmetu but, ke wâ bi, e se hia hmonyin je ûö hnyi baten wagewe hnyi li ke keihen.

Zakaria 3:5

Ke oge me ha, ka habe, E so adre me obicâ e ge hnabinybak ae so. Me adre me obicâ e ge hnabinybak ae so, me okhaûâ e ge je ûkhaû; ke haba angela anyi Iehova ame tot.

Mataio 15:13

Ke e ame thu me ha, ka habe, Haba ta je ûö a ca tā bi hnen Kamök ethö hnyi drany, me adre me he ka oc dö me iwân.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Luka 15:22

Ke haba kamen ame ha ka lathnyabainy, ka habe, Ie hom but jem ûkhaû ae ti so, ke okhavâ ju kâu; ke inâ thö wen hnyam kâu, ke hûkâlâju tangen li hnyeûca:

Ioane 15:8

Hnân ogânö Cica, öbun ka he ka wa gan hmâ; ke helâe öbun e he ka bi latök.

Ioane 16:20

E hnathu, e hnathu, inya oge me ha köbun, ka habe, öbun e he ka tenge me tenge thungaû, kʼ ame he hmeledrany ka senyin: öbun e he ka hlöuhlöu, kʼ adre me he ka wia anyibun hlöuhlöu me me senyin bi.

I. Korinito 3:9

Anyin a ohmun tavat tha huliwa tot me Khong: ke öbun hna belok iny Khong, ke uma a op Khong.

I. Korinito 6:20

anyin adre hia but ûcû öbun ge hwaban: anyin a wale ogânâ thö Khong ge ta je unyibun bi.

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

II. Thesalonika. 1:10

e ka o me me ogânâ e hnen anyin wakap, me he ka lâiâ gan hnyi bong eling hnen tavat hia adre me labageju (anyin a öbun e kap hnöhmun hna thumetu öbun).

Heberu 1:9

U je hia but hnyokâ hwakecin ae wisa, me hociâ hwakecin ae kong; Anyin a wale a hia but hû u hnen Khong, a Khongom, Ge wakacoiny senyin hon ta je lahanâm.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Peteru 4:14

Adre ne haikongu öbun can ien Keriso, hnobun hnahic; anyin ame laba unyibun Hanon hmanenang me Hanon Khong.