Isaia 61:2 - Iaai Bible 1901 (New Caledonia)

² he ka haimemenâ hunainy ae ûcû kö Iehova, me bonginy bi hwaban ge Khonguta; he ka otubwelâ tavat hia adre me tenge thungaû;

Isaia 61:2 ပူးပေါင်းရင်းမြစ်များ

Isaia 1:24

Anyin a wale ame ha Than, Iehova tuhan sabaoth, Maniny Isaraela, ka habe, Awe, oge me he ka omeno nya ge tavat hûkötiö nya, oge me he ka bi hwaban ka je iwahnaihmiony mönya;

Isaia 13:6

Tenge ju öbun; anyin a e but ang bong bongu Iehova; ame he ka o helâ me hna ohia hneû Ataekhanahia.

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 25:8

E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 34:2

Anyin a e but hmonyin anyi Iehova hon ta je hnyei hia, me anyin wathethot hon anyidra ta je utbavat hia: e a hia but ohiʼ ödra, e a hia but hnʼ ödra, inʼ adre me he ka hlingʼ ödra.

Isaia 34:8

Anyin a wale bong bi hwaban ga Iehova, hunainy bi hwaban hulo hnyi hna ivino ge Ziona.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 40:1

ÖTUBWELÂ ju öbun, otubwelâ ju öbun lakeik, haingen Khongubun.

Isaia 49:8

Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Isaia 58:5

Hawa, oge me ûca ca han a helâe? ke hawa, bong ang me bonginy ovecâ hnyekon at? he ka nyingö ban helâ me saamun, ke bi hnen hna mokut mano ae gan nân me hnabadröu? hawa, u me he ka ha e me ûen ca han bi, ke bong ae so kö Iehova?

Isaia 60:10

Ke ame he je atkanyua ka op hagâm je hak, kʼ ame he je tuhödra ka bi athnyabaem: anyin a oge me kuc u ehac hnyi anyik hmonyin, ke hnyi anyik ibetengiö oge hia but betenge gam.

Isaia 66:14

Ke öbun e he ka wâ e, me ame he ka senyin je hnyekubun, ke ame he ka möt so je jeiöbun, helâ me je bâtân: ke ame he je athnyabainy ka khanʼ ödra hnyamö Iehova, ke e ame he ka hmonyin ka je iwahnaihmiony mē.

Jeremia 31:13

Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Jeremia 46:10

Anyin a bong bongon Than Iehova tuhan sabaoth bong eling, a bong bi hwaban, he ka bi hwaban ka je iwahnaihmiony më: ke ame he hele vat ka an, me sekon, ke ijem drödra me me sekon: anyin ae hu hut ka Than Iehova tuhan sabaoth hnyi hnyei hnyi hwadro hnyi wagewe Euferate.

Mika 3:8

Ke hnathu a iny unöngötö ge man ûnyi ge hanu Iehova, ke ûnyi ge hna owisa, ke tang hwege he ka omanenâ kö Jekob hnen hna hanyâûâ, me kö Isaraela anyin hulo bi.

Mataio 5:4

Hnahic hnen tavat adre me tenge, anyin a adre me he ka otubweli ödra.

Luka 4:19

Ke he ka khetâ hunainy ae ûcû ka Than.

Luka 6:21

Hnobun hnahic öbun e mekihnânem walang ang, anyin adre me he ka osekuni öbun. Hnobun hnahic öbun e tenge walang ang, anyin öbun e he ka hluma.

II. Korinito 6:2

(anyin a haingen, ka habe, Oge me ling u hnyi ûen eji ae so, Ke oge me hadruo u hnyi bonginy möt: ke wâ bi, walang ûen ae so; wâ bi walang ang bonginy möt):

I. Thesalonika 2:16

kʼ adre me thawʼ öhmun he ka fuc ka Aten ta je hnyei, wale me me ca he ka hu möt gadra; kʼ adre me obekhötâ bala anyidra hulo: ke ame o but kodra hmonyin he ka oumo.