Isaia 61:11 - Iaai Bible 1901 (New Caledonia)

¹¹ Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Isaia 61:11 ပူးပေါင်းရင်းမြစ်များ

Genese 1:11

Haba Khong ame ha, ka habe, E so kânâ ame he ka okûâ hna önying, me ûö ae ometu ame he ka hu önyen wan, me ûö ae wa ame he ka hu wan, wale ae hu önyen hnyin, hoton bongon.

Salamo 72:16

Ame he ka hu hnyi hnyei hwit ae gan hmâ hon ban je bucen; Kʼ ame he ta je waniny ka bwebwet helâ me Lebanona: Kʼ ame he ka sot aten je taun helâ me hnaönyinginy hmeledrany.

Salamo 72:3

Ame he ta je bucen ka okûâ ûsoköu hobi kâu tavat, Me je dok minya ae hut, hnen hwakecin ae wisa.

Salamo 85:11

Ame kû thö hnathu ûnyi hnyi hmeledrany; Ke haba wisa ame selat jem ethö hnyi drany.

Khumöng Hwanyi Solomona. 4:16

Ang hnyi hwadro lö, hmak dö; ang hnyi hwaiöu lö, aiö u; Bwang ut ka hnyi ik hnyei, me me bon je ûö ae bo so. E na o ju oûnykûmik ka hnyi iny hnyei, Me me an wan haleny je ûö ae ûnyi hnathu.

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 45:23

Oge hia but khemanyin gak bi, ame he but hofuc ûnyi hnyi hnyimök hnyi wisa, ke ame ca he bi ka hmetu a gʼ adre me he hia ka cibouca könya, ke ame he ta je hnyem hia thithö ka khemanyin gak.

Isaia 45:24

Ame he ka ha könya ke at, ka habe, E hu but gak thibi ûnyi ga Iehova wisa me hwege: ame he ka o tavat kâu, ke adre me he ka hmehma, waleji tavat adre me hmönyidra kâu.

Isaia 45:8

Ta ju, öbun je drany ûnyi ethö, ke so ame he je ûlâ ka hingâlâ jem hwakecin ae wisa: e so ame he hmeledrany ka memang, me owa but möt, me tha oâ hwakecin ae wisa; inya Iehova at a op e.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 48:18

Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

Isaia 58:11

ke ame he bala bi Iehova ka su u, me osekuni u hnyi je dok ae atgec, me ohwegiâ je jeien unyâm; ke u me he ka helâ me hna belök adre hû, ke helâ me an ame ca hme bi köien.

Isaia 60:18

Adre me ca he hmetu ka long ûökonguny hnyi em hnyei, ke ame ca he bi ka ba wan me hna ûhangö hnyi je hnyigöulâm; ke u me he ka hwenyi ien ânyâm je hna up haginy, ka habe, Ûhomeli, me je homagöulem, ka habe, Ogânâ.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 62:1

HABA can bi ge Ziona, me oge me ca he ka laba hnyibû, ke can bi ge Jerusalema, me oge me ca he bi ka menâ, ke ne o but ame o but hwakecin ae wisa helâ me lany, me anyin ûhomeli helâ me okûnû ae umumelam.

Isaia 62:2

Ke ame he je hnyei ka wâ hwakecâm ae wisa, kʼ ame he ta je than hia ka wâ ânyâm hmanenang: ke adre me he bi ka hwenyö ke iâm bi ae teb ûnyi ame he hnyimö Iehova he ka ha.

Isaia 62:7

ke ca hna but kâu he ka menâ, ke ne o but e ame otilâ, me ke ne o but e ame wia Jerusalema hnân ogânâ hnyi hmeledrany.

Mataio 13:23

Ke haba hna tā hon kânâ ae hoso, wale at ame long hofuc, me wâ ûnykûme; at ame hing wa, me hu wan, keihen ûsa wan haded, ke keihen ûsa sikste, ke keihen ûsa thote.

Mataio 13:3

Me e ame ha kodra ta je hofuc ae se hia a deny je ûhöûcû, haingen, ka habe, Wâ bi, ame he but at belök he ka jijingâ wan;

Mataio 13:8

ke ame kolu but keihen ka hnyi kânâ ae hoso, me wa but, keihen ûsa wan haded, keihen ûsa sikste, keihen ûsa thote.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: