Isaia 61:10 - Iaai Bible 1901 (New Caledonia)

¹⁰ Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 61:10 ပူးပေါင်းရင်းမြစ်များ

Genese 24:53

Ke haba athnyaba ame hom ta je omjeû a sileva, me je omjeû a gol, me je ûkhaû, me ham kö Rebeka: e ame ham minya ta je ûnyi ae ûnyi hnathu hmönyin ka haniny, me hinyen.

II. Man Ûlabainy Je Than. 6:41

Ke walang, Iehova Khong lö, todrö ka hnyi hnâm hna mokut, u me tangen hwegiâm: Iehova Khong lö, e so adre me khavâ ge ûhomeli ânyâm tavat bihut, me senyinâ hwakecin ae so ânyâm tavat ae kap.

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Jobu 29:14

Oge me khavâ wisa hnân anyik ûkhaû: Ke haba hnok hna owisa, e ûcû me ûkhaû me hnabinybak.

Salamo 132:16

Oge me he ka khavâ minya anyin tavat bihut ge ûhomeli: Kʼ ame he anyin wakap ka khumöng senyin.

Salamo 132:9

E so e khavâ hwakecin ae wisa hnen tavat bi hut köu, Ke so ame khumöng senyin hnen ânyâm wakap.

Salamo 28:7

Iehova tang hwegiök me becik; Haba hnyekuk ame labageju kâu, kʼ ame hadruo nya: Anyin a wale ame ti senyin hnyekuk; Ke oge me he ka ogânâ e ge anyik: khumöng.

Salamo 35:9

Kʼ ame he hanuk ka senyin kö Iehova: E ame he ka senyin hnyi anyin ûhomeli.

Khumöng Hwanyi Solomona. 1:10

E hmanenang li wahicâm ge je leûnen adre hwâwâ, Ke nyem ge sawakiny.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 17:10

Anyin a u je hnying Khongon ânyâm ûöhmeli, ke u je ca ûnykûme kicin tang hwegiâm; anyin a wale u je tā je ûo ae hmanenang, me tā ta je hatong kanyua:

Isaia 25:1

IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 41:16

U me he ka ulic ödra, kʼ ame he ang ka tûâ degeci ödra, kʼ ame he hou ka ovesei ödra: ke u me he ka senyini Iehova, ke u me he ka hobâ Kabi Isaraela.

Isaia 48:18

Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 49:4

Ke haingök, ka habe, Oge hia but huliwa baû, ke a dit ut hwegiök, ke ba troban ke ûnyi baû bi: ke so bi, e hnathu, hamö Iehova be ka owisa könya, ke e unyin Khonguk hwabök bi.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Isaia 58:14

awe, u me he ka senyin kö Iehova; ke oge me he ka hum u, mʼ u me tabâ je dok ae göranyin hmeledrany; ke oge me he ka hâm ûnyi hnyi hnyei i Jekob a kâmâm: anyin a hia but ha hnen hnyimö Iehova.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Isaia 65:18

Ke so öbun e senyin me hobâ balua hnyi ûnyi oge me op: anyin a wâ bi, oge me op Jerusalema, hnân senyin, ke ta je aten hnân hobâ.

Jeremia 2:32

Hawa, ame he hlu ka hnying je hna theibâ e, ke hlu ame tep faipoipo ka hnying bi ûkhaûen? ke haba lakeik adre me hnying nya hnyi je bong a ca hnân bi aû.

Ezekiela 42:14

E ka didro tavat bihut, me ödrin e ca he ka dit ûnyi hnyi dok ae kap ka hnyi hnyeule eû, ke ödrin e he ka mē ip eling je khaûödrin, wale ödrin e huliwa kâu; anyin ae kap ta je ûnyi e: ke ödrin e he ka khavâ ke je ûkhaû, mʼ ödrin e he ka ûhakekenyâ ta je ûnyi anyin tavat.

Habakuka 3:18

Ke so bi oge me he bala bi nya ka hobâ kö Iehova, Oge me he ka senyin ka Khong at ame omeli nya.

Zakaria 10:7

Ke ame he at Eferaima ka helâ me at ae hwege, ke ame he je hnyekudra ka senyin helâ me tavat adre ic waina: eke, ame he je lakudra ka wâ me senyin; ame he je hnyekudra ka hobâ kö Iehova.

Zakaria 3:5

Ke oge me ha, ka habe, E so adre me obicâ e ge hnabinybak ae so. Me adre me obicâ e ge hnabinybak ae so, me okhaûâ e ge je ûkhaû; ke haba angela anyi Iehova ame tot.

Luka 15:22

Ke haba kamen ame ha ka lathnyabainy, ka habe, Ie hom but jem ûkhaû ae ti so, ke okhavâ ju kâu; ke inâ thö wen hnyam kâu, ke hûkâlâju tangen li hnyeûca:

Roma 13:14

Ke khavâ ju öbun Than Iesu Keriso, ke ca penapena bi hobi kâu unyin, be ka ohwâdâ je weny e.

Roma 14:17

anyin a haba dokhon Khong, me ca he ka hnyi han me ic, ke so bi hwakecin ae wisa, me hnahic, me senyin hnyi Hanu Kap.

Roma 3:22

wale hwakecin ae wisa anyin Khong hnen labageju kö Iesu Keriso hobi kodra hia tavat adre me labageju; anyin ae ve bongon bi;

Roma 5:11

Ke ca hake wale thibi ang, ke ate me senyin ka Khong ûnyi ge Tuhöta Iesu Keriso, wale ate me kap ûsoköu ûnyi gan.

Galatia 3:27

Anyin a haba öbun hia, adre bapataisoâ ka Keriso, me öbun e khaû öbun ge Keriso.

Filipi 3:9

mʼ adre me he ka ō nya unyin, ke ca ka ûnyi gak bi hwakecik ae wisa, waleji ûnyi hnyi hnanyibu, ke so bi a deny labageju ka Keriso, wale hwakecin ae wisa ûnyi ge Khong hnen labageju:

Filipi 4:4

Senyin bala thö ka Than: ke inya hmetu oge me ba, ka habe, Senyin dö.

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

Hna Omanenâ 21:2

Ke inya oge me wâ taun ae kap, Jerusalema a teb ûnyi, ame utut ûheny hnyi drany ûnyi ge Khong, adre penapena helâ me hlu ame he ka faipoipo, adre theibâ e hobi kâu âiân.

Hna Omanenâ 21:9

Ke ame o but könya ke at hnyi je angela a seven hnyat ae hu je kaia a seven ae unöngöt ge je mok a seven a biliny; me e ame ûhnenamö mönya, me ha, ka habe, Aiö u, oge me he ka omanenâ köu hlu âiân Arenio.

Hna Omanenâ 4:4

Ke twente foa je theron igigilo theron: ke oge me wâ hon ta je theron wahingat a twente foa ödrin e ve tabâ, kʼ ödrin e khavâ je ûkhaû ae hau, kʼ ödrin e bicâ je korona gol.

I. Samuela 2:1

KE haba Hana ame hic me ha, ka habe, Ame senyin hnyekuk ga Iehova, Ame ogöranyâ anyik faoiny meno unyi Iehova: Adre ogânâ hnyimök hon je iwahnaihmiony mönya; Anyin a oge hobâ ûhomeli ûnyi gam.