Isaia 61:1 - Iaai Bible 1901 (New Caledonia)

¹ E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Isaia 61:1 ပူးပေါင်းရင်းမြစ်များ

Salamo 102:20

He ka long mâng anyin at adre ca; He ka thang tavat adre me he ka hlingâ;

Salamo 147:3

E ame ometo tavat ae vec hnyekudra, Me lan hnödra ta je aat.

Salamo 149:4

Anyin a Iehova ame senyin ka lakeiny: E ame he ka ohmanenangâ tavat ae hnyikânâ ge ûhomeli.

Salamo 2:6

Ke so bi oge hia but otilâ anyik than Hon Ziona, anyik bucen ae kap.

Salamo 22:26

Haba at ae ilemuk, me, e ame he ka han me sekon: Ame he ka oganö Iehova hnen tavat adre me elâm e: E so ame he je hnyekubun ka möt nyiele balua.

Salamo 25:9

E ame he ka su tavat ae ilemuk hnyi hwakecin ae wisa. Me nâ deny gethen ka tavat ae hnyikânâ.

Salamo 34:18

E hakekeny Iehova ka tavat ae hmak je hnyekudra, Kʼ ame omelo tavat ame vec hanudra.

Salamo 45:7

U je hia but hnyok ka hwakecin ae wisa, me ikiki ge hwakecin ae kong: Anyin a wale Khong a Khongom ame hia but hû u Ge wakacoiny senyin hon je lahanâm bi.

Salamo 51:17

Haba ta je hut ka Khong me wale thibi hanu ae mita: Khong lö, u me ca he ka oûnyibaûâ hnyok adre omomono ae bewisa.

Salamo 68:7

Khong lö, hnyi ûen u je he hnyi hnyimakan lakem, Me vheno hnyi wanben hnyebuba; [Sela.

Salamo 69:32

Adre hia but wâ hnen tavat ae menyik: Haba öbun tavat öbun e elâm Khong, e so e he ka möt je hnyekubun.

Esodo 28:41

Ke u me he ka okhaûö Arona tuhâm me je lakon unyin ge je ûkhaû; ke u me he ka hûʼ odrin, me otilʼ odrin, me okabi odrin, mʼödrin e hnyat bihut könya.

Esodo 29:7

Me u me he ka hom wakaco hnân hû, me hingâlâ hon bân me hû.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 30:19

Anyin ame he tavat ka laba hnyi Ziona wale Jerusalema: u me ca he ka tenge hmetu; ke e ame he ka betenge gam hnyi hnâm hna hongot; ke ka long, me ame be ka thu köu.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 32:7

Ke e kong je bihihwakecin anyin at iyawo: e ame elâm je ûokonguny, me me ohia tavat ae ilemuk ge hofuc ae thoi, eja ke ne a ne wisa ifucin at ae ba ta ûnyi.

Isaia 40:9

At ame omanenâ ûthumetu ae so kö Ziona lö, ölö thö ka hnyi bucen ae beû gorany; at ame omanenâ ûthumetu ae so kö Jerusalema lö, fuc hwege thö; fuc hwege thö goranyai ca ot bi; ha thö ka je tauniny Juda, ka habe, Wâ bi, Khongubun!

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 42:7

he ka obwela je ecmak ae wadröu, he ka hom but at adre me ca ûnyi hnyi uma ceat, ke tavat adre me laba hnyi menekholom ûnyi hnyi dok adre cö ʼdra hnyin.

Isaia 48:16

Hok ju jem könya, long ju ang; oge ca fuc hnyi dok ae iyong hwân hnyi can; hnyi ûen eji, inya ling: ke walang ang Iehova Than ame kunö nya, me hanon.

Isaia 49:9

me ha ka tavat adre ca, ka habe, Didrut öbun; ke kodra hnyi dok ae lit, ka habe, Omanenʼ öbun ju. Adre me he ka han hnyi je gethen, me han tot hnyi je dok hia ae gorany.

Isaia 52:7

E so hmonyin hon je bucen li can at ame hom ûthumetu ae so, at ame haimemenâ ûsoköu, at ame hom ûthumetu ae kese, at ame haimemenâ ûhomeli; at ame ha kö Ziona, ka habe, Ame musi Khongom!

Isaia 52:9

Ie tha hongot senyin dö goranyai, öbun je dok ae ba wan hnyi Jerusalema: anyin a hia but Iehova otubwelâ lakeiny, e ame ûcû meli Jerusalema.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 57:18

Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Isaia 59:21

Ke haba inya, waleû anyik ûhihinyköu mödra, haingö Iehova: Haba hanuk at ame laba hom, me hok je hofuc waleji oge ip hnyi hnyimâm, ame ca he ka hia ûnyi hnyi hnyimâm, me hnyimen ta je mâtrânâm, me hnyimen ta je mâtrâniny ta je mâtrânâm, hwân walang ang, ke ne o but nyiele balua, haingö Iehova.

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Jeremia 34:8

Walang hofuc ame o kö Jeremia ûnyi ga Iehova hwaban hna ûhihinyköu hnö Zedekia than me tavat hia hnyi Jerusalema he ka haimemenâ hna thang baûâ;

Jeremia 52:33

Ke e ame bi hnen anyin je ûkhaûen uma ceat, ke e ame hnyi han më hnyi ta je bongon hia anyin mot.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Levitiko 7:35

Wale hwajekhon Arona, me hwajekhon lakon, ûnyi hnyi je hut a an ge meic ko Iehova, hwân hnyi bong e ame otilʼ ödrin ka hnyi hanymen bi hut kö Iehova;

Mika 3:8

Ke hnathu a iny unöngötö ge man ûnyi ge hanu Iehova, ke ûnyi ge hna owisa, ke tang hwege he ka omanenâ kö Jekob hnen hna hanyâûâ, me kö Isaraela anyin hulo bi.

Mataio 11:5

a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

Mataio 3:16

A hia but bapataisoi Iesu, me e ame ölö thö ûheny hnyi köiö: ke wâ bi adre me khong ut kâu drany, ke e ame wâ Hanon Khong ame gâ but kâu helâ me biny, me o hnyi hon;

Luka 7:22

Ke e ame thu ködru, ka habe, He thʼ öbu ka thumetu Ioane hnöbu hna wâ me long; a ga bwela but ta je wadröu, kʼ ame he thö ta je mat, ke khabalaû but ta je lepera, kʼ ame long dö ta je wejiji, ke a möt hmetu thö tavat adre mokcu, kʼ adre me khetâ but ûthumetu ae so ka ta je theduoc.

Ioane 1:41

E ame bân ka elâm liamekeiny mē a Simona me ha kâu, ka habe, Ohmun e wâ but Mesia, (bongon, Keriso).

Ioane 3:34

Anyin a haba at ame kunâ hnen Khong, me wale at ame ha je hofuc hwan Khong: anyin a e ame ca bâm Hanu hoton tulut.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Ta je huliwa 4:27

E hnathu adre hia but ûkhacaköu hnyi taun ang Heroda me Ponetio Pilate me Aten ke je hnyei me at Isaraela, je ûcon Atâm ae kap a Iesu at u je hû,

II. Korinito 3:17

Ke haba Than, me wale Hanu: ke haba dok ame laba hnyin Hanon Than, me adre me hna bâûâ at eling.

II. Korinito 7:6

Ke haba Khong, at ame okahwa tavat adre me ohnyikönʼ ödra bi, me e ame okahwʼ öhmun ge ioi Tito;

Heberu 1:9

U je hia but hnyokâ hwakecin ae wisa, me hociâ hwakecin ae kong; Anyin a wale a hia but hû u hnen Khong, a Khongom, Ge wakacoiny senyin hon ta je lahanâm.