Isaia 60:9 - Iaai Bible 1901 (New Caledonia)

⁹ E hnathu, ame he je bomene ka halubahing nya, kʼ ame he ka bân je huiny Tasesa he ka hom lakom obaga ûnyi hnyi dok ae sâkâû, ke e unyidra anyidra sileva me gol, hobi kâu iö Iehova a Khongom, me Kabi Isaraela at ame ohmanenangi u.

Isaia 60:9 ပူးပေါင်းရင်းမြစ်များ

Genese 9:27

E so Khong ame olawö Jafeta Me me he ka laba hnyi ta je uma mano umö Sema. Kʼ ame he Kanana ka bi athnyabainy.

I. Je Than 10:1

KA long ut momo than Sheba lung anyi Solomona hnyi iö Iehova, me e ame o but he ka cubec ge je hofuc ae iyong.

I. Je Than 10:22

Anyin ae hu hnyi köiö ta je hu hon than ûheny Tasesa, tha e me je hu hu Hirama: ke ame labö khop ta je huiny Tasesa hnyi je ve obiny ta hnna a kun, kʼ adre me hok gol, me sileva, me je nyon elefan, me ta je cako, me je pikâk.

I. Je Than 22:48

Ke haba Jehosafata ame tibet je huiny Tasesa, me me he Ofira ai he ka haudin gol: kʼ ame ca kec bi je hu, anyin a hmouca but je hu hnyi Eziona-gebera.

I. Je Than 8:41

Ke haba atkanyua a ca hanen bi lakem a Isaraela, ke e ka o ûheny hnyi hnyei ae sâkâû ge iâm;

Salamo 48:7

U je ohmouca je huiny Tasesa. Ûnyi ge ang hwei.

Salamo 72:10

Ame he je than Tasesa me je bomene ka ham ta je bwihlany; Kʼ ame he je than Sheba me Seba ka ham ta je fat.

Salamo 97:1

IEHOVA ame musi; e so e hobâ hmeledrany; E so e senyin ta je bomene ae se hia.

Esodo 33:19

Me e ame ha, ka habe, Oge me he ka kunâ anyik so ka hnyi hnyimâkâm, ke oge me he ka omanenâ iö Iehova hnyi hnyimâkâm; ke oge me he ka betenge ge at ae bewek ka betenge gan, ke oge me he ka kölu ge at ae bewek ka kölu gan.

Ta je Vejec 18:20

Ame he ka sekon hnyekon at ge wan hnyimen bi; E ame he ka sekon ge ûnyi hnyi li esongodiny.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 2:16

ke hon je huiny ʼhia Tasesa, ke hon ta je ûnyi adre tretrau hia ae kese.

Isaia 24:15

Anyin a wale, oganö Iehova thö hnyi jimeio, ke hnyi je bomene hnyi köiö, wale iö Iehova, a Khongon Isaraela.

Isaia 42:10

Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Isaia 42:4

E ame ca he ka sēnyin me ngâ, ke ne o but e ame he ka ip hna owisa eang hmeledrany; ke ame he ta je bomene ka halubahingen anyin hnanyibu.

Isaia 43:4

Anyin a u oûnykûmik, me hmanenang, me hnok hna betenge gan; awe, oge me he ka ham tavat hnân hwabâm, me je hnyei hwaban melâm.

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 49:1

LING nya ju öbun je bomene; ke tevehlöng ju öbun ta je hnyei ae sâkâû: Iehova ame ha iök ûnyi hnyi hnyok; kʼ ame ha iök ûnyi hnyi hnyeku bai:

Isaia 49:22

Walang hna ha hnö Iehova, ka habe, Oge me he ka hai hnyamok ka ta je hnyei, ke oge me he ka otilâ anyik boudila ka tavat: ke adre me he ka hom jem lakom obaga hnyi je ûlaidra, ke vadren lakom wahlu.

Isaia 51:5

E hakekeny jut hwakecin ae wisa, a he but anyik ûhomeli, ke ame he li benyik ka owisa ta je hnyei; ke ame he ta je bomene ka halubahing nya, me labageju ka hnyi benyik.

Isaia 55:5

Wâ bi, u me he ka hawâ hnyei ae ca khanö u, kʼ ame he ka wadring hotom tavat ae ca khanö u bi, ûnyi ga Iehova a Khongom, me Kabi Isaraela; anyin a e ame hia but oganö u.

Isaia 57:17

Can hulöiny anyin behnyekon oge me hmönyik me kot e, oge me ikhölö me hmönyik: ke e ame hanyâûâ tilâ hnyi je deny hnyekon.

Isaia 60:4

Bwele thö goranyai igigilö me wâ: ödra hia thithö adre me ûkhacaköu, adre me o köu: ame he ka o lakom je baga ûhedra hnyi dok ae sâkâû, ke adre me he ka deluâ lakom je hlu.

Isaia 60:6

Ame he ka avi u hnen ta je kamela ae se hia, me je nak kamela ûnyi Midiana me Efa; adre me he ka o hia ûhedra Sheba: adre me he ka hom gol, me libanu, me haimemenâ hnân oganö Iehova.

Isaia 66:12

Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Jeremia 3:17

Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Jeremia 30:19

Ke ame he ka o gadra hwan ole, me hwan tavat adre me senyin: ke oge me he ka osehiʼ ödra, ke adre me ca he ka wakhalet; ke oge me he ka ogânʼ ödra, kʼ adre me ca he bi ka ûhnyûkong.

Ezekiela 39:7

Ke oge me he ka omanenâ iök ae kap hnyi wanben ik hnyei a Isaraela; ke oge me ca hnʼ ödra hmetu he ka haikongoâ iök ae kap: ke ame he je hnyei ka wâ a inya Iehova a kabi Isaraela.

Mika 4:13

Todrö, huje, u hluiny Ziona: anyin oge me he ka wia ânyâm fao meno me me fao bi, ke oge me he ka wia je boûjimen je bacam me me bras: mʼ u me he ka kot omomono je hnyei ae se: ke u me he ka ham kö Iehova hnödra je hna söh, ke je omjehedra ka Thaniny hmeledrany hia.

Mika 7:12

Hnyi bong eling adre me he ka o köu ûhedra Asuria ke je tauniny Aigupito, ke ûhedra Aigupito ke ne o but hnyi Wagewe, ke ûhedra hnyi ke köiö ke ne o but hnyi ke köiö, ke ûhedra hnyi ke bucen ke ne o but hnyi ke bucen.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Zakaria 14:14

Ke ame he Juda ka vat hnyi Jerusalema; ke adre me he ka ûkhöûna ta je omjeûiny hia je hnyei igigilo, gol, me sileva, me je ûkhaû, ae se hia hmonyin.

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Ioane 17:26

ke oge me omanenâ ködrin iâm, F oge me he minya bi ka omanenâ e; me me laba eû hnyi je hnyekudrin ibetengiö waleji a hnâm hna betenge gak, ke inya eû hnyi je hnyekudra.

Ta je huliwa 9:15

Haba Than ame ha kâu, ka habe, He thö, anyin adre ûca e hnân anyik utkaia he ka kap tilâ iök ka Aten ke je hnyei, me ta je than, me lakon Isaraela:

Galatia 3:26

Anyin a je lakon Khong öbun hia a deny labageju kö Keriso Iesu.

Galatia 4:26

Ke haba Jerusalema ethö me ame he baû, wale hinyöta.

Josua 9:9

Me ödrin e ha kâu, ka habe, Ûhehmun hnyi hnyei ae ti sâkâû lathnyabaem can iö Iehova Khongom: anyin a öhmun e hia but long ûlunginy, me hnen hna ânyâ hia hnyi Aigupito,