Isaia 60:6 - Iaai Bible 1901 (New Caledonia)

⁶ Ame he ka avi u hnen ta je kamela ae se hia, me je nak kamela ûnyi Midiana me Efa; adre me he ka o hia ûhedra Sheba: adre me he ka hom gol, me libanu, me haimemenâ hnân oganö Iehova.

Isaia 60:6 ပူးပေါင်းရင်းမြစ်များ

Genese 10:7

Ke haba je laku Kuza; Saba, me Havila, me Sabeta, me Rama, me Sabeteka: ke haba li laku Rama; Sheba, me Dedana.

Genese 25:13

ke walang ien je laku Isamaela, a je iödrin hoton anyidrin je dö: jia Nebaioth, nöku Isamaela a bân; me Kedara, me Adebeela, me Mibesam,

I. Je Than 10:2

Ke e ame o but hnyi Jerusalema me bunyen ae se, a je kamela ame hijen je utö ae bo so, me gol ae ti gan, me je veto ae ûnyi hnathu: kʼ ame o but kö Solomona, me e ame ûhnenamö më ge ta je ûnyi eû hnyi hnyekon.

II. Je Than 8:9

Me Hazaela ame he ka ûkhanö mē, me hom bwihlany, a ta je ûnyi ae so hia ûnyi hnyi Damaseko, kʼ ame hijen ta je kamela a fâte, me e ame he me tot hnyi hnyimakan me ha, ka habe, A kunö nya köu Ben-adada a nokom, than Suria he ka ha, ka habe, Hawa, oge me he ka möt ûnyi hnyi mok ang?

I. Man Ûlabainy Je Than. 1:33

Ke haba je baga laku Midiana; me Efa, me Efera, me Enoka, me Abida, me Eledaa. Je baga laku Ketura tavat hia e.

II. Man Ûlabainy Je Than. 9:1

Kʼ a long ut momo than Sheba lung anyi Solomona, me e ame o ka cubic Solomona ge ta je hofuc hnei ae hmak hnyi Jerusalema, tha e me bunyen ae se hia, me je kamela ödrin e hijen je utö ae bo so, me gol ae gan, me je veto ae ûnyi hnathu: kʼ ame o but momo kö Solomona me e ame ûhnenamö më ge ta je ûnyi hia eû hnyi hnyekon.

Salamo 67:4

E na he ju ta je hnyei ka senyin me hobâ: Anyin a u me he ka owisa tavat hnyi wisa, Me muso ta je hnyei eang hmeledrany. [Sela.

Salamo 72:10

Ame he je than Tasesa me je bomene ka ham ta je bwihlany; Kʼ ame he je than Sheba me Seba ka ham ta je fat.

Salamo 72:15

Mʼ adre me he ka möt: kʼ adre me he ka ham kâu goliny Sheba: Kʼ amo he tavat ka hic bala hobi kâu; Kʼ adre me he ka haisoâ e hnyi je bong hia.

Isaia 30:6

Hok honen je meno hnyi Hwaiöu. Adre me he hnyi wanben hnyei ae vec me hlöuhlöu, wale ame o ûnyi hnyin liona momo me liona, vaipa me on ae hiâ ame gâ, adre me hom je omjehedra hnyi hon jon je asina, me tang omjehedra hon je jon ae khibi ge je kamela, ka tavat adre me ca he ka bi troban kodra.

Isaia 42:10

Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 60:9

E hnathu, ame he je bomene ka halubahing nya, kʼ ame he ka bân je huiny Tasesa he ka hom lakom obaga ûnyi hnyi dok ae sâkâû, ke e unyidra anyidra sileva me gol, hobi kâu iö Iehova a Khongom, me Kabi Isaraela at ame ohmanenangi u.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Jeremia 6:20

Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Ezekiela 27:22

Tavat ûcû hnyi Sheba me Rama tavat adre me ûcû möu; adre me ûco hnyi ânyâm je hna ûcû je utö hia ae bo so ae ûnyi hnathu, me je veto ae ûnyi hnathu hia, me gol.

Zefania 3:10

Ame he tavat adre me khöû könya, a hlu tavat adre oveseâ, ka hom ta je bwihlany könya, ûnyi hnyi hoton je wageweiny Aithiop.

Zakaria 14:16

Ke haba je kolon ta je hnyei hia tavat adre me he ûcon Jerusalema, me adre me he bi ka he hnyi je huna he ka hnyi khudrung ka Than, Iehova tuhan sabaoth, me hnyi hanen bijeûiny uma mano.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Mataio 2:11

Ke ödrin e o thö ka hnyi hnyin uma me wâ inma me Maria a hinyen; ke ödrin e ta ju me khudrung kâu; ke ödrin e khong ut tang omjehedrin me ham kâu je bwihlany, gol, me libanu, me muro.

Roma 15:9

me me he Aten ta je hnyei ka ogânâ Khong can anyin ibetengiö baû, helâ me hna sihnalimen, ka habe, Wale me inye he ka oganö u hnyi wanben Aten ta je hnyei, Me khumöngö iâm.

Deuteronomi 32:43

Ta je hnyei lö, tha senyin me lakeiny: Anyin a e ame he ka bi hwaban dren lathnyabainy, Me ip hna okongoâ ka je iwahnaihmiony mē, Me ohia hwaban hulöiny iny hnyei, hobi kâu lakeiny.

Filipi 2:17

Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Owisa 6:5

Anyin a adre me tha o me haledrin omeno, me umödra je uma mano, ke adre me o helâ me ûseiny hamon; ke ca hnân öû ödra me haledra je kamela: ke adre me o ka hnyi hnyei he ka ohiâ e.

Owisa 7:12

Ke haba at Midiana, me Amaleka, me aten e deiö, adre me laba hnyi hnyigöuleny bucen helâ me ûseiny hamon; ke haba ûseiny haledrin je kamela helâ ûnyin köiö, ca hnân bi aû.