Isaia 60:5 - Iaai Bible 1901 (New Caledonia)

⁵ Me u me he ka wâ me senyin, ke ame he hnyekom ka öbubuny me hlau; anyin adre me he ka wia köu tang omjeû ûnyi hnyi köiö, ke adre me he ka hom köu tang omjeûiny je hnyei.

Isaia 60:5 ပူးပေါင်းရင်းမြစ်များ

Salamo 119:32

Oge me he ka wadringâ deny ânyâm ta je hnanyibu. U ka he ka ogânâ hnyekuk.

Salamo 34:5

Adre me wâ e, me adre me melam but: Ke ame ca he bi je hnyimakodra ka hmehma.

Isaia 23:18

Ke ame he ka hwakecin ae kap kö Iehova ta je ûnyi gan hnân ûco me hnen hna hok hwaban: adre me ca he ka ip me ûkhöûnâ; anyin a hobi kâu tavat adre me laba hnyi hnyimakö Iehova ta je ûnyi hnân ûcö gan, he ka han sekon, me ûkhaû ae nâk.

Isaia 54:2

Ogânâ but umâm uma mano, ke so adre me he bi ka ulili mano singiny hnyabam; ca behânâ: obeûâ but ânyâm je tö, ke ohmâ ju ânyâm je ohmâiny tö.

Isaia 60:11

Ame he bala ka khong ut je homagöulem; kʼ adre me ca he bi ka hlöng hnyi lany me lit, me me he tavat ka sukhöûnâ köu ta je omjeûiny ta je hnyei, me lelö tilâ latuhödra.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Isaia 66:12

Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Jeremia 33:9

Ke ame he taun ang he ka hnân ien adre senyinâ, me hnân ogânâ, me haisoâ hnyi hnyimakan ta je hnyei hia eang hmeledrany, tavat adre me he ka long ta je so hia thithö wale oge me he ka ânyâ kodra, ke adre me he ka ot me öbu-buny ge ta je so hia me ta je hnahic hia wale oge me he ka oâ kâu.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Mataio 25:16

Haba at a kap je talan a thabûng, me e ame ie he me ûcû hanen, me ame hu minya hanen a thabûng hmetu ke je talan.

Ta je huliwa 10:45

Me ame uthmâhmâ tavat adre me labageju a tavat adre peritomon, wale hnyat adre tha he me Peteru, anyin adre me hingâlâ minya bwihlany wale Hanu Kap hon Aten ta je hnyei.

Ta je huliwa 11:17

Anyin a wale haba bwihlany a ham kötin Khong hnyi ûen otin e labageju ka Than Iesu Keriso, ame ne ham minya ködrin, iny ia, me inya he ka thawâ Khong?

Ta je huliwa 24:17

Hwaban ta je huna ae se hia, inya oge me o eang he ka hom ta je betenge ka aten ik hnyei, me ta je hut,

Roma 11:25

Hnyat me lakeiny lö, oge me wek e me khanʼ öbun ûnyi eang ae iyong, wâ öbun nye bemetâ hnen je ûnykûmenöbun, a gʼ adre hia but onâkâ keihen tavat Isaraela, ke ne o but ame o hnahic ka Aten ta je hnyei;

Roma 15:26

Anyin a weny at Makedonia me Akaia he ka ûhnöhnö hnân betenge ka wakap a tavat ae theduoc hnyi Jerusalema,

II. Korinito 10:15

öhmun e ca hobeluâ ta je ûnyi adre ca tuluto bi, hnyi huliwa anyin keihen; ke öhmun e labageju öbun ka he ka kû tot hnyi labageju, a öbun e he ka ogânʼ öhmun hoton anyihmun tulut,

Deuteronomi 33:19

Ödru me he ka hawâ tavat ka hnyi bucen; Kʼ adre me he ka hudo eling je hudiny hwakecin ae wisa: Auyin a ödru me he ka hu tang omjeû unyi eû hnyi köiö, Me ta je omjeû adre ikhâlâ hnyi öny.

Hna Omanenâ 21:24

Ke ame he ta je hnyei ka he hnyi melaminy: ke haba je thaniny hmeledrany, me adre me sukhöûnâ anyidra hmanenang ka hnyin.

Hna Omanenâ 21:26

ke adre me he ka sukhöûnâ ka hnyin hmanenanginy ta je hnyei me hna ogânâ:

I. Samuela 2:1

KE haba Hana ame hic me ha, ka habe, Ame senyin hnyekuk ga Iehova, Ame ogöranyâ anyik faoiny meno unyi Iehova: Adre ogânâ hnyimök hon je iwahnaihmiony mönya; Anyin a oge hobâ ûhomeli ûnyi gam.