Isaia 60:4 - Iaai Bible 1901 (New Caledonia)

⁴ Bwele thö goranyai igigilö me wâ: ödra hia thithö adre me ûkhacaköu, adre me o köu: ame he ka o lakom je baga ûhedra hnyi dok ae sâkâû, ke adre me he ka deluâ lakom je hlu.

Isaia 60:4 ပူးပေါင်းရင်းမြစ်များ

Isaia 11:12

Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 14:2

Ke ame he je hnyei ka hum ödra, me ip ödra hnyi hnödra: ke ame he lap anyi Isaraela ka hum ödra ka hnyi hnyei i Iehova hnân je athnyaba obaga me omomo: ke adre me he ka hwenbödra bi, waleji tavat adre me bâ gadra; kʼ adre me he bi ka musi ka tavat adre me sedʼ ödra.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 49:17

Ame mweimwei je lakom; ame he ka he but unyâm tavat adre me okongu u me tavat adre me ohiö u.

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 66:20

Ke adre me he ka hom je liamekeiny möbun hia thithö ûnyi hnyi ta je hnyei hia thithö hnân hut kö Iehova, hon ta je hors, me ta je kariota, me hon je tap, me je miul, me hon je meno adre me he logot, ka hnyi anyik bucen ae kap a Jerusalema, haingö Iehova, helâ me lakon Isaraela adre me hom bwihlany hnyi kaia ae kalaöt ka hnyi uma umo Iehova.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Amosa 9:14

Me oge me he ka ohmeto lakeik a at Isaraela waleji adre me hom bâ, me adre me he bi ka otilâ hmeto ta je taun waleji ae ba wan, me labâ hmetu; ke adre me he ka tā ta je hnyei vine me ic wainainy; ke adre me he ka belökâ ta hnyei me an jeûiny.

Mika 7:12

Hnyi bong eling adre me he ka o köu ûhedra Asuria ke je tauniny Aigupito, ke ûhedra Aigupito ke ne o but hnyi Wagewe, ke ûhedra hnyi ke köiö ke ne o but hnyi ke köiö, ke ûhedra hnyi ke bucen ke ne o but hnyi ke bucen.

Hagai 2:7

ke oge me he ka jijingâ ta je hneyi hia, ke ame he ka o ta je ûnyi wale ame weny ta je hnyei hia, ke oge me he ka öunöngötâ uma eang ge hmanenang, haingö Iehova tuhan sabaoth.

Mataio 8:11

Ke inya oge me ha köbun, ka habe, E se hia tavat adre me he ka he ûhedra jimeyö me jimeû he ka tha laba me Aberahama, me Isaaka, me Jekob, hnyi dökhu hnyi drany:

Ioane 4:35

Hawa, ca hobun ang, ka habe, Vak biju ta tehi, me adre me menu? ke wâ bi, inya oge me ha köbun, ka habe, Bwele thʼ öbun, me wâ je hna belok a hmahmat ut ang he ka menu.

Ta je huliwa 13:44

Ke ame o sabath me ame ok minya but helâke taun hia he ka long hofuc hwan Khong.