Isaia 60:3 - Iaai Bible 1901 (New Caledonia)

³ Ke ame he ta je hnyei ka he ka hnyi ânyâm metam, me je than ka hnyi iumumelaminy hnâm hna o.

Isaia 60:3 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 102:16

Anyin a hia but Iehova up Ziona, E manen dut e hnyi anyin hmanenang.

Salamo 102:22

Hnyi hna ûkhacaköu hnen ta je hnyei, Me ta je dokhu, he ka athnyabai Iehova.

Salamo 138:4

Iehova lö, ame he je tuhan hmeledrany hia ka oleâ köu, Anyin adre hia but long hofuc ûnyi hnyi hnyimâm.

Salamo 2:10

Anyin a wale metâ thʼ öbun je than: Ke haba öbun hnyat owisa eang hmeledrany, hitangen ju hna ûne.

Salamo 22:27

Ame he je can hmeledrany hia ka ûnykûme me hwio kö Iehova: Ke ame he ta je lap anyin ta je hnyei ka khudrung hnyi hnyimakan.

Salamo 68:29

Can umâm uma kap hnyi Jerusalema Ame he je than ka ham je bwihlany köu.

Salamo 72:11

E ke, ame he je than hia thithö ka ta ju hnyikânâi kâu: Kʼ ame he ta je hnyei hia ka bi athnyabainy.

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Isaia 60:10

Ke ame he je atkanyua ka op hagâm je hak, kʼ ame he je tuhödra ka bi athnyabaem: anyin a oge me kuc u ehac hnyi anyik hmonyin, ke hnyi anyik ibetengiö oge hia but betenge gam.

Isaia 60:16

Ke u me he ka he minya ke ijem debainy ta je hnyei, ke ijem je basin ta je than: ke ame he ka khanö u a inya Iehova at ame omeli u, ke at ame ûcû melâm, Mani Jekob.

Isaia 62:2

Ke ame he je hnyei ka wâ hwakecâm ae wisa, kʼ ame he ta je than hia ka wâ ânyâm hmanenang: ke adre me he bi ka hwenyö ke iâm bi ae teb ûnyi ame he hnyimö Iehova he ka ha.

Isaia 66:12

Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Amosa 9:12

mʼ adre me he ka hu je kolon ge at Edoma, ke ta je hnyei hia wale adre me ip hudra iök, haingo Iehova, at ame ânyâ e.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ioane 12:32

Ke haba inya, adre ne ogoranyi nya ûnyi eang hmeledrany, me oge me he bi nya ka lelo tavat hia thithö könya.

Ta je huliwa 13:47

Anyin a haba Than ame hûna kohmun, ka habe, Oge me otilö u, me hnân melaminy Aten ta je hnyei, Me u me he ka tot hnân ûhomeli ke ne o but hnyi can hmeledrany.

Ta je huliwa 15:17

Madre me he ka elâm Than hnen ta je kolon tavat, Me Aten ke je hnyei hia wale adre hwenyi iödra ûnyi hnyi iök,

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 21:24

Ke ame he ta je hnyei ka he hnyi melaminy: ke haba je thaniny hmeledrany, me adre me sukhöûnâ anyidra hmanenang ka hnyin.