Isaia 60:22 - Iaai Bible 1901 (New Caledonia)

²² Ame he ka wan thauzan bi, tavat ae wakhalet, ke ame he ka hnyei ae hwege bi, hnyei ae ûhnyûkong: oge me he, inya Iehova, ka ologotâ e hnyi ûen e.

Isaia 60:22 ပူးပေါင်းရင်းမြစ်များ

Isaia 10:22

Anyin a eja ke ne a ne helâ me öny eû hnyi köiö lakem Isaraela, ame he ka hmetu thibi koluidra: adre me ip hmâ he ka ohia, ke wale ame badedö but hwakecin ae wisa.

Isaia 5:19

tavat adre me ha, ka habe, E so e ame logot, e so e ame mweimweiâ anyin huliwa, mʼ öhmun e he ka wâ e; ke ohakekenyâ thö, me o but musi anyin Kabiny Isaraela ûse me khanʼ öhmun dö!

Isaia 51:2

Wâ thö kamöbun a Aberahama, me Sara at a hnöku öbun: anyin oge hawâ e ke tiga khaca, ke oge me ohnahicâ me osehia e.

Isaia 66:8

Ie at ame long a helâe? ie at ame wâ ta je ûnyi a helâe? Hawa, adre me he ka hnokoâ hnyei hnyi bong a khaca? hawa, adre me he ka hnokoâ ke dokhu hnyi ûen a khaca thibi? ke so bi ame o but je lakon Ziona e ka tiga vec hnyekon.

Daniela 2:35

Me ame tha omomonu but fao, me kânâ kece, me bras, me sileva, me gol, me helâ me unen hwit hnyi hna huje hwit hnyi honivakeny; ke haba ang ame tûâ degecâ, ke ba hmetu bi hnen: ke haba veto, at ame kot hnatheat, me e ame wia me bucen ae gan hmâ, me ame öunöngötâ hmeledrany hia.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Luka 18:7

Ke hawa, ame ca he Khong ka owisa ka tavat e ame ûca, a tavât adre me hongot kâu hnyi lany me lit, ke e ame hok hnyoki ödra beû hmâ ju?

Ta je huliwa 2:41

Ke adre me bapataisoâ tavat adre me kap hwan: me adre me bihanen kodra hnyi bong eling helâ me theri thauzan tavat

Ta je huliwa 5:14

ke se hia obaga me omomo adre me labageju ka Than me hwege tot he ka tha hien mödrin;

Heberu 10:36

Anyin ae ûnyi hnathu köbun he ka hokhnyok, me me hu gabun hna ha bânâ, öbun ka hia but ânyâ weny Khong.

II. Peteru 3:8

Hnyat a oûnykûmik lö, ca he öbun ka hnying hofuc ang a khaca, ka habe, haba hnyi hnyimakan Than, me bong a khaca helâ me wan thauzan ta je huna, ke haba ta je huna a wan thauzan, me ûcû thibi me bong a khaca.

Hna Omanenâ 7:9

Hwaban ta je ûnyi e inya oge me wâ, ke wâ bi, tavat ae se hia hmonyin, wale ae ca khana ke at he ka aû, a ödra ûnyi hnyi ta je hnyei hia, me ta je tribu, me tavat, me je hwen hnyei, adre me tot hnyi hnyimakan theron, ke hnyimakan Arenio, kʼ adre khavâ je ûkhaû ae hau, ke e hnyi je hnyamödra je lan pama;