Isaia 60:2 - Iaai Bible 1901 (New Caledonia)

² Anyin a wâ bi, ame he ka tube hmeledrany hnen lit, ke ame he ka tube ta je hnyei hnen menekholom: ke ame he Iehova ka o hom, ke ame he ka manen hmanenanginy hom.

Isaia 60:2 ပူးပေါင်းရင်းမြစ်များ

I. Je Than 8:11

me me ca khana hnyat bihut he ka tot me huliwa can ûlâ: anyin ame unöngötö uma umo Iehova ge hmanenangi Iehova.

Salamo 102:16

Anyin a hia but Iehova up Ziona, E manen dut e hnyi anyin hmanenang.

Salamo 80:1

AT tue mamoe a Isaraela lö, loug ju, At ame su Josefa helâ me hnahat mamoe; At ame laba hon li kerubi, öumumelamâ but.

Isaia 2:5

Lap anyi Jekob lö, ai öbun, ate me he ka vheno melam anyi Iehova.

Isaia 4:5

Kʼ ame he Iehova ka op hnyi ta je hnyaban hia hnyi bucen Ziona, me hnyi je ûkhaca-köuiny e, ûlâ me hai hnyi lany, ke bâhlân meic ame ubâhlâ hnyi hnyinghet: anyin ame he ka hu ûnyi hnân tube hon hmanenang hia.

Isaia 58:10

ke u je ne betenge ge at ae mekihnânem, me osekonâ at adre ovecâ; awe, ame he ka o melamâm hnyi menekholom, ke ame he anyâm lit ka helâ me jebigo:

Isaia 58:8

Me ame he ka o melamâm helâ me haolany, ke u me he ka ie so; ke ame he ka he hwakecâm ae wisa hnyi hnyimâkâm; ke ame he hmanenangi Iehova ka he hnyi hotom.

Isaia 62:1

HABA can bi ge Ziona, me oge me ca he ka laba hnyibû, ke can bi ge Jerusalema, me oge me ca he bi ka menâ, ke ne o but ame o but hwakecin ae wisa helâ me lany, me anyin ûhomeli helâ me okûnû ae umumelam.

Isaia 66:11

mʼ öbun e he ka ijem me sekubun ge li basin hnân otubwelâ; mʼ öbun e he ka oâ debai me hobâ ûganiny anyin hmanenang.

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Jeremia 13:16

Hna but kö Iehova Khongubun hna ogânâ, e me tiga ca omenekhulumâ, ke e me tiga ca haû je cabun hon je bucen ae lit; ke öbun ka tiga halubahingen melam me e ame wia bi ka hnyi hmenon mok, me lit ae gan.

Ezekiela 10:4

Ke haba hmanenangi Iehova ame ölö ûheny hon kerubi, me tot hon hwanumen uma; ke unöngötö hnyeule ge ulâ, ke unö-ngötö hnyeule ge melaminy hmanenangi Iehova.

Levitiko 9:23

Ke Mose me Arona ödru me tha didro ka hnyi uma ûkhacaköu, me dit hmetu but, me hahnahicâ tavat: me ame manen ka tavat hia hmanenangi Iehova.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Numera 16:19

Ke haba Kora ame hawâ ûkhacaköu hia ûcûdru ka hnyi hwanumen uma ûkhacaköu: ke amo manen dut hmanenangi Iehova ka ûkhacaköu hia.

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mataio 23:19

Hnyat ae wadröu: anyin a ieû ae nua, hawa a ne bwihlany, a ne taben bi hut, wale at ame okabâ bwihlany?

Mataio 23:24

Hnyat ûsû, kʼ öbun je wadröu bi, hnyat öbun e hneköien minâ, me utâ bi kamela.

Ioane 1:1

HABA hnyi can, me waleji Logo, e unyin Khong Logo, haba Logo, me Khong.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 8:55

e ca khanʼ öbun e: ke khanö nya e; oge ne ha, ka habe, E ca khanö nya e, awe, oge ma at thoi bi helâ me öbun: ke khanö nya e, ke oge me vheno hwan hofuc.

Ta je huliwa 14:16

at ame hna ta je hnyei hia ehac he ka vheno dedra ta je gethen.

Ta je huliwa 17:23

Anyin a oge me ngenu me wâ ta je ûnyi öbun e hmi kâu, ke oge me wâ minya ke taben hut adre sihnalimen hon, ka habe, HOBI KÂU KHONG ADRE CA WÂ. Anyin a wale haba ûnyi öbun e hmi kâu me ca wâ, e thibi ang oge me he ka omanenâ köbun.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

Kolose 1:13

waleji at ame hûgûnʼ öta ûnyi hnyi maniny menekholom, me wiʼ öta ka hnyi dokhu dokhon Nokon a oûnykûminy;

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: