Isaia 60:18 - Iaai Bible 1901 (New Caledonia)

¹⁸ Adre me ca he hmetu ka long ûökonguny hnyi em hnyei, ke ame ca he bi ka ba wan me hna ûhangö hnyi je hnyigöulâm; ke u me he ka hwenyi ien ânyâm je hna up haginy, ka habe, Ûhomeli, me je homagöulem, ka habe, Ogânâ.

Isaia 60:18 ပူးပေါင်းရင်းမြစ်များ

II. Samuela 7:10

Ke oge me he ka ûca dok hobi kâu lakeik a at Isaraela, me otilʼ ödra, mʼadre me he ka laba hnyi idrin bi, kʼ adre me ca he hmetu ka bwebweli ödra; ke haba khaca, ame ca he hmetu tavat ae kong ka oveci ödra helâji me ehac,

Salamo 147:14

E ame ham ûsoköu hnyi je ke keihâm; E ame ounöngöti u ge hwit ae ti so.

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 2:4

Ke e ame he ka owisa ge ta je hnyei, me nâ je hnyei ae se: ke adre me he ka kokot anyidra je hele vat, me me hnân bi hwio kânâ, me dödra je ö hnân je bâlet adre dela kâu vine: ame ca he ke hnyei ka nang hele vat ka kot ke hnyei, ke adre me ca he hmetu bala he ka nâ vat.

Isaia 26:1

HNYI bong eling adre me he ka sit khumöng ang hnyi hnyei Juda, ka habe, E hu but gata taun ae hwege; e ame he ka otilâ ûhomeli hnân hak me singiny.

Isaia 26:2

Khong ut je homagöule me me didro hnyei ae wisa, a at ame tuö hnathu.

Isaia 51:19

Walang li ûnyi ame o köu; ie at ame he ka tenge gam? habe, e ba at, me hnaûhango, me hmiâ, me hele vat; oge ma kâmâu he ka otubweli u.

Isaia 54:14

Adre me he ka otethmö u hnyi hwakecin ae wisa: me u me he ka laba sâkâu ge seda, anyin u me ca he ka ot; me laba sâkâû me öbubuny, anyin a e ame ca he bi ka o köu.

Isaia 56:5

Oge me he ka ham kodra hnyi umök uma me hnyi hnyin hna up hagik hak ke haten, me ien ae so, hon lakudra a wainda me wahlu; oge me he ka ham kodra ien ae tethmâ, wale adre me ca he bi ka subâ degecâ.

Isaia 60:11

Ame he bala ka khong ut je homagöulem; kʼ adre me ca he bi ka hlöng hnyi lany me lit, me me he tavat ka sukhöûnâ köu ta je omjeûiny ta je hnyei, me lelö tilâ latuhödra.

Isaia 60:17

Oge me he ka ham gol hwaban bras, ke oge me he ka ham sileva hwaban fao, ke bras hwaban uto, me fao hwaban veto: ke oge me he ka wia ânyâm je taben me me hnahic, me je homakan ânyâm huliwa mʼ adre me wisa.

Isaia 61:11

Anyin a kânâ ame okûâ je vongon, ke ta hnyei ame okûâ je hatong adre me tä hnyin; helâe minya ame he Iehova ka okûâ kwakecin ae wisa me ogânâ hnyi hnyimakan ta je hnyei hia thithö.

Isaia 62:10

Didro, didro hnyi je homagöule; penapena thö deny tavat; op dö goranyai, op dö goranyai hna cit gethen; hlo thö je veto; ogöranyâ thö boûdila hobi kâu ta je hnyei.

Isaia 62:4

Ke adre me ca he hmetu ka haiö u, ka habe, Adre degec; ke adre me ca he bi ka ha ge em hnyei, ka habe, E ba aten: ke adre me he ka hwenyi iâm, ka habe, Hnok hna senyin gan, ke haba ien em hnyei, A faipoipo thö: anyin ame senyin köu Iehova, kʼ ame he ka faipoipo em hnyei.

Isaia 62:7

ke ca hna but kâu he ka menâ, ke ne o but e ame otilâ, me ke ne o but e ame wia Jerusalema hnân ogânâ hnyi hmeledrany.

Ezekiela 42:20

E ame tuluto e hnyi vak ta ke keihen: ke e hu hak veto adre op e igigilo, faiv haded ibeûen, ke faiv haded ûlauen, me me hu hnyigöulen dok ae kap me dok ca kap.

Mika 4:3

Ke e ame he ka owisa ka ta je hnyei ae se hia, me fuc ka je hnyei ae hwege hnyi je dok ae sâkâû; ke adre me he ka kokot anyidra je hele vat me me hnân bi hwio kânâ, ke dödra je ö hnân hele subö vine: ame ca he ke hnyei ka hai hele vat ka ke hnyei, ke adre me ca he hmetu ka ûnö vat.

Zefania 3:19

Wâ bi, hnyi ûen eling oge me he ka mâdrʼ ödra hia tavat adre me oveci u: ke oge me he ka omelö at ame he ci, ke hlo at adre me obâ; ke oge me he ka wiʼ ödra hnân ogânâ me lung bi, wale adre me hmehma gadra hnyi hmeledrany hia.

Zakaria 2:5

Anyin a haba inya, me oge me he ka helâ me hak meic igigilo e, haingö Iehova, anyin a haba inya, me hnân hmanenang hnyi wanben e.

Zakaria 2:9

Ke wâ bi oge me he ka nyinyikâ hnyamok hudra, me ame he ka sei ödra hnen tavat waleji adre me bi lathnyaba kodra; mʼ öbun e he ka wâ a ga, kunö nya Iehova tuhan sabaoth.

Zakaria 9:8

Ke oge me he ka hunuma igigilo umök uma, ûcon iwahnaihmiony, me me ca he ke at ka he me hmetu: ke ame ca he hmetu at ûöveci ka he hnyi wanbödra: anyin a walang ang inya oge me wâ ge li emakök.