Isaia 60:11 - Iaai Bible 1901 (New Caledonia)

¹¹ Ame he bala ka khong ut je homagöulem; kʼ adre me ca he bi ka hlöng hnyi lany me lit, me me he tavat ka sukhöûnâ köu ta je omjeûiny ta je hnyei, me lelö tilâ latuhödra.

Isaia 60:11 ပူးပေါင်းရင်းမြစ်များ

Nehemia 13:19

Ke ame hauhaotreng ut hnyi je homagouleny Jerusalema ke tiga hia bi sabath, me oge me ûkhûnöng he ka hlöng je homagöule, ke oge me hûna a gʼ adre me ca he hmetu bi ka khong ke ne o but a um dö sabath: ke oge me otilâ ke lathnyabaik hnyi je homagöule, mʼ adre me ca he ka dit me je hok hnyi sabath.

Salamo 149:8

He ka ca ta je tuhödra ge je cen, Me anyidra je taben ge je tö a fao;

Isaia 24:21

Ke hnyi bong eling ame he Iehova ka bi hwaban ka tavat ae gorany ethö, ke je tuhan hmeledrany hnyi hmeledrany.

Isaia 26:2

Khong ut je homagöule me me didro hnyei ae wisa, a at ame tuö hnathu.

Isaia 49:23

Ke ame he je than ka hat ödra hobi köu, ke je momo than ka ûhalin: adre me he ka nom hnyikânâi köu, me drem sesâiny li cam; ke ame he ka khanö u a inya Iehova, kʼ adre me ca he bi ka hmehma, a tavat adre me halubahing nya.

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Isaia 60:18

Adre me ca he hmetu ka long ûökonguny hnyi em hnyei, ke ame ca he bi ka ba wan me hna ûhangö hnyi je hnyigöulâm; ke u me he ka hwenyi ien ânyâm je hna up haginy, ka habe, Ûhomeli, me je homagöulem, ka habe, Ogânâ.

Isaia 60:5

Me u me he ka wâ me senyin, ke ame he hnyekom ka öbubuny me hlau; anyin adre me he ka wia köu tang omjeû ûnyi hnyi köiö, ke adre me he ka hom köu tang omjeûiny je hnyei.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Isaia 62:10

Didro, didro hnyi je homagöule; penapena thö deny tavat; op dö goranyai, op dö goranyai hna cit gethen; hlo thö je veto; ogöranyâ thö boûdila hobi kâu ta je hnyei.