Isaia 60:1 - Iaai Bible 1901 (New Caledonia)

¹ HÖHÖI thö, umumelam dö; anyin a o but melamâm, ke a o but hom hmanenangi Iehova.

Isaia 60:1 ပူးပေါင်းရင်းမြစ်များ

Salamo 102:16

Anyin a hia but Iehova up Ziona, E manen dut e hnyi anyin hmanenang.

Salamo 87:3

Taun anyin Khong lö, Adre me ha ta je hofuc ae hmanenang gam. [Sela.

Isaia 2:5

Lap anyi Jekob lö, ai öbun, ate me he ka vheno melam anyi Iehova.

Isaia 24:23

Ke ame he ka hmak tehi, me hmehma bi seûno; anyin ame he Iehova tuhan sabaoth ka musi hnyi hmanenang hnyi bucen Ziona, me hnyi Jerusalema, me hnyi hnyimakan anyin wahingat.

Isaia 28:5

Ke hnyi bong eling ame he Iehova tuhan sabaoth ka tot hnân korona ae hmanenang, me hnabinybak ae mec, hobi kâu je kolon lakeiny:

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 4:5

Kʼ ame he Iehova ka op hnyi ta je hnyaban hia hnyi bucen Ziona, me hnyi je ûkhaca-köuiny e, ûlâ me hai hnyi lany, ke bâhlân meic ame ubâhlâ hnyi hnyinghet: anyin ame he ka hu ûnyi hnân tube hon hmanenang hia.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 58:8

Me ame he ka o melamâm helâ me haolany, ke u me he ka ie so; ke ame he ka he hwakecâm ae wisa hnyi hnyimâkâm; ke ame he hmanenangi Iehova ka he hnyi hotom.

Isaia 62:1

HABA can bi ge Ziona, me oge me ca he ka laba hnyibû, ke can bi ge Jerusalema, me oge me ca he bi ka menâ, ke ne o but ame o but hwakecin ae wisa helâ me lany, me anyin ûhomeli helâ me okûnû ae umumelam.

Isaia 62:2

Ke ame he je hnyei ka wâ hwakecâm ae wisa, kʼ ame he ta je than hia ka wâ ânyâm hmanenang: ke adre me he bi ka hwenyö ke iâm bi ae teb ûnyi ame he hnyimö Iehova he ka ha.

Isaia 66:11

mʼ öbun e he ka ijem me sekubun ge li basin hnân otubwelâ; mʼ öbun e he ka oâ debai me hobâ ûganiny anyin hmanenang.

Isaia 9:2

Haba tavat waleji adre me vheno menekholom, me adre me wâ melam ae gan: ke haba tavat adre me labā je hnyei a hanon mok, me ame umumelam hudra lany.

Ezekiela 43:4

Ke haba hmanenangi Iehova ame didro hnyin uma a gethen hnyi homagöule e jimeyö.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Mataio 4:16

Haba tavat adre me laba hnyi menekholom Adre me wâ melam ae gan, Ke haba tavat adre me laba hnyi ke keihen hnyei a hmenon mok, Ame o but melam kodra.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Ioane 1:9

Haba melam hnathu, me wale at ame omelamâ tavat hia adre me o ka hnyi hmeledrany.

Ioane 12:46

Inya oge me o mʼ inya melaminy hmeledrany, me me ca laba hnyi lit at ame labageju könya.

Ioane 3:19

Ke walang hnaûhango, a ga o but melam ka hnyi hmeledrany, ke weny bi tavat menekholom hon melam; anyin ae kong ut hwakecidra.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

Filipi 2:15

me me ba hnyikongubun me hna okongoâ, mʼ öbun lakon Khong bi, ke ba kongon hnyi hnyimakan dö ae hwali ke ûkhin fuc, ke so öbun e umumelam ködra hwakecibun, helâ me je melaminy hmeledrany,

I. Peteru 4:14

Adre ne haikongu öbun can ien Keriso, hnobun hnahic; anyin ame laba unyibun Hanon hmanenang me Hanon Khong.

Hna Omanenâ 21:11

ke hu hmanenanginy Khong hnyin: ke haba melaminy me helâ me veto ae gan hmâ hmonyin hwaban, ke helâ me veto jasepi ae alai:

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.

Hna Omanenâ 22:5

Ke ame ca he hmetu ka lit; ke ca ûnyi hnathu bi kodra lamepa, me melaminy seûno; anyin a he Than a Khong ka melamidra: ke adre me he ka musi nyiele nyiele balua.