Isaia 6:9 - Iaai Bible 1901 (New Caledonia)

⁹ Me e ame ha, ka habe, He thö, me ha ka tavat ang, ka habe, Öbun e labö long, ke ca wâhmakhmeto bi; ke öbun e labö wâ, ke ca wâ ûnykûme bi.

Isaia 6:9 ပူးပေါင်းရင်းမြစ်များ

Ta je Vejec 28:5

Haba tavat ae kong, me adre me ca wâ hmakhmeto bi hna owisa: Ke haba tavat adre me elom Iehova me adre me wâ ûnykûme hia.

Isaia 28:13

Anyin a wale ama e bi kodra hofuc ho Iehova, a hna ûnö, me ke hna ûnö, hna ûnö, me ke hna ûnö; tulut me ke tulut, tulut me ke tulut; hnyiban ang ae ûhnyûkong, me hnyiban e ae ûhnyûkong; mʼ adre me he ka he me ta hnyimen goranyai, me hmetru, me hnok, me ca.

Isaia 29:10

Anyin a hia but Iehova hingâlâ hubun hanuiny mokut hnying, me ömûki öbun, wale ta je perofeta; ke ame tube je böbun, wale tavat wâ.

Isaia 29:13

Ke haingö Iehova, ka habe, Anyin ame hakekenyi nya tavat ang ge je hnyimödra me oganö nya ge je esongodidra, kʼ adre me oûsâkâûö mönya je hnyekudra, ke haba hnödra hna outö nya, me wale thibi hna nʼ ödra ge hna ûne hnen at:

Isaia 29:14

anyin a wale wâ bi, oge me he bala ka ânyâ ûnyi ae ke bongon bi ka tavat ang, a ûnyi hnân lâiâ me ûnyi a ûöman: ke ame he ka hia metâ anyin tavat ae metâ gadra, kʼ ame he ka iyong ûnykûmânen tavat wâ wia gadra.

Isaia 42:20

E se hia ta je ûnyi u je wâ, me ca vheno bi; adre khong ut li hnyikonyen, ke e ame ca long bi.

Isaia 43:8

Hö jem tavat ae wadröu ke hu ecmak, ke tavat ae wejiji ke hu hnyiköny.

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Ezekiela 12:2

Nokon at lö, u je laba hnyi wanben lap ae ûkhin fuc, tavat ae hu li ecmak hnân bwele, kʼ adre me ca bwele bi, ke hu li hnyikönyödra hnân long, kʼ adre me ca long bi; anyin a ödra lap ae ûkhin fuc.

Hosea 1:9

Ke haingö Iehova, ka habe, Hwenyi ien dö, me Lo-ami; anyin a ca lakeik ut öbun, me oge me ca he bi nya ka Khongubun.

Mareko 4:12

mʼ adre me he ka wâ, a wâ thibi, kʼ adre me ca wâ ûnykûme bi; ke long, a long thibi, ke ca wâhmakhmeto bi; wâ adre nye hwio thö, mʼ adre me he ka thang degecâ but anyidra ta je hulö.

Luka 8:10

Me e ame ha, ka habe, Adre me ham köbun he ka wâhmakhmeto ta je ûnyi ae iyong hnyi dokhu dokhon Khong: ke adre me bi hnân ûhöûcû ka keihen; mʼ adre me he ka bwele, me ca wâ bi, me he ka long me ca wâ ûnykûme bi.

Ioane 12:40

E ame owadruâ ta je emaködra, ke e ame okhötâ je hnyekudra; Wâ adre nye wâ ge je emaködra, me ûnykûme ge je hnyekudra, Wâ adre nye hmetu, Mʼ iny omeli ödra but.

Roma 11:8

helâ me hna sihnalimen, ka habe, Khong ame ham kodra hnyok ae bemokut, me je ecmak ame ca bwela bi, me je hnyiköny adre me ca long, ke ne o but hnyi bong ang.

Deuteronomi 29:4

ke a ca ham bi köbun Iehova hnyok ae wâhmakhmeto, me li emakan ae bwela, me li hnyikonyen ame löng, ke ne o but hnyi bong ang.