Isaia 6:7 - Iaai Bible 1901 (New Caledonia)

⁷ me e ame kâlâ hnyimök kâu, me ha, ka habe, Wâ bi, ame kâlâ li esongodâm ge ûnyi e; ke adre ohia but ânyâm monu, kʼ adre me hneû degecâ ânyâm hulo.

Isaia 6:7 ပူးပေါင်းရင်းမြစ်များ

Isaia 40:2

Ha thö hofuc ae kaukahwa kö Jerusalema, ke hongot dö kâu a ga um dö bonginy vec, ke adre hia but thang degecâ anyin hulo; a hia but kap ûnyi ga Iehova hna olo bi hwaban anyin ta je hulo hia.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Isaia 53:5

Ke so bi e ame aat dö can hnöta ta je hna hanyâûâ, kʼ adre me khaû e can hwakecita ae kong: adre me ip hon e je hna kot mʼ ate me hnahic bi, ke öta metu but can hna khûâ hnân.

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Isaia 57:19

Inya oge me op wan esongot: habe, Hnahic, hnahic ka at hnyi dok ae sâkâû, me kâu hnyi dok ae hakekeny, haingö Iehova; ke oge me he ka omelo e.

Jeremia 1:9

Me haba Iehova ame inâ hnyamen me kâlâ hnyimök; ke Iehova ame ha könya, ka habe, Wâ bi, oge hia but ip hok ta je hofuc hnyi hnyimâm:

Daniela 10:16

Ke wâ bi, ame kâlâ hnyimök ke at helâ me at: me oge me khong ut hnyimök me fuc, me ha ka at ame tot hnyi hnyimakök, ka habe, Than lö, can hna omanenâ, ame takû nya anyik je hlöuhlöu, ke ba but hwegiök.

Zefania 3:9

Me oge me he bi ka wia ka hnyi hnyei hwen ae wisa, mʼ adre me he hia ka hawâ iö Iehova, me bi athnyabainy ge hnyok a khaca.

Zakaria 3:4

Me e ame thu me ha ka tavat adre me tot hnyi hnyimakan, ka habe, Uny jut je ûkhaû ae kânâ gan. Ke haingen kâu ka habe, Wâ bi oge hia but ohia hwakecâm ae kong gam, ke oge me he bi ka okhaûo u ge je ûkhaû ae hmanenang.

Numera 16:46

Ke haba Mose ame ha kö Arona, ka habe, Hom dö ânyâm taben meic ûnyi hnyi hon taben hut, me auk ûnyi ae bo so, me ie wadring dö ka ûkhacaköu, me bi hwaban anyidra möt: anyin ame o hmönyin ûnyi ga Iehova; ke ame hwân dö mok ae gan.

Mataio 9:2

Ke wâ bi, adre me sam but kâu at ae mat ame mokut hon hnen: ke haba Iesu ame wâ anyidrin labageju me e ame ha ka at ae mat, ka habe, Nöhuk, senyin dö; adre hia but hna degecâ ta je hulö gam.

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.