Isaia 6:4 - Iaai Bible 1901 (New Caledonia)

⁴ Ke ame bwebwelâ je taben je hwanuma ge ifucin at ame hongot, kʼ ame unöngötö uma ge hai.

Isaia 6:4 ပူးပေါင်းရင်းမြစ်များ

II. Man Ûlabainy Je Than. 5:13

ke haba tavat tûö trutru me tavat khumöng, me, helâ me at a khaca, he ka hai khumöng helâ me khaca thibi hofuc he ka ogânâ me ole kö Iehova; ke ödrin e fuc goranyai ge je trutru me simebalo me je ûnyi khumöngʼ me oganö Iehova, me ha, ka habe, Anyin ae so e, anyin a nyiele balua anyin ibetengiö; me haba hnyi ûen eling ame unöngötö uma ge ulâ, wale uma umö Iehova,

Salamo 18:8

Ame sâ hai ûnyi hnyi li hnyingöiny, Ke meic ame han ûnyi hnyi hnyimen: Kʼ ame möt dö gan ta je walep.

Esodo 40:34

Me haba ûlâ ame tube uma ûkhacaköu, ke haba hmanenangi Iehova ame ounöngötâ uma mano.

Ezekiela 1:24

Ke oge me long hwan je labenyidrin ödrin ka he, helâ me hwan köiö ae gan, helâ me ifuci Ataekhanahia, hwan imonumonuny helâ me hwan utbavat: ödrin ka todru me ödrin e ohimö je labenyidrin.

Ezekiela 10:5

Ke adre me long hwan je Abenyin je kerubi ke ne o but hnyeule eû, helâ me ifucin Khong Aekhanahia, e ka fuc.

Ezekiela 41:16

me li bahebetiny hwanuma, me je mamalama adre me hlöng, me je deö hnyeule ethö gorany a je deö a kun, cicö hwanuma adre me tube ge eso ethö igigilo, me hwân hnyi kânâ ke ne o but hnyi je mamalama; kʼ adre me hlöng je mamalama;

Ezekiela 44:4

Ke e ame hum nya a gethen hnyi homagöule hnyi hwadro hnyi hnyimakan uma; ke inya oge me wâ, ke wâ bi, ame unöngötö uma umö Iehova ge hmanenangi Iehova: me oge me ta hnyikânâi.

Amosa 9:1

OGE me wâ Than ame tot hnyi taben hut: ke haingen, ka habe, Kot dö je ban, me me jijing dö je hwanuma: me thu omomonu ödrin hon je bödra hia; ke oge me he ka hlingâ at a biliny gadra ge hele vat: e ba at a khaca gadra ame he ka kec, ke ba ke at gadra ame he ka mot.

Hna Omanenâ 11:19

Ke adre me khong uma kap umen Khong walethö hnyi drany; me ame manen dut hnyi umen uma tangen anyin ûhihinyköu; me ame o but je hucuce, me je ifucin, me je hendreng, me hwiöi, me we wahma ae gan.

Hna Omanenâ 15:8

Me ame unöngötö uma kap ge hai ûnyi hnyi hmanenang anyin Khong, me ûnyi hnyi maniny man; ke ba at ae khana he ka didro ka hnyi uma kap, ke ne o but ame hwâdâ thö je mok a seven anyin je angela a seven.