Isaia 6:2 - Iaai Bible 1901 (New Caledonia)

² Kʼ ame tot ethö hon e je serafi; ke ve hu labenyidra a siks; kʼ adre me tube je hnyimakodra ge li labenyidra, kʼ adre tube li cadra ge ke lo, kʼ adre me gâ ge ke lo hmetu.

Isaia 6:2 ပူးပေါင်းရင်းမြစ်များ

Genese 17:3

Ke Aberama ame ta hnyimakan hnyikânâi: ke Khong ame ha hofuc kâu, ka habe,

I. Je Than 19:13

Ke a long ut e Elia me e ame lan hnyimakan ge anyin ûkhaû, me he me tot hnyi hwanumen op. Ke wâ bi ame o but kâu hofuc, ka habe, Elia lö, ieû u me ânyâ ang?

I. Je Than 22:19

Ke Mikaia ame ha, ka habe, Anyin a wale long ju u hofuc ho Iehova: oge me ō Iehova ame tabâ anyin theron, kʼ ame ûtitilen unyin ta je dö hia hnyi drany hnyi ke keihen metâ me meny.

I. Je Than 6:24

Ke faiv kubit ke labenyin ke kerubi, ke faiv kubit ke labenyin ke kerubi: ten je kubit hwân hnyi obiny ke labenyin ke ne o but hnyi obiny ke labenyin.

I. Je Than 6:27

Ke e ame ip li kerubi hnyi hnyin uma eiö hnyin: ke ame lau li labenyin li kerubi, me ame kâlâ hnyeige uma labenyin ke at, ke ame kâlâ ke hnyeige uma hnen labenyin ke kerubi; ke ame ûginö ke li labenyidru wanben uma.

I. Je Than 8:7

Anyin ame lau li kerubi li labenyidru hon tang, me haba li kerubi ödru me tube tang me li venyâiny.

Nehemia 9:6

U thibi Iehova, a hake u; u je op drany, wale dranyin ta je drany, me je ûnyi hia hnyin, me hmeledrany me ta je ûnyi hia hnyin, je köiö hia me ta je ûnyi hia hnyin, te u me tuö hia; ke ame khudrung köu ta je ûnyi hia hnyi drany.

Jobu 1:6

Ke ame o but ke bong wale ame o hnyin lakon Khong he ka tot hnyi hnyimakö Iehova, kʼ ame tha o but Satana mödra.

Jobu 15:15

Wâ bi e ame ca labageju ka anyin tavat ae kap; Eke, e ca kalaöt bi drany hnyi hnyimakan.

Jobu 4:18

Wâ bi e ame ca labageju ka je athnyabainy; Ke e ame ha hnyikongon anyin je angela:

Salamo 103:20

Haisoi Iehova ju, öbun ta je angela unyin: Öbun hnyat ae man hnyi tang hwege, a hnyat ânyâ hwan hofuc, Me tevehlöng ifucin.

Salamo 104:4

E ame wia je ang me me anyin je ûthumetu; Ke haba lathnyabainy, me, meic ame ubâhlâ:

Salamo 18:10

Ke e ame laba hon kerubi, me gâ: Eke, e ame gâ mweimwei hon li labenyin ang.

Salamo 89:7

Wale Khong adre outen hnyi ûkhacaköu anyin wakap, Me hnân outen hudra hia adre me laba igigilö e?

Esodo 25:20

Kʼ ame he li kerubi ka lau goranyai li labenyidru, me me khavâ taben ibetengiö ge li labenyidru, ke ödru me he ka ûhnyimaködruköu; kʼ ame he li kerubi ka hnyimaködru ka hnyi taben ibetengiö.

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Esodo 37:9

Ke haba li kerubi ödru me lau goranyai je labenyidru me tube taben ibetengiö ge je labenyidru, ke ödru me ûhnyimaködruköu: haba li kerubi ödru me hnyimaködru ka hnyi taben ibetengiö.

Isaia 6:6

Haba ke serafi ame gâ könya, ke e bi hnyi hnyamen walep ae möt, wale e ame hom ûnyi hnyi taben hut ge akofi:

Ezekiela 1:11

Ke haba je hnyimaködrin me labenyidrin me ame ca hûjö ethö; kʼ adre me ûohmâkouâ labenyidrin khaca me khaca, ke lo ame tube je unyidrin.

Ezekiela 1:24

Ke oge me long hwan je labenyidrin ödrin ka he, helâ me hwan köiö ae gan, helâ me ifuci Ataekhanahia, hwan imonumonuny helâ me hwan utbavat: ödrin ka todru me ödrin e ohimö je labenyidrin.

Ezekiela 1:4

Ke oge me bwele me wâ hou ame o ûheny hnyi hwadro, ke ûlâ ae gan, me meic ame gâ khenyi tot, ke e hadröngöc igigilo, ke eû hnyin e helâ me makan bras, ame hlâ ûnyi hnyi hnyin meic.

Ezekiela 1:6

Ke ûsa vak je hnyimaködrin, ke usa vak je labenyidrin.

Ezekiela 1:9

adre ûohmâkouâ labenyidra; kʼ ödrin ka he me ödrin e ca hwio; kʼ ödrin e ve he wisa.

Ezekiela 10:16

Ke hnyi ûen ame he je kerubi, me ame tha he mödrin je waengen, ke e ka ulolo je labenyidrin je kerubi he ka gâ göranyai ûhedrin ang; hmelen, me ame ca hwio bi je waengen unyidrin.

Ezekiela 10:21

Usa vak je hnyimaködrin, ke ûsa vak Abenyidrin; ke helâ me hnyamen at hmelen je Abenyidrin.

Daniela 7:10

Ke ame hingölö wagewe meic me patrutrua ûnyi hnyi hnyimakan: kʼ adre me bi athnyaba kâu tavat a wan thauzan je thauzan, kʼ ame utitilen hnyi hnyimakan khaca miriad je miriad: kʼ adre me penapena he ka ûhnei, kʼ adre me ulolo je tusi.

Daniela 9:21

eke, inya oge me tiga fuc me hic, me haba Gaberiela, waleji oge bok ka wâ hnyi hna omanenâ, ame gâ logot, me kalö nya hnyi ûen adre labö bi hut hnyi sahac.

Zakaria 3:4

Me e ame thu me ha ka tavat adre me tot hnyi hnyimakan, ka habe, Uny jut je ûkhaû ae kânâ gan. Ke haingen kâu ka habe, Wâ bi oge hia but ohia hwakecâm ae kong gam, ke oge me he bi ka okhaûo u ge je ûkhaû ae hmanenang.

Luka 1:10

Ke hnyi awa adre me le uto ae bo so, ame laba eû tavat hia ae se adre me hic.

Heberu 1:7

Ke e ame ha ge ta je angela, ka habe, E ame wia anyin ta je angela helâ me ta je hanu, Ke lathnyabainy helâ me bâhlân meic:

Hna Omanenâ 14:6

Ke oge me wâ ke angela minya ame gâ ethö hnyi wanben drany, ke unyin e ûthumetu ae so ame ca ba balua he ka khetâ ka tavat adre me laba hnyi hmeledrany, ke ta je tribu, ke ta je hwen hnyei, ke tavat;

Hna Omanenâ 4:8

Ke haba je ûnyi ae möt a vak, me ve hu gadrin je labenyidrin a siks, ke ödrin unöngöt hnyi je ke keihen ke eû hnyin ge je ecmak; ke ödrin e ca menâ hnyi lany me lit he ka ha, ka habe, E kap, e kap, e kap Than a Khong, At ae khana hia, waleji adrem, ke walang ang, ke ame he ka o.

Hna Omanenâ 7:11

Ke haba ta je angela, me adre me ûtitilen igigilo theron, me igigilo wahingat ke ta je ûnyi ae möt a vak; me adre me ta ju hnyi hnyimakan theron me khudrung ka Khong,

Hna Omanenâ 8:13

Ke oge me wâ me löng ke aeto ame gâ hnyi wanben drany, kʼ ame ha ge hwan ae hwege, ka habe, Ekölö, ekölö, ekölö ge tavat adre me laba hnyi hmeledrany ûnyi hnyi ifucin ke ta je trutru ame he ka tûâ biju hnen ta angela a kun.