Isaia 6:13 - Iaai Bible 1901 (New Caledonia)

¹³ Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Isaia 6:13 ပူးပေါင်းရင်းမြစ်များ

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Ezera 9:2

Anyin a ödrin e hia but hom lakudrin je hlu hobi ködrin me lakudrin je baga; mʼ adre me hia but ûhaniken wan ae kap me tavat aten je hnyei: eke, ame bân je than me tavat musi ka hnyi hulo eling.

Ezera 9:8

Ke walang ang e okhulit thibi ûen ae hu gahmun betenge ûnyi ga Iehova Khonguhmun, he ka bi kolon kohmun möhmun e möt, me ham kohmun ke fao hnyi anyin dok ae kap, me me he Khonguhmun ka omelamâ je emaköhmun, me ham kohmun ûhomeli ae ûhnyûkong kohmun a je bâ.

Isaia 1:9

Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 4:3

Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema:

Ezekiela 6:8

Ke so bi oge me he ka bi kolon, me me hu tavat unyibun adre me he ka kec möt ge hele vat hnyi je hnyei, öbun ka vese ka hnyi je hnyei.

Amosa 5:3

Anyin a walang hna ha hnen Than Iehova, ka habe, Haba taun ame he ke wan thauzan ûheny hnyin, me ame he ka wan haded biju kolon; ke haba at ama he ke wan haded ûheny hnyin, me ame he ka ten biju kolon, hobi kâu lap anyi Isaraela.

Mika 5:6

Ke adre me he ka öba waniny hnyei Asuria ge hele vat, ke hnyei i Nimeroda hnyi je homagouleny; ke e ame he ka omeli öta ge at Asuria, e ka o ka hnyi ita hnyei me uto je ita.

Zefania 3:12

Ke oge me he ka ip hnyi wanbâm ta je hna ovecâ me theduoc, ke adre me he ka labageju ka iö Iehova.

Zakaria 13:8

Ke haingö Iehova, ka habe, Haba hnyi hnyei hia, me adre me he ka subâ degecâ li ke keihen hnyin e mʼ adre me mokcu; ke ame he ka hnen biju hnyin e ke keihen a kuniny.

Malaki 2:15

Hawa, e ame ca ânyâ ûnyi a khaca, ke e unyin kolon hanu? Ke at a khaca geû? Anyin e ame elâm mâtrân ae so. Anyin a wale, tuö ju je hanubun, me ca he ke at ka iyawâ âiân anyin hidröu.

Mataio 24:22

Ke adre ne ca owakhaletâ ta je bong, me ba at ame he ka möt: ke so bi adre me he ka owakhaletâ ta je bong e ge tavat adre ûca.

Mareko 13:20

Kʼ ame ne ca owakhaletâ ta je bong hnen Than, me ba at ama möt: ke so bi, can tavat adre hia but ûca, waleji e ame ûca, me e ame he ka owakhaletâ ta je bong.

Roma 9:5

ödra je mâtrâniny ta je lakamöta, helâe minya Keriso hoton unyin, e nua hon ta je ûnyi hia thitliö, Khong adre haisoâ nyiele balua. Amen.

Deuteronomi 28:62

Ke öbun e he ka wakhalet biju, waleji a helâ me je okhûiny drany ûseibun; anyin a u je ca löng hoton hofuc ho Iehova Khongom.

Deuteronomi 7:6

Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.