Isaia 6:11 - Iaai Bible 1901 (New Caledonia)

¹¹ Me oge me ha, ka habe, Than lö, ke ne o but kehö î Ke haingen, ka habe, Ke ne o but ame ba but wan je taun, ke ba at ame labā, ke ba but at hnyi je uma; ke ba but wan hnyei,

Isaia 6:11 ပူးပေါင်းရင်းမြစ်များ

Salamo 74:10

Khong lö, ke ne o but kehö ame he je iwahnaihmiöny ka ûhaikonguny? Hawa, ame he bala bi iwahnaihmiöny ka hmi ödra iâm?

Salamo 79:5

Iehova lö, ke ne o but kehö, u me he bala ka hmönyin? Ame he ânyâm ciâ ka ubâhlâ helâ me meic?

Salamo 90:13

Iehova lö, metu ju; ke ne o but kehö? E so u ma ietra ge ta je lathnyabaem.

Salamo 94:3

Iehova lö, ke ne o but kehö ame he tavat ae kong, Ke ne o but kehö ame he tavat ae kong ka ton?

Isaia 1:7

A ba but wan ibun hnyei; a hia but thong anyibun je taun ge meic; ke haba könöbun kânâ, me ame an e hnen ta je atkanyua hnyi hnyimaköbun, me ba wan, helâke adre hagutâ degecâ hnen je atkanyua.

Isaia 13:12

Oge me he ka owakhaletâ at hon gol ae so, ke ame he ka wakhalet tavat hon goliny Ofira.

Isaia 3:26

Kʼ ame he je homagouleny ka tenge me hlöuhlöu; ke e ame he ka laba eû hnyi kânâ ke ba at unyin.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Isaia 32:14

anyin adre me he ka hna bi uma ae mec, adre me he ka degec taun ae ti hu aten; ame he dok ae hut me tap tue ka hnân op nyiele balua, hnân senyin hnen je asinainy hnyot, hnân han tot hnen ta je hnahat meno;

Isaia 35:1

AME he hnyebuba me dok ae atgec ka senyin; kʼ ame he hnyot ka hobâ me vhong helâ me obedila.

Isaia 5:9

Ame ha Iehova hnyi li hnyikönyök, ka habe, E hnathu ame he ka ba onyen ta je uma ae se, je uma ae gan me hmanenang, ke ba at ame he ka labā.

Isaia 60:15

Anyin a adre hia but digic u me hûkötiö u, waleling me me ca he ke at unyâm, awe, oge me he bi nya ka wiö u hnân hnyei ae mec nyiele balua, ke hnân senyin hnyi ta je dö ae se hia.

Isaia 64:10

A hnyot ut ânyâm je taun ae kap, a hnyot ut Ziona, e ba but wan hnyi Jerusalema.

Jeremia 22:6

Anyin a walang hna ha hnö Iehova ge uma umen than Juda, ka habe, U Gileada könya, ke ban Lebanona: ke so bi, e hnathu, a oge me he ka wiö u me hnân hnyebuba, je taun ae ba aten.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 44:2

Walang hna ha hnö Iehova tuhan sabaoth, Khongu Isaraela, ka habe, öbun e wâ but ta je okongon hia waleji oge oâ ka Jerusalema, me je tauniny Juda hia; ke wâ bi, e hnyot ut hnyi bong ang, ke ba but at ame labā;

Jeremia 52:27

Ke haba than Babulona ame kot hlingʼ ödra hnyi Ribela hnyi hnyei Hamath. Me adre me hom hwenbâ at Juda ûnyi hnyi idra hnyei.

Ezekiela 6:6

Kʼ ame he ka ba wan je taun öbun e labâ, ke ba öoyen anyibun je dok ae gorany; me me ba at ke kong ut anyibun je taben hut, me me monumonu ke hia anyibun je idola, me suba degecâ anyibun je hna theati seûno, me ohia anyibun je huliwa.

Daniela 8:13

Ke inya oge me löng ke at ae kap ame fuc; ke ame fuc minya ke at ae kap ka at eji a bân ka fuc, ka habe, Ke ne o but kehö hna omanenâ ge hudiny leû adre me hudo bala, ke hna hanyâûâ wale at ame öba wan, a gʼ adre hna dok ae kap me utbavat minya, mʼ adre me uto ju?

Levitiko 26:31

Ke oge me be ka obâ aten anyibun je taun, me ohia je dok a kabibun, ke oge me ca he ka hnulâ bunen anyibun je ûnyi ae bo so.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Mika 2:4

Hnyi ûen eling adre me he ka hai ûhoûcû gabun me tenge thungaû gan hmâ me ha, ka habe, Adre ti öba wan gata; e a hia but wia jekhon lakeik: ekölö ge hnen hna hom e ûnyi gak! e ame khenâ ita ta hnyei ka tavat ûkhin fuc.

Mika 5:11

ke oge me he ka subâ degecâ je taun hnyi em hnyei, me hagutâ ânyâm je hnabâ hia:

Mika 6:13

Anyin a wale oge hia but kuc u me takû u ge aat ae gan hmâ; ke oge hia but öba wan gam can ânyâm ta je hulo.

Mika 7:13

Ke ame be ka ba wan hnyei can hulo anyin tavat adre me labâ e, me wale troban anyidra ta je huliwa.

Deuteronomi 28:62

Ke öbun e he ka wakhalet biju, waleji a helâ me je okhûiny drany ûseibun; anyin a u je ca löng hoton hofuc ho Iehova Khongom.

Deuteronomi 28:63

Ke wâ bi, helâji me Iehova ame senyin köbun he ka osoi öbun, me osehiʼ öbun, me helâe e ame he ka senyin köbun he ka ohiʼ öbun, me oumi öbun; ke adre me he ka oc degeci öbun ûnyi hnyi hnyei u me he ka hnyin mʼ u me hu.