Isaia 6:10 - Iaai Bible 1901 (New Caledonia)

¹⁰ Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Isaia 6:10 ပူးပေါင်းရင်းမြစ်များ

Salamo 119:70

A khot ut ta je hnyekudra ge pipikhenya; Ke inya oge me hobâ ânyâm hnanyibu.

Salamo 17:10

Adre me lan ödra bi ge anyidra pipikhenya, Kʼ adre me hobeluʼ ödra ge je hnyimödra bi.

Salamo 69:23

E so e wadröu but ta je emaködra, mʼ adre me ca wâ bi; Me öbubuny bala bi je jebalainudra.

Esodo 10:27

Ke Iehova ame ouâkâ hnyeku Farao, me ame höcö he ka hnʼ odra.

Esodo 11:10

Ke Mose me Arona ödru me ânyâ ta je ûnyi hnân lâiâ hnyi hnyimakö Farao: ke Iehova ame onâkâ hnyeku Farao, me ame ca hna lakon Isaraela ûnyi hnyi iny hnyei.

Esodo 14:17

Ke haba inya oge me he bi nya ka onâkâ hnyekon at Aigupito, kʼ adre me he ka hnu hotudra ka hnyin: kʼ oge me he ka oganö nya bi ga Farao, me anyin je vat hia, me anyin je kariota, me anyin je hnyat tabö hos.

Esodo 7:3

Ke oge me he ka onâkâ hnyeku Farao, me osehia anyik ta je haten me ta je anyi hnân lâiâ, hnyi hnyei Aigupito.

Ta je Vejec 16:30

Haba at ame mook, me ame ûnykûme ta je ûnyi ae hwali: Ke ame oâ hulo hnen at ame obuhlumo li esongodiny.

At Khet 3:3

ûen hlingâ, me ûen ometo; ûen hagutâ, me ûen otilâ;

Isaia 19:22

Ke ame he bala bi Iehova ka kot Aigupito, me osoâ bi; ke adre me he ka hmetu kö Iehova, me e ame he ka ling ödra, me osoi ödra.

Isaia 28:13

Anyin a wale ama e bi kodra hofuc ho Iehova, a hna ûnö, me ke hna ûnö, hna ûnö, me ke hna ûnö; tulut me ke tulut, tulut me ke tulut; hnyiban ang ae ûhnyûkong, me hnyiban e ae ûhnyûkong; mʼ adre me he ka he me ta hnyimen goranyai, me hmetru, me hnok, me ca.

Isaia 29:10

Anyin a hia but Iehova hingâlâ hubun hanuiny mokut hnying, me ömûki öbun, wale ta je perofeta; ke ame tube je böbun, wale tavat wâ.

Isaia 29:14

anyin a wale wâ bi, oge me he bala ka ânyâ ûnyi ae ke bongon bi ka tavat ang, a ûnyi hnân lâiâ me ûnyi a ûöman: ke ame he ka hia metâ anyin tavat ae metâ gadra, kʼ ame he ka iyong ûnykûmânen tavat wâ wia gadra.

Isaia 29:9

Todru, ke lâiâ thö; hobâ thö ke wa-dröu but: adre monu but, ke ca ûnyi ge waina; adre me ta tot, ke ca ûnyi ge grâg.

Isaia 44:18

E ca khanʼ ödra, ke adre me ca wâ ûnykûme: anyin a e ame omûko je emaködra, mʼ adre me ca bwela bi; me je hnyekudra mʼ adre me ca wâhmakhmeto.

Isaia 63:17

Ieû u je omonu öhmun gan Iehova ûnyi hnyi dem gethen, me okhötâ je hnyekuhmun mʼöhmun e ca outö u? Hmetu ju can je athnyabaem, a je tribuiny em hnyei.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Jeremia 6:10

Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Je tenge anyi Jeremi 3:65

U me he ka ham kodra hnyok ae khot, ke hângʼ ödra but.

Zakaria 11:15

Ke Iehova ame ha könya, ka habe, Hom dö hmetu je omjehen at ae monu a at tuö mamoe.

Zakaria 7:11

Ke ödra höcö long, me behânâ bajebenyidra, kʼ adre me hlöng je hnyikönyödra, mʼ adre me ca long bi.

Mataio 13:15

Anyin ame khot ut hnyekon, tavat ang, Ke hmak je hnyikönyödra he ka long, Kʼ adre mook ge je emaködra; Wâ adre nye wâ ge je emaködra Me long ge je hnyikönyödra, Me wâ ûnykûme ge hnyekudra, Me hmetuhmetu but, Mʼ oge me he ka omeli ödra.

Ioane 12:40

E ame owadruâ ta je emaködra, ke e ame okhötâ je hnyekudra; Wâ adre nye wâ ge je emaködra, me ûnykûme ge je hnyekudra, Wâ adre nye hmetu, Mʼ iny omeli ödra but.

Ta je huliwa 28:27

Anyin ae pipikhenya but hnyekon tavat ang, Ke hmak je hnyikönyödra he ka long, Ke mook ji emaködra; Wâ adre nye wâ ge je emaködra, Me long ge je hnyikönyödra, Me wâ ûnykûme ge je hnyekudra, Me hmetuhmetu but, Ke wâ oge nye he ka omeli ödra.

Ta je huliwa 3:19

Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than;

II. Korinito 2:16

haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang?

Deuteronomi 2:30

Ke e höcö Sihona than Hesebona he ka hnʼ ota ka gethen unyin: anyin a Iehova Khongom ame okhötâ hnyekon, me ohwegiâ hnyekon, me me he ka hna e ka hnyi hnyamâm, a helâe hnyi bong ang.

Deuteronomi 29:3

a ta je ûcûbic ae gan waleji a wâ je emaköbun, me je haten, me je ûnyi hnân lâiâ gan eling:

Deuteronomi 29:4

ke a ca ham bi köbun Iehova hnyok ae wâhmakhmeto, me li emakan ae bwela, me li hnyikonyen ame löng, ke ne o but hnyi bong ang.

Deuteronomi 31:20

Ke iny ka hia but hum ödra ka hnyi hnyei waleji oge khemanyin ka lakamödra, ame di ge debai me hani; ke ödra ka hia but han sekon me pipikhenya; me adre me he ka hnyimakodra ka ke je khong, me bi athnyabaidrin, me höciö nya, me oûnyibâûâ hnok hna ûhihinyköu.

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.