Isaia 6:1 - Iaai Bible 1901 (New Caledonia)

¹ HABA hnyi hunainy mok a Uzia than, me oge me wâ Than ame tabâ theron ae gorany ke beönua, ke unöngötö uma ge obiny anyin ûkhaû.

Isaia 6:1 ပူးပေါင်းရင်းမြစ်များ

I. Je Than 22:19

Ke Mikaia ame ha, ka habe, Anyin a wale long ju u hofuc ho Iehova: oge me ō Iehova ame tabâ anyin theron, kʼ ame ûtitilen unyin ta je dö hia hnyi drany hnyi ke keihen metâ me meny.

II. Je Than 15:7

Ke ame mokut ut Azaria tha e me lakamen; me ödrin e konâm e tha e me lakamen hnyi taun anyi Davita: ke ame than biju Jotham a nokon hwaban.

II. Man Ûlabainy Je Than. 18:18

Ke haingö Mikaia, ka habe, Anyin a wale long ju hofuc ho Iehova: oge ō Iehova but ame laba hon anyin theron, ke ame ûtitilen je dö hnyi drany hnyi ke keihen metâ me meny.

Jobu 42:5

Oge hia but long gam ge li hnyikönyök; Ke walang ang ame ö u hnen li emakök,

Salamo 108:5

Khong lö, e so adre me ogöranyi u hon ta je drany: Me ânyâm hmanenang hon hmeledrany hia.

Salamo 113:5

Ie at ae ûcû me Iehova Khonguta, Wale at ame laba ethö,

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Esodo 24:9

Ke haba Mose ame tha ölö me Arona, me Nadaba, me Abiu, me wahingatiny at Isaraela a sevonte:

Isaia 1:1

HNA wâ hnö Isaia nökuʼ Amosa, waleji e ame wâ ge Juda me Jerusalema, hnyi je bong bongu Uzia, me Jotham, me Ahaza, me Hezekia, a je thaniny Juda.

Isaia 12:4

Ke haba hnyi bong eling öbun e he ka ha, ka habe, Oleâ thö kö Iehova, hawâ thö ien; omanenâ thö unyin ta je hnyei anyin ta je huliwa, ke thumeto thö ae beönua thibi ien.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Ezekiela 1:1

HNYI huna a thote, hnyi tehi a vakiny, ke hnyi bong a thabûnginy tehi, ke tha inya me je bâ hnyi wagewe Kebara, me ame hmouca but drany, me oge me wâ je hna omanenâ ûnyi ge Khong.

Ezekiela 10:1

KE oge me wâ, ke wâ bi, wale hnyi unyin ae lau hnyi hon ban je kerubi ame manen ethö hudrin helâke veto safairo, ame manen helâ me man ke theron.

Ezekiela 10:4

Ke haba hmanenangi Iehova ame ölö ûheny hon kerubi, me tot hon hwanumen uma; ke unöngötö hnyeule ge ulâ, ke unö-ngötö hnyeule ge melaminy hmanenangi Iehova.

Daniela 10:17

Ke ame he ka hawa ka khanö nya a athnyabaem than he ka ûhmenamö mön than? anyin a haba inya, me ba but hwegiök, ke oge me ca menâ hmetu bi.

Daniela 7:9

Inya oge me wâ ke ne o but adre otilâ je theron, ke ame laba hon ke hingat at kâû adrem: e hau anyin ûkhaû helâ me kiona, ke helâ me leûnen mamoe ae so leûnen ban, ke helâ me bâhlân meic anyin theron, ke helâ me meic ame hlâ je waengen.

Numera 12:8

me oge me he ka ûcû hnyem mē me ha manenâ, ke ca hnyi je hofuc ae lit; ke e ame he ka wâ unyu Iehova: ke ieû gabu a öbu ca ot he ka fuc ga Mose a athnyabaik

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 12:41

Haba Isaia ame ha ta je ûnyi e, anyin a e ame wâ anyin hmanenang; kʼ ame hâiâ e.

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

Hna Omanenâ 15:8

Me ame unöngötö uma kap ge hai ûnyi hnyi hmanenang anyin Khong, me ûnyi hnyi maniny man; ke ba at ae khana he ka didro ka hnyi uma kap, ke ne o but ame hwâdâ thö je mok a seven anyin je angela a seven.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.

Hna Omanenâ 3:21

Haba at ame ton, me oge me he ka ham kâu he ka tha laba mönya hon anyik theron helâji me inya oge me tuk, me oge me tha laba me Cica hon anyin theron.

Hna Omanenâ 4:10

me ame he wahingat a twente foa ka ta but hnyi hnyimakan at ame tabâ theron, me khudrung kâu, waleji at ae möt nyiele nyiele balua, me khûâ anyidrin je korona hnyi hnyimakan theron me ha, ka habe,

Hna Omanenâ 4:2

Ke oge me ie dit ka hnyi Hanu: ke wâ bi, e hu theron adre ip hnyi drany, ke ke at ame laba hon theron;

Hna Omanenâ 4:3

ke helâ me veto jasepi me sadio at ame tabâ; ke haba wajileufat ame wâdrâ igigilo theron, ke ame manen dut helâ me semerado.

Hna Omanenâ 4:9

Ke e ka he je ûnyi ae möt ka ogânâ, me ogöranyâ, me ole ka at ame tabâ theron, wale ae möt nyiele nyiele balua,

Hna Omanenâ 5:1

KE oge me wâ hnyi hnyam a metân at ame laba hon theron, tusi adre set hnyin me hoton, adre ohmâ haten ge je hna ohmâ a seven.

Hna Omanenâ 5:7

Ke e ame o but me hom e ûnyi hnyi hnyamen a metân at ame tabâ theron.

Hna Omanenâ 6:16

me adre me ha ka ta je bucen me je kic, ka habe, Öbun na kolu takû öhmun ju, me oiyongi öhmun dut ge hnyimakan at ame laba hon theron, me ûnyi minya ge tang hmonyin anyin Arenio: