Isaia 59:9 - Iaai Bible 1901 (New Caledonia)

⁹ Anyin a wale e ûsâkâûö möhmun hna owisa, kʼ ame ca khöû öhmun wisa: öhmun e halubahingen lany, ke wâ bi, wale lit; öhmun e halubahingen umumelam, ke wâ bi, wale menekolom.

Isaia 59:9 ပူးပေါင်းရင်းမြစ်များ

Jobu 19:8

E ame hia but hwo hak hnyi dek gethen, me me ca khanö nya bi he ka vheno. Me omenekhulumâ dek je gethen.

Jobu 30:26

Haba hnyi ûen oge me halubahingen so, me ame o bi könya ûnyi ae kong; Kʼ oge me labagejoâ lany, me ame o bi könya menekholom.

Salamo 82:5

E ca khanʼ ödra, ke ca wâhmakhmeto bi; Adre me ngenu hnyi menekholom: Ame bwebwet hia thö je taben hmeledrany.

Ta je Vejec 4:19

Haba gethen deny tavat ae monu me helâ me menekholom: Adre me ca wâ bi ûnyi adre thö hnyin.

Isaia 5:30

Hnyi bong eling adre me he ka kuku gadra helâ me imeainy köiö: ke ödra ka wâ hnyei, wâ bi, e menekholom me hmak, me khömet ge je ûlâiny.

Isaia 59:11

Öhmun e kuku hia helâ me je bea, ke kuku tenge tot helâ me je biny: öhmun e halubahingen owisa ke ba bi; me halubahingen ûhomeli ke ûsâkâûö bi möhmun.

Isaia 59:14

Ke adre me ohmetu hna owisa, ke ame tot sâkâû hwakecin ae wisa: anyin a kolu but hnathu eû hnyi gethen, ke ca khana hwakecin ae fofâ he ka didrö.

Isaia 59:8

E ca khanʼ ödra gethen deny hnahic; ke ba wisa hnyi je dedra: kʼ adre me ka ânyâ hobi kodra je gethen ae hwali; e ca khanʼ ödra hnahic tavat adre me vheno e.

Isaia 8:21

Ke adre me he ka vheno e hnyi vec me mekihnânem: ke ödra ka he ka mekihnânem, me adre me he ka vec hnyok, me hangâ hnyi ien tuhödra me Khongudrin, ke hngele bi hnyi dranyai:

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Jeremia 13:16

Hna but kö Iehova Khongubun hna ogânâ, e me tiga ca omenekhulumâ, ke e me tiga ca haû je cabun hon je bucen ae lit; ke öbun ka tiga halubahingen melam me e ame wia bi ka hnyi hmenon mok, me lit ae gan.

Jeremia 14:19

Hawa, u je hia but ti digic Juda? ke a biâ but hanom ikikiâ Ziona? anyin a ieû u je kuc ohmun, ke ba eny kohmun? ohmun e halubahingen hnahic, ke ba bi so, me ûen metu, ke wâ bi ot bi.

Jeremia 8:15

Ate me halubahingen hnahic, ke ba bi so, ke ate me halubahingen ûen metu, ke wâ bi, hlohlo bi!

Je tenge anyi Jeremi 3:2

E ame hia but su nya me hum nya ka he hnyi menekholom, ke ca bi hnyi lany.

Je tenge anyi Jeremi 4:14

Adre me ngenu helâ me wadröu hnyi je gethen, adre me kong ut ge dra, Me me ca khana at he ka kâlâ je khaûödra.

Amosa 8:9

Ke haingen Than Iehova, ka habe, Hnyi ûen eling oge me he ka odilâ seûno hnyi jebigo, me olidrâ hnyei hnyi lany.

Mika 1:12

Anyin a haba at ame laba hnyi Maroth, me ame kueny ka halubahingen hnahic: anyin ame utut ûnyi ae kong ûnyi ga Iehova ka hnyi homagouleny Jerusalema.

Habakuka 1:13

E kalaöt hmonyin li emâkâm, me u je ca bewâ hulö, ke u je höcö wâ hwakecin ae hwali, anyin a ieû u je wâ tavat iyawö, me laba hnyibû hnyi ûen ame he at ae kong ka utâ at ae wisa hon e bi;

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.