Isaia 59:18 - Iaai Bible 1901 (New Caledonia)

¹⁸ E ame he ka bi hwaban hoton huliwa, wale hmonyin ka tavat a ûcon, me hwaban ka ta je iwahnaihmiony mē; e ame he ka bi hwaban ka je bomene.

Isaia 59:18 ပူးပေါင်းရင်းမြစ်များ

Jobu 34:11

Anyin a e ame he ka bi hwaban huliwa anyin at, Me ve oâ ka tavat hoton hwakecidrin.

Salamo 62:12

Than lö, e unyâm thibi minya ibetengiö: Anyin a u je bi hwaban ka tavat hia e ûcû me anyidra huliwa.

Isaia 1:24

Anyin a wale ame ha Than, Iehova tuhan sabaoth, Maniny Isaraela, ka habe, Awe, oge me he ka omeno nya ge tavat hûkötiö nya, oge me he ka bi hwaban ka je iwahnaihmiony mönya;

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 40:10

Wâ bi, ame he Than Iehova ka o helâ me at ae man, kʼ ame he benyin ka musi hobi kâu e bi: wâ bi, e unyin hwaban, ke e hnyi hnyimakan hwaban anyin huliwa.

Isaia 49:4

Ke haingök, ka habe, Oge hia but huliwa baû, ke a dit ut hwegiök, ke ba troban ke ûnyi baû bi: ke so bi, e hnathu, hamö Iehova be ka owisa könya, ke e unyin Khonguk hwabök bi.

Isaia 63:3

Inya oge hia but hake hlic vine; ke ba at unyik ûnyi hnyi ta je hnyei: eke, oge me hlic ödra hnyi anyik hmonyin, ke ututi ödra hnyi anyik wathethot; me ame kong anyik je ûkhaû ge drödra, ke oge hia but okongoâ hia anyik ûkhaû.

Isaia 63:6

Ke oge me ututo tavat hnyi anyik hmonyin, ke omonu ödra hnyi anyik wathethot, ke oge me hingâlâ dren anyidra möt ka hnyi hon kânâ.

Isaia 65:6

Wâ bi, a sihnalimen dut hnyi hnyimakök: oge me ca he ka laba hnyibû, ke oge me he ka bi hwaban, eke, oge me he ka bi hwaban ka hnyi je ûlaidra,

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Isaia 66:14

Ke öbun e he ka wâ e, me ame he ka senyin je hnyekubun, ke ame he ka möt so je jeiöbun, helâ me je bâtân: ke ame he je athnyabainy ka khanʼ ödra hnyamö Iehova, ke e ame he ka hmonyin ka je iwahnaihmiony mē.

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Isaia 66:6

Hwan mede hnyi taun, hwan hofuc hnyi uma kap, ho Iehova ame bi hwaban ka je iwahnaihmiony mē.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 32:19

e beönua hnyi ûhnenamö, me maniny huliwa: at ame wâ ge li emakan ta je gethen hia deny tavat; me me ve ham ka tavat ûnyi ae ûcû me dedra ta je gethen me hoton wan anyidra ta je huliwa:

Jeremia 50:15

Hongot dö goranyai kâu igigilo; a ngâ but; a kolu but je hak, kʼ adre kia thö je hna up haginy: anyin a waleling hmonyin anyi Iehova; bi hwaban ju kâu; ânyâ thö kâu helâ me hnen hna ânyâ.

Jeremia 50:29

Hawâ ûkhacaköuâ thö ka Babulona tavat hlic fana, tavat hia adre me hlöu cafana; hunuma ju igigilo e; ca hna ke at ka kec mot: ham dö kâu helâ me anyin huliwa; ânyâ hia thö kâu helâ hiaji me hnen hna ânyâ: anyin a e ame hia but hwege hnyimakan kö Iehova, Kabi Isaraela.

Je tenge anyi Jeremi 4:11

Haba Iehova ame ohwâdâ anyin hmönyin, me hingâlâ anyin wathethot ae gan; Ke e ame hia but hû meic hnyi Ziona, waleji ame thong degecâ je taben e.

Ezekiela 23:49

Ke adre me he ka bi hwaban hwakecibu ae ikiki hubu, ke ame he ka tabʼ öbu hulo ge anyibu je idola: ke öbu me he ka wâ a inya Iehova Than.

Ezekiela 38:18

Ke haba hnyi bong eling, bong a o hnyin Gog ûcon hnyei Isaraela, haingen Than Iehova, ame he ka manen anyik hmönyin hnyi hnyimakök.

Ezekiela 5:13

Ame he ka hwâdâ helâe anyik hmonyin, ke oge me heʼ ka osekunâ hudra anyik wathethot, me inye menâ thö: ke ame he ka khanʼ ödra a inya Iehova oge me fuc hnyi anyik ciâ, iny ka hia but ohwâdâ anyik wathethot hudra.

Ezekiela 6:12

Haba at hnyi dok ae sâkâû ame he ka mok ge mok ae cap; ke haba at ae hakekeny ame he ka ta ge hele vat; ke haba kolon, wale adre thelöng ame he ka mok ge hmiâ: helâe oge me he ka ohwâdâ anyik hmonyin hudra.

Joela 3:4

Eke, Turo me Sidona lö, me je ke keihen hia Filisiti, ieû gabun könya? hawa, Öbun e he ka ham könya hwaban? ke öbun e ne bi hwaban könya, me oge me he bi nya ka ie ohmeto hwaban eling ka hnyi hon je böbun.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Nahuma 1:2

Haba Iehova, me e Khong ame ciâ ke bi hwaban: Iehova ame bi hwaban, ke tren hmonyin; Iehova ame bi hwaban ka je iwahnaihmiony më, ke e ame ip hmonyin hobi kâu je iwahnaihmiony më.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Luka 19:27

Ke haba tavat eji je iwahnaihmiony mönya, waleji ae ca wedra oge me he ka musi ödra, hum ödra but jem he ka hlingʼ ödra hnyi hnyimakök.

Luka 21:22

Anyin a ûen bi hwaban eling, me me hwâdâ ta je ûnyi hia adre me sihnalimen.

Roma 2:6

wale at ame he ka ve ham ka tavat helâ me hnödra hna ânyâ:

Deuteronomi 32:41

Ke oge ne khet anyik hele vat ae hadrongöc, Me hom hna owisa ge hnyamok; Awe, oge me he ka ip hna okongoâ ka; je iwahnaihmiony mönya, Me bi hwaban tavat adre me hûkötiö nya.

Deuteronomi 7:10

ke ame bi hwaban manenâ ka tavat adre me hûkötiâ e he ka ohiʼ ödra: e ame ca he ka bec ka at ame hûkötiâ e, kʼ ame he ka bi hwaban manenâ kâu.

Hna Omanenâ 16:19

Me ame subâ kunâ but taun ae gan, kʼ ame ū but je taun hnyi je hnyei: ke adre me ûnykûme Babulona taun ae gan hnyi hnyi makan Khong he ka ham kâu kaiainy wainainy anyin tang hmonyin.

Hna Omanenâ 19:15

Ke ame o but ûnyi hnyi hnyimen hele vat ae so hwan, me me he ka kot kâu ta je hnyei: ke e ame he ka musi ödra ge osö fao: ke e ame ututo hnyi hna hlic vineiny tang hmonyin ae gan anyin Khong Ataekhanahia.