Isaia 59:16 - Iaai Bible 1901 (New Caledonia)

¹⁶ Ke e ame wâ ae ba at, me e ame lâiâ ae ba at ame khöûâ: anyin a wale ame ka ânyâ möt hobi kâu e hnen hnyamen bi; ke ame cö e anyin bi hwakecin ae wisa.

Isaia 59:16 ပူးပေါင်းရင်းမြစ်များ

Salamo 106:23

Anyin a wale e ame ha he ka ohiʼ ödra, Ke so bi hnö Mose, waleji e ame ûca, hna tot hnyi iwatretra hnyi hnyimakan, He ka ohmeto anyin hmönyin, wâ e nye ohiʼ ödra but,

Salamo 94:16

Ie at ame he ka tot hobi könya ka tavat adre ânyâ hulo? Ie at ame he ka tot hobi könya ka tavat adre me ânyâ ûnyi ae kong?

Salamo 98:1

KHUMÖNGÖ thö kö Iehova khumöng a teb ûnyi; Anyin a e ame hia but ânyâ ta je ûnyi hnân lâiâ: Haba hnyamen a metân, me benyin ae kap ödru me hia but ânyâ ûhomeli hobi kâu e.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 33:3

Ame kec ta je hnyei ge hwan imonumonun; kʼ ame vese but ta je hnyei u ka todrö.

Isaia 40:10

Wâ bi, ame he Than Iehova ka o helâ me at ae man, kʼ ame he benyin ka musi hobi kâu e bi: wâ bi, e unyin hwaban, ke e hnyi hnyimakan hwaban anyin huliwa.

Isaia 41:28

Ke oge me wâ, ke ba at, ke ba at ha bongon unyidra, ke oge me hnei ödra, ke ba at ae khana thu ge ke hofuc.

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 51:5

E hakekeny jut hwakecin ae wisa, a he but anyik ûhomeli, ke ame he li benyik ka owisa ta je hnyei; ke ame he ta je bomene ka halubahing nya, me labageju ka hnyi benyik.

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 53:1

IE at a kap anyihmun ûthumetu? kʼ adre hia but omanenâ kö ia benyi Iehova?

Isaia 62:8

A hia but Iehova khemanyin ge hnyamen a metân, me benyin ae hwege, ka habe, E hnathu oge me ca he hmetu ka hna ânyâm hwit hnân an je iwahnaihmiony möu; ke ame ca he je atkanyua ka ijem ânyâm waina waleji u je huliwan:

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Jeremia 5:1

WADRINGÂ thö je gethen hnyi Jerusalema, me wâ walang ang, me khana, me elâm hnyi je dok ae nedrong, ame ne he ka wâ at, ame ne hu at ame ânyâ wisa me elâm hnathu; me oge me he ka hna anyin hulo.

Ezekiela 22:30

Ke oge me elâm gadra at he ka op hagik hak, me tot hnyi hnyi-makök hnyi dok ae khekhe hobi kâu hnyei, mʼ oge me ca he ka ohia e: ke ba bi at oge me wâ.

Mareko 6:6

Ke e ame lâiâ can anyidra ca labageju. Ke e ame vheno igigilo je taun he ka ûne.