Isaia 59:12 - Iaai Bible 1901 (New Caledonia)

¹² Anyin ae se hia hnöhmun je hna hanyâûâ hnyi hnyimâkâm, ke ame hai öhmun anyihmun je hulo: anyin a e bi unyihmun hnöhmun je hna hanyâûâ, ke e khanʼ öhmun dut anyihmun ta je monu:

Isaia 59:12 ပူးပေါင်းရင်းမြစ်များ

Ezera 9:13

Ke hwaban ta je ûnyi hia ame o kohmun can hwakecihmun ae kong, me anyihmun hulo ae gan, anyin a u Khonguhmun u je bi hwaban ûhnyûkongo kohmun ke ca gan hmâ hoton anyihmun monu, ke u je ham kohmun ûhomeli helâng,

Ezera 9:6

me oge me ha, ka habe, Khonguk lö, iny hmehma but me hmak he ka hngele hnyidranyai köu Khonguk: anyin ae gan hmâ hnyikonguhmun hnyi hon je hohmun, ke gan hmâ anyihmun hulo ke ne o but hnyi drany.

Nehemia 9:33

Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Salamo 51:3

Anyin a oge me ogâ hnok je hna hanyâûâ: Ke e bala bi hnyi hnyimakök anyik hulo.

Isaia 1:4

Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Isaia 3:9

Ame omanenʼ ödra hnen ta je hnyimakodra; ke adre me omanenâ anyidra hulo helâ me Sodoma, adre ca ikhâlâ bi. Ekölö ge hanudrin! anyin adre me hia but bi hwaban hulo kodra bi.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Isaia 64:4

Anyin a haba hwân kâû adrem, ame ca löng bi hnen tavat, me ca tevehlöng bi, ke ame ca wâ hnen ecmak ke Khong, ke hake u ke thibi, at ame huliwa kodra adre me halubahingen e.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 3:2

Bwele thö ka hnyi je dok ae ba leûnen ethö, me wâ: ewa dok adre ca tha mokut möu hnyin? U je laba halubahingʼ ödra eû hnyi je gethen, helâ me at Arabia hnyi hnyebuba; ke u je hia but oikikiâ hnyei ge hnâm hna bi ûnyi monu, me hwakecâm ae kong.

Ezekiela 5:6

Ke e ame hia but hanyâûâ hnok hna owisa hnyi hnen hna ânyâ monu hon ta je hnyei, me hanyâûâ anyik je hnanyibu hon je hnyei igigilo: anyin adre me hia but hna degecâ hnok je hna owisa, me ca vheno anyik je hnanyibu.

Ezekiela 7:16

Ke haba tavat adre me kec gadra, me adre me he ka kec möt, kʼ adre me he ka helâ me je hinyin hnyigöulen bucen, kʼ adre me he ka ve tenge hon je bucen can hwakecidra.

Ezekiela 7:23

Anyâ thö sa cen: anyin ae unöngötö hnyei ge dra a joniny, ke a unöngötö taun ge ûokonguny.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Hosea 5:5

Ke haba bi gan anyin Isaraela ame ohnathoâ hnyi hnyimakan: anyin a wale ame he ka tha ta Isaraela me Eferaima hnyi anyidru hulo; kʼ ame he minya Juda ka ta unyidru.

Hosea 7:10

Ke ame ohnatho hnen bi gan anyin Isaraela hnyi hnyimakan: ke so bi adre me ca hmetu bi kö Iehova Khongudrin, me elâm e, hnyi je ûnyi hia eling.

Habakuka 1:4

Anyin a wale adre me oûnyibâûâ hnanyibu, ke ame ca he but hna owisa bala ka hwâdâ; anyin a tavat ae kong adre me igigilo tavat ae wisa; anyin a wale ame he but hna owisa ae hwali.

Numera 32:23

Ke öbun e ne ca ânyâ e, me wâ bi, öbun tavat hulö kö Iehova: ke wâhmakhmeto ju öbun, a gʼ ame he ka omanenʼ öbun ge anyibun hulö.