Isaia 59:1 - Iaai Bible 1901 (New Caledonia)

¹ WÂ bi, e ca okhulit benyi Iehova me me ca khana he ka omelo; ke ca wejeji li hnyikonyen me me ca khana he ka long:

Isaia 59:1 ပူးပေါင်းရင်းမြစ်များ

Genese 18:14

Ewa ke ûnyi ae hmak kö Iehova? Haba hnyi bong adre thu oge me he ka hmetu köu, e ka o but ûen, kʼ ame he Sara ka hnokoâ nokon da.

Salamo 94:9

Hawa ge at ame op hnyiköny, e ame ca he ka long? Haba at ame op ecmak, e ame ca he ka wâ?

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 58:9

Me u me he ka hongot, kʼ ame he Iehova ka ieû; u me he ka khöû, ke e ame he ka ha, ka haba, Inya ang. U je ne hom but ûnyi gam hna ûhûkâlâköuâ, me kû ge banyen, me ûhnenamö monu;

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Isaia 65:24

Ke ödra ka tiga ca hongot bi, me oge me he bi nya ka ieû: ke ödra ka tiga fuc, me oge me he bi nya ka ling ödra.

Jeremia 14:9

Anyin a ieû, u je helâ me at ame gâ ön, ke helâ me at ae hwege ae ca khana he ka omelo? ke so bi, u bi Iehova hnyi wanböhmun, ke u je ip iâm huhmun; ca hna degeci ohmun bi.

Jeremia 32:17

Ekölö Than Iehova! wâ bi, u je hia but op drany me hmeledrany ge manâm man ae gan hmâ me benyâm adre hai; ke ba ûnyi ae hmak köu:

Ezekiela 8:18

Anyin a wale oge me he bi nya ka huliwa hnyi hmonyin: oge me ca he ka hok hnyok, me betenge: eja ke ne adre ne hongot hwege göranyai ka hyni li hnyikönyök, oge me ca he ka ling ödra.

Mika 2:7

Lap anyi Jekob lö, hawa, adre me he ka ha, ka habe, Hawa, e sënyin dut hanu Iehova? hawa, e ame ânyâ je ûnyi ang? Hawa ame ca he hok hofuc ka osoâ at ame vheno wisa?

Numera 11:23

Ke Iehova ame ha kö Mose, ka habe, Hawa, ame hwân ka okhulit hnyamö Iehova? u me he ka wâ walang ang, ame ne he ka āt, ame ne ca he ka āt hok hofuc.

Mataio 13:15

Anyin ame khot ut hnyekon, tavat ang, Ke hmak je hnyikönyödra he ka long, Kʼ adre mook ge je emaködra; Wâ adre nye wâ ge je emaködra Me long ge je hnyikönyödra, Me wâ ûnykûme ge hnyekudra, Me hmetuhmetu but, Mʼ oge me he ka omeli ödra.

Heberu 7:25

Anyin a wale e khana balua he ka omeli ödra tavat adre me he but ka Khong a deny e, anyin a e at ae möt balua he ka khöû hobi ködra.

I. Samuela 4:3

Ke ame o tavat ka hnyi hna hunuma, me haba wahingatiny at Isaraela ödrin e ha ka habe, Can ieû Iehova ame kuc ota hnyi hnyimakan at Filisiti hnyi bong ang? E so ate me hom ûheny Silo tangen ûhihinyköu, me me e bi unyita, me omeli ota ûnyi ge je iwahnaihmiony möta.

I. Samuela 8:18

Ke öbun e he ka tenge hnyi bong eling can tuhöbun at öbun e he ka ûca; kʼ ame ca he bi Iehova ka thu köbun hnyi bong eling.