Isaia 57:7 - Iaai Bible 1901 (New Caledonia)

⁷ U je hia but ip hnâm hna mokut hon bucen ae beû ke gorany, u je ölö kâe me hudo je hut.

Isaia 57:7 ပူးပေါင်းရင်းမြစ်များ

Isaia 57:3

Ke hakekeny ju öbun je lakon momo at ame bihihwakecin, a je mâtrân momo ame bi ûnyi monu me momo hnyi gethen.

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 3:2

Bwele thö ka hnyi je dok ae ba leûnen ethö, me wâ: ewa dok adre ca tha mokut möu hnyin? U je laba halubahingʼ ödra eû hnyi je gethen, helâ me at Arabia hnyi hnyebuba; ke u je hia but oikikiâ hnyei ge hnâm hna bi ûnyi monu, me hwakecâm ae kong.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Ezekiela 16:16

Ke u je hom ânyâm ke je ûkhaû me ânyâ hobi kâu je dok ae gorany ae ve bongon bi, me bi ûnyi monu eling: ame ca he ka o but ta je ûnyi helâe, kʼ ame ca he hmetu ka helâe.

Ezekiela 16:24

me u je op dok ae nua bi hobi köu, me ânyâ hobi köu ke dok ae gorany hnyi ta je gethen hia thithö.

Ezekiela 16:25

U je hia but op ânyâm je dok ae gorany, hnyi je hna saû hia, me oikikiâ ânyâm hmanenang, ke u je öûsakâûöâ li hnyeûcam ka tavat adre me gethen unyâm, me osehia hnâm hna bi ûnyi monu.

Ezekiela 23:17

Ke haba at Babulona adre me o but kâu ka hnyi hnen hna mokut, ke adre me okongoâ e hnen anyidra bi ûnyi monu, ke e ame kong ut gadra, me e ame hûköti ödra.

Ezekiela 23:41

me laba hon hna mokut ae hmanenang, ke e hnyi hnyimakan e laulau adre penapena, waleji u je ip hon anyik utö ae bo so, me anyik wakaco.

Ezekiela 6:13

Ke ame he ka khanʼ öbun a inya Iehova, e ka e but je kokidra hnyi wanben anyidra je idola igigilö anyidra je taben hut, hon je dok ae hut hia ae gorany, me hon ban je bucen hia, me hmelen je ûö hia ae hât, me hmelen je iwajo hia ae wanenec, waleji adre ham hnyin je ûnyi ae bo so ka anyidra je idola hia.