Isaia 57:5 - Iaai Bible 1901 (New Caledonia)

⁵ öbun tavat ame ka öûjöngöi öbun hnyi hmelen je iwajo me je ûö hia thithö ae hât; tavat adre me hlingâ je wanakat hnyi hnyigöulen je bucen hmelen je hmakat hnyi kic.

Isaia 57:5 ပူးပေါင်းရင်းမြစ်များ

I. Je Than 14:23

Ke ödrin e ânyâ minya hobi ködrin je dok ae görany, me je veto ame tot, me je Aseira, hon je dok ae hut hia, me hmelen je ûö ae hât hia thithö;

II. Je Than 17:10

Ke ödrin e otilâ hobi ködrin bi je veto ame tot, me je Aseira hon je bucen hia, me hmelen je ûö hia ae hât:

II. Je Than 17:7

Ke helâe anyin a je lakon Isaraela ame kong hwakecidrin kö Iehova Khongudrin, at a hum ödrin ûnyi hnyi hnyei Aigupito ûnyi hnyi hmelen hnyamö Farao than Aigupito, me outen je khong,

II. Je Than 23:10

Ke e ame oikikiâ Tofet a e hnyi hnyigöulen bucen iny laku Hinom, me me ca he ke at ka kunâ nokon baga ame ne hlu he ka he hnyi wanben meic kö Moleka.

II. Man Ûlabainy Je Than. 28:3

Ke haba khaca e ame leû utö ae bo so hnyi hnyigöulen bucen anyin lakon Hinom, kʼ ame thong lakon bi ge meic, hoton je hwakecin ae ikiki anyin je wanaithila waleji a obâ Iehova hnyi hnyimakan lakon Isaraela.

Esodo 32:6

Ke adre me vesâ hnyi hnyomakatu kong, me hudo je hut adre le, me hom je hudiny ûsoköu; me ame laba ju tavat he ka han me ic, me adre me todrö he ka mat.

Isaia 1:29

Ke adre me he ka hmehma ge je iwajo öbun e weny, ke öbun e he ka monumonu can ta hnyei öbun e ûca.

Jeremia 17:2

ke haba ta je lakudra adre me ûnykûme anyidra ta je taben hut, me anyidra je Aseira hnyi je ûö ae hât hon je hut ae gorany.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 3:13

Ke so bi, ogâ thö ânyâm hulo, a u je ânyâ hwakecin ae ikiki kö Iehova Khongom, me he monu unyin je atkanyua hmelen ta je ûö hia ae hât: ke öbun e ca long hok hofuc haingö Iehova.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Jeremia 32:35

Ke adre me otilâ je dok ae gorany anyi Baala, hnyigöulen bucen anyin nöku Hinom, me kunâ je lakudra obaga me wahlu ka he hnyi wanben meic kö Moleka; waleji a oge ca ûkhûnöng, ke oge ca ûnykûme, agʼ adre me he ka ânyâ ûnyi eling ae ikiki; he ka oâ hulo ge at Juda.

Jeremia 50:38

E hu bongon ihmeiny hon köien je köihnam, kʼ ame he ka hwahwacit: anyin a e hnyeiny ta je hnatheat, kʼ adre me ti hobâ je idola.

Jeremia 51:7

Babulona ehac, me helâji me kaia gol hnyi hnyamö Iehova, kʼ ame omono hmeledrany hia: kʼ ame hia but ijem wainainy ge ta je hnyei; anyin a wale ame monu thö ta je hnyei.

Jeremia 7:31

Ke adre me op ta je dok ae göranyin Tofet, ae hnyin hnyigöulen bucen anyin je laku Hinom, me adre me thong je lakudra baga me hlu hnyi meic; waleji oge ca ûkhûnöng, ke oge ca ûnykûme.

Ezekiela 16:20

Ke haba khaca, u je hia but hom lakom obaga me wahlu, waleji u je hnoko hobi könya, me hudi ödra ködrin me hnân ö ʼdrin. Hawa, ûnyi ae ûhnyûkong hnâm je hna bi ûnyi monu,

Ezekiela 20:26

ke oge me okongu ödra hnyi anyidra bi ta je bwihlany, waleji hnyi hnödra hna ovheno je lakudra a watö hia hnyi wanben meic, mʼ oge me he ka öba wan gadra, me me khanödra a inya Iehova.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Ezekiela 20:31

ke öbun ka hom anyibun ta je bwihlany, ke öbun ka ovheno ta je lakubun hnyi wanben meic, hawa öbun e okongu öbun bi ge anyibun ta je idola ke ne o but hnyi bong ang? ke hawa, öbun e he bi ka hnei nya, lap anyi Isaraela? Haingen Than Iehova, ka habe, Kia inya inya a öbun e ca he ka hnei nya:

Ezekiela 6:13

Ke ame he ka khanʼ öbun a inya Iehova, e ka e but je kokidra hnyi wanben anyidra je idola igigilö anyidra je taben hut, hon je dok ae hut hia ae gorany, me hon ban je bucen hia, me hmelen je ûö hia ae hât, me hmelen je iwajo hia ae wanenec, waleji adre ham hnyin je ûnyi ae bo so ka anyidra je idola hia.

Levitiko 18:21

Ke u me ca he ka hna lakom he ka he hnyi wanben meic kö Moleka, ke u me ca he ka okongoâ ien Khongom: Inya Iehova.

Numera 25:6

Ke wa bi, haba ke at Isaraela ame hom ke momo Midiana ka je liamekeiny mē, hnyi hnyimakö Mose, me hnyi hnyimakan ûkhacaköu anyin lakon Isaraela hia, ödra adre me tenge hnyi hwanumen uma ûkhacaköu.

Deuteronomi 12:2

Öbun e be ka ti ohia ta je dok hia adre me bi athnyabainy hnyin je khongudrin hnyi je hnyei öbun e he ka hu, walʼ ethö hon je bucen ae beû, me je dok ae görany, me hmelen je ûö hia ae hat:

Hna Omanenâ 18:3

Anyin a ū but ta je hnyei hia ge wainainy tang hmönyininy bi ûnyi monu anyin momo; ke ame bi ûnyi monu me je than eang hmeledrany, kʼ ame tren omjeû tavat ûcû eang hmelen ge maniny hna osenyinâ unyin momo.