Isaia 57:2 - Iaai Bible 1901 (New Caledonia)

² E ame dit ka hnyi hnahic; kʼ adre me ve menâ hon hnödra hna mokut, wale tavat adre me vheno hwakecidra ae fofâ.

Isaia 57:2 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

II. Man Ûlabainy Je Than. 16:14

Me adre me konâm hnyi anyin hing erkemok waleji e ame hia but thu hnân hobi kâu e bi hnyi taun anyi Davita, me ip ju e hnyi hnen hna mokut dok adre öunongöta ge basama, me ke je ûnyi adre me ûhaniken hoton metâiny at ame huliwan je bubuny ke gan hmâ hnödra hna leû utö ae bo so hobi kâu.

Jobu 3:17

Kʼ ame ca he hmetu ka ovecʼ ödra eling ge tavat ae kong; Kʼ ame menâ bi eling tavat adre me sënyin.

Salamo 37:37

Bi haten ju at ae wisa, ke wâ ju at ae fofâ: Anyin ame he ka hnahic ut obiny at eling.

At Khet 12:7

ke ame hmetu sesâ hnyikânâi, helâ me ehac, ke ame he hmetu hanu ka Khong at ame ham e.

Isaia 14:18

Haba je thaniny hia ta je hnyei, ödra hia thithö adre me ve mokut hnyi hmanenang hnyi umödra bi je uma.

Isaia 26:7

E wisa gethen deny tavat ae wisa: u thibi at ae wisa ke u je okhabalaûâ gethen deny tavat ae wisa.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Ezekiela 32:25

Adre hia but ip hnen hna mokut hnyi wanben tavat adre me hlingʼ ödra tha e me aten hia; ke igigilo e anyin je erkemok: tavat hia adre ca peritomon, kʼ adre hlingʼ ödra ge hele vat; anyin adre me ot gadra waleji ödra tiga möt, kʼ adre hia but tha hmehma me tavat adre me utut ka hnyi thop: kʼ adre me ip e hnyi wanben tavat adre me hlingʼ ödra.

Daniela 12:13

Ke he thö u ke ne o but obiny: anyin a u me he ka menâ, me tot hnyi jekhom, e ka um dö je bong.

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Luka 16:22

Me ame mokcu at sumat, me ame hom dö e ta je angela ka hnyi ûlai Aberahama: ke ame mok minya ju at ae tren onjeû, me adre me konâm but.

Luka 2:29

Than lö, u ma hna but walang ang athnyabaem he ka he hnyi hnahic, Helâji me hwâm hofuc;

Luka 7:50

Ke e ame ha ka momo, ka habe, U je mödrut ge ânyâm labageju; he thö me hnahic.

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

II. Korinito 5:8

öhmun e hwege hnyok, me wehmun he ka hia but hnyi unyin, me tha öhmun unyin Than.

Filipi 1:23

Anyin oge me loloâ hnyi li ûnyi eang, ke haba wek bi, me he ka he but, e me tha inya me Keriso; wale so ae nua:

Hna Omanenâ 14:13

Ke oge me löng hofuc ûnyi hnyi drany ame ha könya, ka habe, Sihnalimen ju, ka habe, Hnahic hnen wamok, tavat adre me mok unyin Than hwân walang ang: eke, ame ha Hanu, mʼ adre me menâ thö ûnyi hnyi anyidra ta je huliwa; anyin ame tha hnu hotudra anyidra ta je huliwa.