Isaia 57:18 - Iaai Bible 1901 (New Caledonia)

¹⁸ Oge wâ but deny ta je gethen, ke oge me he ka omelo e: ke oge me he bi minya ka su e, me okûâ hmetu je ûnyi ae so kâu, me tavat adre me tha tenge mē.

Isaia 57:18 ပူးပေါင်းရင်းမြစ်များ

Salamo 23:2

E ame omokuli nya hnyi hna önying ae hat: E ame su nya thö ka hnyu je wagewe ame omise.

Salamo 51:12

Ohmeto ju könya senyininy ânyâm ûhomeli: Ke ci nya thö ge hanu ame ie ûling.

Salamo 94:19

Ame okahwa hnyekuk ge ta je ûnyi hnân otubwelâ unyi gam, Hnyi hnok ta je hna ûnykûme ae se hia eû hnyik.

At Khet 9:4

Anyin a haba at ame tiga hanen tavat ae möt me hu geju bi unyin: anyin ae so kuli ae möt hon liona ae mok.

Isaia 1:18

Haingö Iehova, ka habe, Ai öbun walang ang, ate me he ka tha ûsabö: eja ke ne a ne helâ me dra vec anyibun ta je hulo, me ame he ka hau bi helâ me kiona; ke ame ne dra helâ me dila, me ame he ka helâ me leûnen mamoe.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 19:22

Ke ame he bala bi Iehova ka kot Aigupito, me osoâ bi; ke adre me he ka hmetu kö Iehova, me e ame he ka ling ödra, me osoi ödra.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Isaia 49:10

Adre me ca he ka mekihnânem me beic; ke ame ca he ka li ödra kahwa, me seûno: anyin ame he at a betenge gadra ka hum ödra, me su ödra ka hnyi an ame pupua.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 52:12

Anyin a öbun e ca he ka he logot, ke öbun e ca he ka kec duöng; anyin ame he Iehova ka bân hnyi hnyimaköbun; kʼ ame he Khongu Isaraela ka he hotubun.

Isaia 53:5

Ke so bi e ame aat dö can hnöta ta je hna hanyâûâ, kʼ adre me khaû e can hwakecita ae kong: adre me ip hon e je hna kot mʼ ate me hnahic bi, ke öta metu but can hna khûâ hnân.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 58:11

ke ame he bala bi Iehova ka su u, me osekuni u hnyi je dok ae atgec, me ohwegiâ je jeien unyâm; ke u me he ka helâ me hna belök adre hû, ke helâ me an ame ca hme bi köien.

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 30:17

Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 31:3

Haba Iehova ame manen dut könya ehac me ha, ka habe, Inya oge me betenge gam ge betenge a nyiele balua: anyin a wale oge hia but lili u ge betenge baû.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Zakaria 1:13

Ke haba Iehova ame thu ka angela at ame ûhnenamö mönya hnyi je hofuc ae so, wale je hofuc hnân okhaukahwa hnyok.

Luka 15:20

Me e ame tot, me he ka kamen. Ke kamen ame wâ, ke tiga sâkâû, me e ame betenge gan, me wadring, me ta ju hon nyin, me ûcimhnyimak mē.

Roma 5:20

Ke ame o but minya hnanyibu, me ame se hia but monu; ke haba dok ame gan monu hnyin, me wale gan hmâ but ibetengiö baû:

Hna Omanenâ 7:17

anyin ame he Arenio ka hat ödra, waleji a e hnyi wanben theron, ke e ame he ka lili ödra ka hnyi köiöiny möt ame pupua: ke ame be Khong ka kot degecâ ta je deköiö hia ûnyi hnyi ta je emaködra.