Isaia 57:15 - Iaai Bible 1901 (New Caledonia)

¹⁵ Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 57:15 ပူးပေါင်းရင်းမြစ်များ

Genese 21:33

Ke Aherahama ame ta ke ûö tarfa e Bere-seba, me hâwâ iö Iehova eling, Khong a Nyiele balua.

I. Je Than 8:27

Ke hawa, e hnathu ame he Khong ka laba eang hmeledrany? wâ ju, e ca ûcû u drany me dranyin ta je drany; ke e ti ca ûcû u uma eang o ge op

II. Man Ûlabainy Je Than. 34:27

anyin ae menyik hnyekom, ke u je oûhnyûkongu u bi hnyi hnyimakan Khong, hnyi hnâm hna löng hwan hofuc ge dok ang, me tavat adre me labā e, ke u je oûhnyûkongu u bi hnyi hnyimakök, me kia ânyâm je ûkhaû, me tenge hnyi hnyimakök; anyin a wale oge me he bi nya ka ling u, haingö Iehova.

Jobu 22:29

Ödra ka ohnyikânâi u, u me he ka ha, ka habe, Todrö; Ke e ame he ka omelö at ae hnyikânâ.

Jobu 6:10

Mʼ oge me he ka laba wia, Eke, oge me he ka senyinâ vec, a at ame ca betenge: Anyin oge me ca ivinoâ hofuc hwan At ae Kap.

Salamo 111:9

E ame hia but kunâ ûhomeli ka lakeiny; E ame hia but hûna anyin ûhihinyköu ke ne o but nyiele balua: E kap me hnân okabâ ien.

Salamo 115:3

Ke ethö hnyi drany Khonguta: A hia but ânyâ hia hnen hna weny.

Salamo 123:1

INYA oge me bwele goranyai köu, At ame laba hnyi drany.

Salamo 138:6

Eja ke ne a ne gorany Iehova, e ame he ka wâ tavat ae hnyikânâ: Ke e ame wâhmakhmetoâ tavat bi gan hnyi dok ae sâkâû.

Salamo 138:7

Eja ke ne oge ne he hnyi wanben vec, u me he ka omeli nya: U me he ka hai hnyamâm hon hmönyin anyin je iwahnaihmiony mönya, Kʼ ame he hnyamâm a metâm ka omeli nya.

Salamo 147:3

E ame ometo tavat ae vec hnyekudra, Me lan hnödra ta je aat.

Salamo 34:18

E hakekeny Iehova ka tavat ae hmak je hnyekudra, Kʼ ame omelo tavat ame vec hanudra.

Salamo 34:19

E se hia ta je vec anyin at ae wisa: Ke Iehova ame omelo e ûnyi hnyi ta je ûnyi hia.

Salamo 51:17

Haba ta je hut ka Khong me wale thibi hanu ae mita: Khong lö, u me ca he ka oûnyibaûâ hnyok adre omomono ae bewisa.

Salamo 51:19

Me u me he ka senyinâ ta je hut ae wisa, wale hut adre me le, me hudiny leu ae bekhot: Mʼ adre me he ka hudo je bolok hon ânyâm taben hut.

Salamo 83:18

Me me khanʼ ödra a u thibi, wale a iâm Iehova, At ae Beönua hon hmeledrany hia thithö.

Salamo 90:2

Adre me tiga ca hnokoâ ta je bucen, Kʼ u tiga ca op hmeleledrany me hon kânâ, Waleji hwân adrem balua ke ne o but nyiele balua, u thibi Khong.

Salamo 93:2

E tethmâ ânyâm theron hwân adrem: U ûnyi kâû adrem balua.

Salamo 97:9

Anyin a u beönua hmönyin Iehova hon hmeledrany hia thithö: Adre ti ogöranyi u hon ta je khong hia thithö.

Salamo 99:3

E so adre me he ka ogânâ iâm ae gan me hnân outen: E kap thibi e.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Esodo 15:13

Hnyi ânyâm ibetengiö u je lelö tavat u je hia but omelö: U je lili odra ge tang hwegiâm ka hnyi hnyabam ae kap.

Esodo 15:18

Ame he Iehova ka musi nyiele nyiele balua.

Esodo 40:34

Me haba ûlâ ame tube uma ûkhacaköu, ke haba hmanenangi Iehova ame ounöngötâ uma mano.

Esodo 40:35

Ke ca hanö Mose he ka didrö ka hnyi uma ûkhacaköu, anyin a laba ûlâ hon, kʼ ame ounöngötâ uma mano ge hmanenangi Iehova.

Ta je Vejec 16:19

E so he ka hnyok hnyikânâ tha e me tavat ae ilemuk, Hon he ka tha khenâ je hna söh me tavat bi gan.

Ta je Vejec 8:23

Adre otilö nya kâû adrem bala, hnyi hwân, Hnyi ûen ae tiga ba bi hmeledrany.

Isaia 18:4

Anyin a walang hna ba hnö Iehova könya, ka habe, Oge me he ka laba wia, me wâ hnyi hnyabak; helâ me hlöng ae gan e ka o seuno, ke helâ me hauiny ûlâ e ka hlöng hnyi ûen menu.

Isaia 33:5

Adre me oganö Iehova; anyin a e ame laba ethö: e ame hia but ounöngötâ Ziona ge hna owisa me hwakecin ae wisa.

Isaia 40:28

Hawa, e ca khanö u î u me ca long? a Khong nyiele balua, a Iehova, at a op je can hmeledrany e ame ca mat, me sēnyin; ca hnân bi wâ anyin metâ.

Isaia 52:13

Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

Isaia 6:1

HABA hnyi hunainy mok a Uzia than, me oge me wâ Than ame tabâ theron ae gorany ke beönua, ke unöngötö uma ge obiny anyin ûkhaû.

Isaia 6:3

Ke adre me ûkukoköu me ha, ka habe, E kap, e kap, e kap, Iehova tuhan sabaoth: e unöngötö hmeledrany hia ge anyin hmanenang.

Isaia 63:15

Wâ ju ûnyi hnyi drany, me wâ ûnyi hnyi hnyabam ae kap me hmanenang; ewa wem ae hwege me hna ânyâ hnen manâm man? adre hom behânâ medien hnyekom me ânyâm betenge könya.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Je tenge anyi Jeremi 3:41

Ate me he ka kap goranyai je hnyekuta me je hnyamöta ka Khong ethö hnyi drany.

Ezekiela 16:63

mʼ u me he ka ûnykûme, me hlohlo, me ca he hmetu ka fuc, can ânyâm hmehma; iny ka hia but thang degecâ hnâm hna ânyâ hia thithö, haingen Than Iehova.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Daniela 2:11

Ke haba ûnyi ame elam than, me e ti hmak, ke ca khana bi ke at he ka omanenâ e hnyi hnyimakan than, ke so thibi je khong, a tavat adre me ca tha laba me tavat.

Daniela 4:17

Hnen musi anyin tavat hmâkâ ûnyi eling, me hnen hofuc hwan tavat ae kap hna hûna eling: me me khana tavat ae möt a gʼ ame musi At ae Beönua hnyi dokhu dokhon tavat, ke e ame ham kâu hnen hna weny, me otilâ hon e hoûmonu.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Joela 2:13

kia but je hnyekubun, ke ca kia je ûkhaû bi, me hwio thö kö Iehova Khongubun: anyin a e at ame betenge baû, ke betenge vec, ke bec he ka hmonyin, ke gan hmâ anyin ibetengiö, kʼ ame ka ietra hulo.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Zakaria 2:13

Tavat hia thithö lö, laba hnyibû ju hnyi hnyimakö Iehova; anyin a e ame todrö ûheny hnyi hnyaban ae kap.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Mataio 6:9

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm.

Luka 1:49

Anyin a haba at ae man ame hia but ânyâ könya ta je ûnyi ae gan hmâ; Ke e kap ien.

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Ta je huliwa 3:14

Ke öbunʼ e ivinoâ At ae Kap ke At ae Wisa, me sumâtâ he ka hna köbun at ûhlingö,

Roma 1:20

Anyin a haba anyin ta je ûnyi ae iyong, hwân hnyi hna op hmeledrany, me, himanen hmonyin dut, adre me wâhmakhmetoâ hnen ta je ûüyi a op, wale maniny man ae ca ba balua, me bongon Khong; wale me me he ka ba hmetu hnân thu gadra:

II. Korinito 1:4

at ame okahwʼ öhmun hnyi anyihmun je vec hia, me me khanʼ öhmun dut he ka okahwʼ ödra adre me vec, ge kahwa ame okahwʼ öhmun kâu hnen Khong.

II. Korinito 2:7

waleling me me so köbun he ka nuâ anyin monu me okahwâ e, wâ e nye utâ but at helâe hnen anyin hlöuhlöu ae ti gan hmâ.

II. Korinito 7:6

Ke haba Khong, at ame okahwa tavat adre me ohnyikönʼ ödra bi, me e ame okahwʼ öhmun ge ioi Tito;

Deuteronomi 33:27

Haba hnyabam, me, Khong a nyiele balua; Ke eû hmelâm li benyin a nyiele balua; E ame obâ iwahnaihmiony hnyi hnyimâkâm, Ke haingen, ka habe, Ohia but.

I. Timoteo 1:17

E so e unyin Than a e balua bi, me möt balua bi, me iyong bi, Khong a khaca thibi, e so e anyin bi, hna ogânâ me hna olungâ nyiele nyiele balua. Amen.

I. Timoteo 6:16

e thibi ame tren möt balua, at ame laba hnyi melam ae ca hnân ûhakekeny kâu; waleji ame ca wâ hnen at, ke ca khana minya wâ: e so he ka e unyin bi hna ogânâ me man nyiele balua. Amen.

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.

Hna Omanenâ 3:7

Ke sihnalimen ju ka angela anyin ekalesia hnyi Filadelefia, ka habe, Walang ta je ûnyi ame ha hnen at ae kap, ke hnathu, at ae hu gan ki anyi Davita, at ame khong, ke ba at ame he bi ka hlöng, kʼ ame hlöng, ke ba bi at ame he ka khong:

Hna Omanenâ 4:8

Ke haba je ûnyi ae möt a vak, me ve hu gadrin je labenyidrin a siks, ke ödrin unöngöt hnyi je ke keihen ke eû hnyin ge je ecmak; ke ödrin e ca menâ hnyi lany me lit he ka ha, ka habe, E kap, e kap, e kap Than a Khong, At ae khana hia, waleji adrem, ke walang ang, ke ame he ka o.

I. Samuela 2:2

E ba at ae kap helâ me Iehova; Anyin ae ba at bi ke hake thibi u Ke ba kic helâ me Khonguta.