Isaia 57:12 - Iaai Bible 1901 (New Caledonia)

¹² Oge me he ka haimemenâ ânyâm wisa; ke haba ânyâm ta je huliwa bi, me ame ca ke ka hu troban köu.

Isaia 57:12 ပူးပေါင်းရင်းမြစ်များ

Isaia 29:15

Ekölö gadra tavat adre me elâm eû hnyin he ka ikhâlâ ga Iehova anyidra ta je ûhnenamö, ke e bi hnyi menekholom anyidra ta je huliwa, me ha, ka habe, Ia ame ō ʼta? ia ae khana öta?

Isaia 44:9

E ûnyi baû hia tavat adre me bi hnatheat; ke ba troban anyidra ta je ûnyi adre me hnyok kâu: ke ame ca bwele tavat adre me ohnathu ödra, ke ca khanʼ ödra bi; mʼ adre me he ka hmehma but.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Isaia 64:5

U me ûkhanö me at ame senyin me ânyâ hwakecin ae wisa, tavat adre me ûnykûme köu hnyi dem ta je gethen: wâ bi, u je hmönyâm, ke öhmun e ânyâ hwakecin ae kong: öhmun e laba kueny hnyin, ke hawa, öhmun e ha ka möt?

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Jeremia 10:11

Walang hnobun hna he ka ha kodra, ka habe, Haba ta je khong wale adre ca op drany me hmeledrany, ame he ka hiʼ ödra eang hon kânâ hia; me hnyi hmeledrany.

Jeremia 10:14

Ame ve hwakecin meno bi tavat hia, me ba wâhmakhmeto unyidra: a ve hmehma but tavat huliwan gol hia ge anyidra bi hnatheat: anyin ae thoi but anyin idola adre okoiâ, ke ba homenâ eû hnyidrin.

Jeremia 10:15

Odrin bi a ûnyi baû me hnân iyawo: hnyi ûen bi hwabodrin, ame he ka hiʼ ödrin.

Jeremia 51:18

Ödra ta je ûnyi baû, huliwa hnân hlumâ: ame he ka hi ödra but hnyi ûen adre me senʼ ödra.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mataio 23:5

Ke ödrin e ânyâ hia anyidrin ta je huliwa hnân bi wânen at: anyin ödrin e olâwâ anyidrin je filateri, me ogânâ je baten je khaûdrin,