Isaia 57:1 - Iaai Bible 1901 (New Caledonia)

¹ AME hia at ae wisa, ke ba at a ûnykûme e hnyi hnyekon; ke adre me hom tavat ae wisa, ke ba at ame ûnykûme a gʼ adre hom at ae wisa ge monu ame he ka o.

Isaia 57:1 ပူးပေါင်းရင်းမြစ်များ

I. Je Than 14:13

Ke ame he ka tenge gan Isaraela hia, me konâm e; anyin a e thibi hanö Jeroboama ame he ka o ka hnyi erkemok: anyin adre wâ unyin ûnyi ae so kö Iehova Khongu Isaraela hnyi lap anyi Jeroboama.

II. Je Than 22:20

Wâ bi, anyin a wale, oge me he ka ûkhacaköuö u tha e me lakâmâm, ke adre me he ka ûkhacaköuö u ka hnyi erkemok kʼ u hnahic, ke ame ca he li emâkâm ka wâ ta je ûnyi hia ae kong oge me he ka oâ ka hnyi dok ang. Me ödrin e hmeto je hofuc eling ka than.

II. Man Ûlabainy Je Than. 32:33

Ke haba Hezekia ame tha mokut ut me lakamen, me ödrin e konâm e hnyi dok adre me ölö hnyin ka hnyi erkemok anyin je laku Davita: ke haba at Juda hia me tavat adre me laba hnyi Jerusalema ödrin e oganâ e hnyi anyin mok. Ke ame musi biju Manase a nokon hwaban.

II. Man Ûlabainy Je Than. 34:28

Wâ bi oge me he ka ûkhacaköuö u tha e me lakâmâm, ke adre me he ka ûkhacaköu u ka hnyi erkemok me hnahic, ke ame ca he li emâkâm ka wâ ta je ûnyi hia ae kong, oge me he ka oâ ka hnyi hon dok ang, me tavat adre me labā e. Me ödrin e hmeto hofuc ka than.

II. Man Ûlabainy Je Than. 35:24

Me lathnyabainy ödrin e hom e ûnyi hnyi kariota e, me ip e hon anyin kariota a loiny, me hom e Jerusalema ai; me ame mokcu, me adre me konâm e hnyi je erkemok anyin lakamen. Me ame hnyamok Juda me Jerusalema hia ga Josea.

Salamo 12:1

IEHOVA lö, omelo thö; anyin ae ba at ae wisa hwakecin; Kʼ ame hia but tavat ae hnathu unyin lakon tavat.

Salamo 37:37

Bi haten ju at ae wisa, ke wâ ju at ae fofâ: Anyin ame he ka hnahic ut obiny at eling.

Isaia 42:25

Anyin a wale e ame hingâlâ hudra ûganiny anyin hmonyin, me ihwegien anyin vat; ke e ame vâc e igigilo e, ke e ca khana bi; ke ame hiâ e, ke e ame ca ûnykûme bi.

Isaia 47:11

Anyin a wale ame he ka o köu ûnyi ae kong, ke u me ca he ka wâ deny ame he ka o hnyin: ke ame he ka o köu ûokonguny ke ca khanö u he ka onua: ke ame he ka ie o köu hnaûhango ke ca khanö u bi.

Isaia 47:7

Ke u je ha, ka habe, Oge me he bala ka than momo; ke u je ca ûnykûme ta je ûnyi eling eû hnyi hnyekom, u je ca ûnykûme ge obiny ta je ûnyi e.

Isaia 57:11

Ke ie at waleji u me outen me öbubuny gan, anyin a u me thoi, me ca ûnykûme könya, ke u je ca ip eû hnyi hnyekom? hawa, oge me ca laba hnyibû hwân ehac, me u je outö nya?

Jeremia 18:11

Ke walang ang, he thö ka ha ka at Juda me aten Jerusalema, ka habe, Walang hna ha hnö Iehova, ka habe, Wâ bi, oge me he ka penapena ûnyi ae kong hobi köbun, me ûnykûme hna ûnykûme he ka ânyâ köbun: ve hmetu ju öbun walang ang ûnyi hnyi debun ta je gethen ae kong, ke osoâ but debun je gethen me anyibun ta je huliwa.

Jeremia 22:10

Ca tenge bi can at a mokcu, ke ca mâng bi gan: ke tenge hwege bi thö ge at ame he; anyin a e ame ca he ka hmetu, me wâ hnyei adre hnokoâ e hnyin.

Ezekiela 21:3

me ha ka hnyei Isaraela, ka habe, Walang hna ha hnö Iehova, ka habe, Wâ bi, ve e inya möu, ke oge me he ka oc ut anyik hele vat ûnyi hnyi tangen, me subâ degecâ ûnyi gam at ae wisa me at ae kong.

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Malaki 2:2

Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.

Numera 23:10

Ia ae khana he ka aû sesâi Jekob, Me ha ûseiny ke keihen a vakiny Isaraela? E na he ju mekik ka helâ me mekiny at ae wisa, Me obiny melik helâ me obiny melen.